Filipiyeku 4:17 - Mewar Alqawarang

¹⁷ Yang taman nu za nga laɓkya ɗyi nggur she nu ɓa, auwo, nga shimkya gwa nu ɗyi nu̱ke ka shaataki nu̱ ɗyine du̱ngndi ɓaanu.

Filipiyeku 4:17 ပူးပေါင်းရင်းမြစ်များ

Yokhana 15:16

Tun datki nga ɓa, nga datki nu, tang sa nga za ɗu̱ nu tun a tlu̱na ɗyiku mbarkandi, qusonggi nu̱ke ka khaki koɗokhsi ɓa. Kom Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 15:8

Shi ma ɗyi nu̱ke Magham a shimndan, ma wut nu za tun nu̱ mburi nga, ku̱me nang ke ɗyi nu̱ke kaɗa ɓa ki ndu̱ zhaaji ye Zhinkir ɓanga.”

Romeku 15:28

Qu̱rse nga woɗa tlu̱nar nang, tang na nu̱ke aaki wa gwa shaatar na nga ɓa ki sang, mbu̱ nga yir Su̱pen ngga gal gha she nu.

2 Korintiyeku 11:16

Ngaa maataran tu̱k nu̱ ɗyine ku̱ nduk taman za nga nggu̱bu̱ngan ɓa. Mbu̱ yang tun taman wanang, da ma wa nga nggu̱bu̱nganang ma ku̱ gwa nga ɗye wakhti koɗom.

2 Korintiyeku 9:5

Chin saki tang khuɗ nyeezerem nang ku̱ kayarem ku, ma ku̱ taba ɗyi nun daki alqawar vu̱rtan, mbu̱ chem a ɓa chem gwa daasaran. Shir wanang ka wut nu̱ ɗyine tun shimki vu̱rtan, nduk a nje nu̱ rannaki nu ɓa.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Filipiyeku 4:11

Nang zu̱ wanang ku̱me nga mbu̱ song ɓa. Ai, nga shoga khar mbe aa nyi damta mbu̱ aa nyi tun nang gwaki ɗyina mban.

1 Tasalonikeku 2:5

Tun wa zu̱n nu ɗyine, nyem wutkya mu̱ndi ɓala ye nu ɓa, yang nyem melakh ɗyi nggur kha nu chem shim ku̱ tuka mi melakh ɓaarem gha ɓa. Magham ke saidu ɓaarem ɗyine nang.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 6:10

Jiwa shimndi mu̱zhin ke dlu̱dlarsi aa nyi pooni mu̱na. Ku̱me shimndi mu̱zhin ɓeeni nduki wa gal gha mbe maito nang tu̱ ɗa dut chiti mbi ye var wor maɗyikandi.

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

Titus 3:14

Wa ku̱s ku̱ nduki ɓaarem vu̱r ɗyin wor tu̱ shoga tlu̱nar ɗyi mbarkandi, ma ku̱ shi shaatar ku mbu̱ gangndi tun wa ji. Ku̱ shi khar bamnda ku ɓa.

Yibraniyeku 6:10

Magham ɗya nu̱ song shir zhire ɓa. Ɓu̱ mona tlu̱narku nun shiki nu̱ ndolar nun wutki yenda sarchi nu̱ke tun a shaata nu̱ mbu Yesu ku ɓa, ba wa nu̱ke tun a ɗyin shiran ma ɓar meeni.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.

2 Bitu̱rus 2:15

Wa njig njiv zhire ku, a mbu njiv ɓu̱ Balaam yi ɓu̱ Beyo. Njif nu̱ka ndolaki tlu̱nar malkandi ma gwa nji ɗye ɓiiran.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

Yakhuda 1:11

Ɗya ɗye zhiyaye ku! Wa mbu ɗye shir ɓu̱ Kayinu ku. Ku̱me shimndi gwar tunu wa nggu̱ɗ ku nu̱ mbu̱ ɗyi galkandi nu̱ Balaam shiki, wa su̱ya ku tu̱k wa nu̱ shiki sarchi pooni tonggu̱rong ɓu̱ Kora.