Filipiyeku 4:5 - Mewar Alqawarang

⁵ Kha ma ndu̱ ɗu̱bar memu̱na ye aaki. Zhinerem gwaanji wa shi bing ɓari.

Filipiyeku 4:5 ပူးပေါင်းရင်းမြစ်များ

Matta 6:25

“Ku̱me nang nga zu̱ran ye nu, damta nu ndu̱ khar viti ɓaanu ɗyine ɗyi nu̱ke tun ka zu̱mki tun za, ndu̱ lukti nu̱ke tun ka saki ɓa. Alapa nyifi nu̱ duk ɗye zu̱m de? Yang ɗa, manva nu̱ duk lukti nu̱ke tun ka saki ɓa goma?

Matta 6:34

Ku̱me nang, damta nu nu̱ ɗyin wur ɓa, wur a ɓar ndu̱ damtar ɓaran zum, damtar nu̱ meeni wa gama nu.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

1 Korintiyeku 16:22

Kap njif nu̱ke a shim Zhinerem gwaanji ɓa ku̱ Magham mi barke ɓaran. A ɓo, Zhinerem gwaanji.

1 Korintiyeku 6:7

Ai dar zhaano ɓu̱ yen nun ka shiki nang a wutkya tu̱ɓti ɓaanu. Ye nang kuzhom kanaɗa nu aa shikya batal ye nu de? Tun ɓu̱ kanaɗa aa nduk zu̱mkya ɗyi ɓaanu ɓar ɓa goma?

1 Korintiyeku 8:13

Ku̱me nang mbu̱ ɗyi nu̱ke nga zu̱mndan ka sa mu̱dla tu̱ shi zop, ngam ɓu̱ nji dlu̱ sar da ɓa ma ku̱ sa nga mu̱dla tu̱ shi zop ɓa.

1 Korintiyeku 9:25

Nu̱ palam ku wa ka daasa vaanda nu̱ gha, a shi ɗyiku nang ma gwa ɗye ɓiiri nu̱ka su̱bu̱rki, yang ɗye ɓiiri ɓaaremang nu̱ka shi su̱bu̱r ɓa.

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Tasalonikeku 2:2

ku̱ memu̱na nu shikhla ba ndolndol wanang ɓa, yang ku̱ jiimbonu shi ji za fu̱ɗar ɓu̱ Zhinerem gwaanji wa woɗa ɓar ɓa. Bai tu̱ njif nggur ze nu za chem wa zu̱ wanang sarchi nu̱ke chem a waazu gom, bai mbe zu̱r ɗyi nu̱ Magham zu̱ki yerem gom, bai tu̱k za chem bu̱lakyang lagarkati ye wor gom.

Titus 3:2

Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Yibraniyeku 10:25

Ku̱ laada mi tabar ɓaarem ma ghaari ghai ye Magham, wa nu̱ ɓeenan ku su̱nki ndu̱ shiran ɓa. Me ɓu̱ nang ki mi pa du̱mbu̱r ye yen, chem shaata shir wanang nu̱ si ku̱me tun a naran nu̱ ɗyine Fu̱ɗar nang wa shi bing ɓari.

Yibraniyeku 10:37

Jiwa ɓu̱ shoɓ ɓa, “Nu̱ ɓar nang ka ɗa ɓa, ɓu̱ mab ɓa.

1 Biturus 1:11

Wa shim ku̱ zu̱n nda sarchi nu̱ke ɗyi nang ka shiki, kom ndu̱ ɗa ka shi kikimndana. Ye sarchi nu̱ Jiimbi ɓu̱ Masiya shiki ɓalar mbu̱ memu̱na wora, a wut bonye nu̱ke Masiya ka zaki kom ndu̱ zhaaji nu̱ke a ma vu̱rtan yenda qu̱rsan.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

Ɗyin mbu̱ tukari 22:20

Chin nu̱ saidaki ɗyiku nang kap wa zu̱ za, “I, nga nja ɓar ɗau!” Amin. A ɓo, Zhinkir gwaanji Yesu!

Ɗyin mbu̱ tukari 22:7

“Yang wonji, nga ɓar ɗau! Nduki nu̱ke a mbu ɓalar zu̱r ɓu̱ Magham nu̱ke a mbu̱ lagarkati nang ɗya nu̱ barka ku.”