Filipiyeku 4:11 - Mewar Alqawarang

¹¹ Nang zu̱ wanang ku̱me nga mbu̱ song ɓa. Ai, nga shoga khar mbe aa nyi damta mbu̱ aa nyi tun nang gwaki ɗyina mban.

Filipiyeku 4:11 ပူးပေါင်းရင်းမြစ်များ

Luka 3:14

Tu̱ sojeku tu̱k zham nda za, “Chem ɗa, shem kya nu̱ma?” Tu̱ tlogha ye wor za, “Lawa nu mu̱zhin ɓar kha nduk du̱mbu̱r du̱mbu̱r ɓa, yang shi nu kwatame nu̱ ɗyine nduku ku̱me wa zhang vu̱rtan ye nu gha ɓa, gu̱n ma memu̱na nu ndu̱ mu̱zhindi chere ɓaanu.”

2 Korintiyeku 11:27

Nga shi tlu̱nar tang za bonye, mbe song ɗyeniri, ndu̱ meeri, ndu̱ khuzhumndi. Nga kha waare ɗye zu̱mndi sar khang, tang za mbiti, ndu̱ song ɗye sar nu̱ke ngga saki.

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

2 Korintiyeku 8:9

Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.

2 Korintiyeku 9:8

Magham ka ɗu̱ma vu̱r barke ye nu dukti ɗyi nu̱ke tun a gangndan, ma ku̱ gwa nu ɗyi nu̱ke tun a gangndan aakochi, tun gwa tu̱ duk wanang tu̱k, ma ku̱ shi nu mbarkir ye nduki.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

Yibraniyeku 10:34

Jiwa tun wa na zhiyaye ɓu̱ nduki nu̱ke a nje khiiran zhaaru̱m, tun wa kasha sarchi nu̱ lawaki ɗyin kha nu ɓara, ku̱me tun wa zu̱n nu̱ ɗyine gu̱nar nu̱ dukki mbaari a nje kha nu nu̱ke ɓu̱ shi woɗa ɓa.