Filipiyeku 3:8 - Mewar Alqawarang

⁸ Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

Filipiyeku 3:8 ပူးပေါင်းရင်းမြစ်များ

Luka 1:43

Nga ki ɗo nu̱ke man Zhinerem gwaanji ka ɗa ɓa ki sha?

Luka 11:20

Yang mbu̱ke ngaa komba khu̱kheetiku ɓar ndu̱ zalale ɓu̱ Magham, nanga wa wuɗ za kwaaɗar ɓu̱ Magham aa ɓa ye nu.

Yokhana 14:20

Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 14:7

Mbu̱ tun wa zu̱ndi nga yel, tu̱ga tun wa zu̱n Zhinkir ɓang tu̱k. Yang ji ɗyin leendang tun wa zu̱ndi nda, tun wa na nda tu̱k.”

Yokhana 16:3

Ka shi wanang ku ku̱me nu̱ zu̱ndi nga ɓa yang Zhinkirang ɓa.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 17:8

Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

Yokhana 20:13

Tu̱ nu̱ ru̱kti ɓu̱ Magham kwang zham nda za, “Nusu, ta gho kya nu̱ma?” Tu̱ ze wor za, “Wa da Zhinkir ɓang gwaanji ɓara, yang nang zu̱n ye maa nu̱ saki nda nu̱ su̱ ɓa.”

Yokhana 20:28

Tu̱ Toma ze nda za, “Zhinkir gwaanji, ndu̱ Maghamndi ɓang tu̱k.”

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Romeku 8:18

Ai, bonye nu̱ke chem a zaran leendangang ɗya aa nu̱m ɓa mbu̱ ta gonta nda ndu̱ zhaaji nu̱ke a ma wutan yerem gana fan.

Romeku 8:39

aa kirti ɓu̱ tunu, aa mboɓong ɓu̱ ɗyen, aa ɗyi nggur zum mbu̱ du̱ngdiku ɓu̱ Magham nu̱ke a nje. Tun a nje aa da nu̱ke ka shakki rem ndu̱ ndolar ɓu̱ Magham nu̱ke a mbe Masiya Yesu Zhinerem gwaanji ɓa.

1 Korintiyeku 2:2

Ku̱me nga da ye memu̱nara nu̱ ɗyine mbu̱ khar ɓang ndu̱ tunu kap, ngam ɓu̱ shoga ɗyi nggur ye nu ɓa kope ɓalar ɓu̱ Yesu Masiya, yang nu̱ shi wa katli nda gha nu̱ shikya ɓa.

1 Korintiyeku 9:10

Shi ɓalar nang ku̱me chem ɓa goma? Shi ku̱me chem shwat, ku̱me wa shipa ku̱ nu̱ ghuti ndu̱ nu̱ ɗu̱khti sa memu̱na wor nu̱ ɗyine ɗyi nu̱ke ka gwaki ku mbu̱ boote damang.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Galatiyeku 1:16

ku̱ qu̱n nji yita ma zu̱n nga Yi ɓaran Yesu, ma ku̱ shi nga waazu Labar Mbarkandang ye nduki nu̱ke ɗya Yakhudeku ɓa. Yang nu̱ shiki ɗyiku nang ya, nang laɓ sawari she aaki ɓa,

Afiseku 4:13

Kope chem wa khu̱l kap ye khar ma tun da mbe maito, kom ndu̱ zu̱ndi Yi ɓu̱ Magham, ndu̱ gwaari, chem khu̱l ye maa chingndi nu̱ke Masiya shimki.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

Filipiyeku 3:10

Nga shim ku̱ zu̱n nga Masiya ndu̱ zalale ji ɓaran ɓar mbe mu̱ti. Nga shim ku̱ za nga me ɓanga mbu̱ bonye nu̱ zaki, tang kha wa chin mbe mu̱ti ɓaran.

Filipiyeku 3:12

Nang zu̱ nga za nga khu̱l ye maa nu̱ shipaki ku̱ khu̱l nga ɓa, yang nang kha nyeedlan zum ɓa, nga zhangkya vara ma ku̱ gwa nga tang shi loobo, ku̱me Masiya Yesu wa woɗa shiga nga nu̱ mbu̱ ɓaran.

Filipiyeku 3:7

Yang ɗyi nu̱ khaki ya ma zu̱mndi guma mbu̱r fara, wa kha ya ma asar leendang ku̱me Masiya.

2 Timoti 4:6

Jiwa sarchi nu̱ke a ma vu̱rti nga wa sadke wa shi, nang ke sarchi nu̱ke nga ma yir vara.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

1 Biturus 2:7

Ɗyen ɗya zhire she nu, tun nun dlaki vaanu nu̱ ve nda, ndogdi nang zhaaji si. Yang ɓu̱ nduki nu̱ zhangki maita nda gha, “Ndogdi ni nu̱ du̱ndikwang zhangki gha, wa kha ma ndogdi ngginggeetli nu̱ dukki ndu̱ boote.”

2 Bitu̱rus 1:2

Bu ku̱ Magham shaata mu̱nkir ndu̱ qaandi memu̱nar maɗyikandi ye nu mbe zu̱ndi Magham ndu̱ Yesu Zhinerem gwaanji.

2 Bitu̱rus 1:3

Magham mbu̱ zalale ɓaran wa vu̱r ɗyi nu̱ke chem a gangndan kap ma shi mi pooni khar viti ɓu̱ nduki nu̱ sawar Magham nu̱ ku̱nshe zu̱n ndu̱ nda. Chin qaki rem mbe pooni zhaaji ndu̱ dambi ɓaran.

2 Bitu̱rus 1:8

Mbu tun wa gwa pooni ɗyiku nang khang mbu̱ khar viti ɓaanu, tun ɓu̱ kha tu̱ɓtan ɓa yang tun ka vu̱r boota mbe zu̱ndi Zhinerem gwaanji Yesu Masiya nun shiki.

2 Bitu̱rus 3:18

Me ɓu̱ nang, tun ki gwaari mbe mu̱nkir ndu̱ zu̱ndi Zhinerem gwaanji Yesu Masiya Nu̱ Ɗana rem, tun gwa shaatar mbe zu̱ndi nda aa nyi sarchi. Ku̱ zhaaji kha nda leendang nu̱ aakochi koɗokhsi ɓa. Amin.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

1 Yokhana 2:19

Vi ɓar chele ɓaarem ku ku̱me zhireni ɗya ɓaarem ku ɓa. Meeni mbu̱ za ɗya ɓaarem ku tu̱ga wa kha gha ku su̱yen ndu̱ chemi, Yang yir vaandang wa wut nu̱ ɗyine ɗya ɓaarem ku ɓa.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.