Filipiyeku 4:6 - Mewar Alqawarang

⁶ Ku̱ damta nu ndu̱ aa nu̱m ɓa, mbu̱ aa nu̱m kap gho ma ye Magham mbe barar ndu̱ khuti, su̱yen ndu̱ kunari.

Filipiyeku 4:6 ပူးပေါင်းရင်းမြစ်များ

Matta 10:19

Mbu̱ wa ku̱sonu ku, damta nu ndu̱ ɗyi nu̱ke tun ka zu̱ki ye wor ɓa, ka vu̱r ɗyi nu̱ke tun ka zu̱ki ye wor sarchi nang.

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Matta 6:34

Ku̱me nang, damta nu nu̱ ɗyin wur ɓa, wur a ɓar ndu̱ damtar ɓaran zum, damtar nu̱ meeni wa gama nu.

Matta 6:8

Shi nu wa wor ɓa, ku̱me Magham wa zu̱n ɗyi nu̱ke tun a gangndan fan khuɗ nu nda.

Luka 10:41

Yang tu̱ Zhinerem gwaanji tlogha yenda za, “Marta, Marta, khangkal ɓa wa ji, ta damta va nu̱gha tu̱k ɗyine su̱ tun khang.

Luka 12:22

Kom tu̱ Yesu ze nu̱ mburindakwang za, “Ku̱me nangang, nga zu̱ran ye nu, damta nu ɗyine ɗyi nu̱ke tun ka zu̱mki ma khar viti ɓaanu ɓa, yang damta nu ɗyine ɗyi nu̱ke tun ka saki ye vaanu zum ɓa.”

Luka 12:29

“Ku̱me nang damta nu ɗyine ɗyi nu̱ke gwa nu tun zu̱mi tun za ɓa, ku̱ kha ma ɗye damta ye nu ɓa.

Luka 18:1

Tu̱ Yesu shi ku̱rti ɓalar nggur ye nu̱ mburindakwang ma ku̱ shoga ku za wa shipa ku̱ ki bararku aakochi yang ku̱ nggum ndu̱ shiran ku zum ɓa.

Luka 18:7

Yang alapa Magham ɓu̱ ɗa kobyo ɓu̱ daatiku ɓaran nu̱ kya ghoori yenda fu̱ɗar ndu̱ virkir ɓa? Ka zhang tu̱k wor gha mu?

1 Korintiyeku 7:21

Mbu̱ ta khar maava sarchi nu̱ Magham qaki ro damtana ɓa. Yang mbu̱ to ka ɗu̱ma dli ɗyinoro, to shi.

1 Korintiyeku 7:32

Nang shim ku̱ damta nu ɓa. Njif nu̱ke nu̱ shi ɓu̱r ɓa wa ka damta ndu̱ ɗyi ɓu̱ Zhinkir gwaanji maɗyi, a shim ku̱ Zhinkir gwaanji tu̱k mu̱ndi ɓaran

2 Korintiyeku 1:11

Wa nu̱ke tun a shaata rem ndu̱ barari. Nduki khang ka kuna Magham ku̱me chem, ndu̱ ku̱me barke nu̱ke chem ka gwaki nu̱ ku̱nshe tloghar su̱ barar ɓu̱ ndukiku khang.

Afiseku 5:20

Tun ki kuna Magham Zhinki mbu̱ dlu̱m Zhinerem gwaanji Yesu Masiya aakochi mbu̱ anyi tunu.

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

Kolosiyeku 3:15

Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.

Kolosiyeku 3:17

Mbu̱ ɗyi nu̱ke tun a shiran kap, aa mbe ɓala aa tlu̱na, tun shir nda mbu̱ dlu̱m Zhinerem gwaanji Yesu, tun a kuna Magham Zhinki nu̱ ku̱nshe nda.

Kolosiyeku 4:2

Ching ma nu̱ ɗyine barari, tun kha vaanu buran, tun a wut kunar ɓaanu ye Magham.

1 Timoti 2:1

Gumapaali, nga pa du̱mbu̱r ye nu ma ku̱ shi nu, khuti ndu̱ barari, tun a barar ku̱me nduki ndu̱ kunar ye Magham ku̱me ɗyi nu̱ shiki ye aa nyi nduku.

1 Timoti 5:5

Ku̱du̱w nokhzi nu̱ke nduk kha nda ɓa yang nu̱ shaata kha nda ɓa, ka sa memu̱naran ye Magham, a khuti nda ndu̱ bararku virkir ndu̱ fu̱ɗari ma ku̱ gwa nji shaatari.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

1 Biturus 5:7

Sa ma damtar ɓaanu nu̱ mbu̱ kharan, ku̱me wa damta ndu̱ tunu.