Filipiyeku 4:18 - Mewar Alqawarang

¹⁸ Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

Filipiyeku 4:18 ပူးပေါင်းရင်းမြစ်များ

Tlu̱nar ɓu̱ Pudeku 10:4

Chin yang tu̱ zu̱ yiti yenda mbu̱ sawa tu̱ zu̱ za, “Zhinerem gwaanji, nu̱ma?” Tu̱ nu̱ ru̱ktang ze nda za, “Magham wa tu̱k mu̱ndi barar ndu̱ shaatar nu̱ nungndiku nu̱ke ta shiran, Magham a kwaaroro ku̱men.

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

2 Korintiyeku 11:8

Nga dlu̱ mu̱zhindi she tabar ɓu̱ nu mbu Yesu ku ngguri, yang wa nu̱ batal tang shi boote si mbe tlu̱nar ye nu

2 Korintiyeku 9:12

Ai, tlu̱nar mu̱nkir nu̱ke tun a shiran nang, a shaatakya nu̱ mbu Yesu ɗyenda ɓa, nduki a kuna Magham ku̱men.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

Filipiyeku 4:12

Nga zu̱n khar mbu̱ nugun ndu̱ khar mbu̱ yele. Nga zu̱n ashiri khar mbu̱ aa nyi tunu, aa mbu̱ meeri aa mbu̱ zhi mbu, aa mbu̱ song aa mbu̱ gwari.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

Yibraniyeku 13:16

Yang mona nu shir ɗyi mbarkandi ndu̱ shaatar nduki ɓa, ku̱me nang ke pooni sadke nu̱ke Magham a tu̱k mu̱ndan.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.