Filipiyeku 3:20 - Mewar Alqawarang

²⁰ Yang chem qusa kwaaɗar mbu̱ viɗi. Chem a bu ɓar ɓu̱ Nu̱ ɗana rem fara mbu̱ viɗi, chin Zhinerem gwaanji Yesu Masiya.

Filipiyeku 3:20 ပူးပေါင်းရင်းမြစ်များ

Matta 19:21

Tu̱ Yesu ze yenda za, “Mbu̱ ta shim kha na torop, to ɗu̱ to ɗa masa ɗyi nu̱ke a kha ɓar kap, to vu̱r mu̱zhindan ye nu̱ nungndiku, to ka gwa gu̱nar nu̱ mbu̱ viɗi. Kom to ɗa ɓa to mburi nga.”

Luka 12:21

“Nang ke ɗyi nu̱ke ka gwaki aa nyi njif nu̱ tabaki gu̱nar ye varan yang gu̱naran she Magham ɓa.”

Luka 14:14

Mbu̱ ta shi wanang to ka gwa barka, ku̱me nduki nang ɓu̱ ɗu̱ma ɓi ro ɓa, yang Magham ɗyenda ka ɓa ɓiiki ro fu̱ɗar wuri, nang ke fu̱ɗar nu̱ke Magham ka nakhaki nduki nu̱ jeembu ku mbe mu̱ti.”

Tlu̱nar ɓu̱ Pudeku 1:11

Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

1 Korintiyeku 1:7

Ku̱me nang, nun laada gwa aa nyi barka sarchi nu̱ke tun zu̱ki yitonu tun a bu gaɓti ɓu̱ Zhinerem gwaanji Yesu Masiya ɓa.

1 Korintiyeku 15:48

Ba wa nu̱ke njif nu̱ vu̱ghai a si, wanang tu̱k nduk nu̱ shiki ndu̱ ghai ka khaki, ba wa nu̱ke njif na viki viɗang a sang wanang tu̱k nduk nu̱kya viɗang ka khaki shiku̱tku̱t.

2 Korintiyeku 4:18

Ku̱me nyem sa yiterem nu̱ ɗyine ɗyi nu̱ke nduki a naran ndu̱ ye yiti wor ɓa, chem a sa kya yiterem nu̱ ɗyine ɗyi nu̱ke nu̱ka shi na ɓa. Ku̱me ɗyi nu̱ke nduki a naranang, ka woɗa ɗau, yang ɗyi nu̱ke nu̱ka shi na ɓa ndang nu̱ka shi woɗa ɓa.

2 Korintiyeku 5:8

Chem wa maita shwat yang nga zu̱ran ye nu, chem wa shim ku̱ shakh mi ndu̱ man vaarem nang ma ku̱ kha mi gha su̱yen ndu̱ Zhinerem gwaanji mbu̱ viɗi.

Galatiyeku 4:26

Yang ɓu̱ Urshalime nu̱ke a mbu̱ viɗi ɗya maava ɓa yang chin ke manerem.

Afiseku 2:19

Ku̱me nang, tun runggu tu̱k ɓa, tun wa kha ma ye ghaiku su̱yen ndu̱ nduki ɓu̱ Magham, tun qusa mbu̱ rafti ɓu̱ Magham.

Afiseku 2:6

Wa ji ndu̱ chem su̱yen ndu̱ Masiya, chem gwa maa khar mbu̱ viɗi, nu̱ ku̱nshe Masiya Yesu.

Filipiyeku 1:10

Gwar wanang ka shaata nu tun ɗu̱ma dat ɗyi nu̱ dukki mbaari, ku̱me ku̱ Fu̱ɗar ɓar ɓu̱ Masiya gwa nu wakaran, waare zop.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 4:16

Jiwa Zhinerem gwaanji ndu̱ ɗyinan ka ɗa zhur viɗi, ndu̱ qar maɗyikandi, ndu̱ su̱qur gorkir ɓu̱ nu̱ ru̱ktiku ɓu̱ Magham, ndu̱ piiri domndi ɓu̱ Magham. Nduki nu̱ mu̱tki mbe Masiya, ka nggaki su̱ jiiri gumapaali.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 12:22

Yang tun a ɓakya she Dleng Sikhiyona, she Urshalima nu̱ke a mbu̱ viɗi ghai ɓu̱ Magham nu̱ nyifiri, ndu̱ tabar ɓu̱ nu̱ ru̱ktiku ɓu̱ Magham khang maɗyi a kashar ku.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.