Filipiyeku 3:2 - Mewar Alqawarang

² Ku̱r ma ɗyinonu nu̱ yiɗaku nandang, nu̱ tlu̱nar malkandi ku, nu̱ dlar vaanda nu̱gha, za wora dla si nggwa.

Filipiyeku 3:2 ပူးပေါင်းရင်းမြစ်များ

Matta 24:10

Kom yang nduki khang ka gaɓ nu̱ gana ku, tu̱ masa yen ɓara, tu̱ zhang yen ku tu̱k.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Matta 7:6

“Vu̱r nu ɗyi shakhshakhndi ye yiɗaku ɓa. Yang vu̱r nu ndogdi nu̱ zhaaji ye aledeku ɓa. Ku̱me ka khatl nu̱gha ku, tu̱ yang gaɓ nu̱ ɗyinonu tu̱ ruɓa nun gha.

Romeku 2:28

Jiwa nduk nu̱ka zu̱n Yakhude zhirekandi nu̱ ku̱nshe ɗyi nu̱ke nduk a naran dam ɓa, yang dlarsi zhirekandi nduk nu̱ka na nu̱ yiti zum ɓa.

2 Korintiyeku 11:13

Pooni nduki nang ɗya pude zhirekandi ku ɓa, ɗya nu̱ tlu̱nar wollo ku. Tu̱ ka mbu̱m vaanda wa wor pudeku ɓu̱ Masiya.

Galatiyeku 5:13

Nyeezaku, ɓaanu qa nu ma ku̱ ɗyinonu vi. Yang shi ma laya laya ma ku̱ vi ɗyin nun gwaki nang kha ma njiv mbu shimndi ɓu̱ manva ɓa. Me ɓu̱ nang bu ku̱ sa tun shi tlu̱nar wuti ndolar ye yen.

Galatiyeku 5:15

Yang mbu̱ tun wa kha wa dlu gari ku, tun a dakhla yen, tun a ku̱ti, tun a nji yen, gaɓ ma nu̱ mbu̱ konyi ɓaanu ɗo, mbu̱ wanang ɓa tun ka su̱ya yen nu̱gha!

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Filipiyeku 3:19

Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

1 Timoti 1:19

to khuɓ maito ɓaaro ndu̱ konyi mbarkandi. Ɓeeni nduki wa nggu̱ɗ ku mbe maito ɓaanda ku̱me wa zhang ɗyi nu̱ konyi ɓaanda zu̱ki ye wora.

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

2 Bitu̱rus 2:22

Ai, ɗyi nu̱ shiki ku nang wa shi torop ndu̱ nggar mbu̱ ɓalar nu̱ zu̱ki za, “Yiɗi wa shi vu̱nakhti tu̱ yang gaɓ tu̱ ghu̱ɓ vu̱nakhtang ɓara.” Kom ndu̱ nggar mbu̱ ɓalar nu̱ zu̱ki za, “Alede nu̱ shiki wurti yenda wa gaɓ tu̱ bu̱mbu̱lan mbu̱ gu̱gu̱pang.”

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Ɗyin mbu̱ tukari 2:9

Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.

Ɗyin mbu̱ tukari 3:9

Wonji, ngga sa nduki nu̱ke a mbu̱ kib tabar ɓu̱ Sheɗan, nu̱ka qaki vaanda ku za wor Yakhudeku yang a shikya wollo ku ku̱me ɗyen wanang ɓa. Ngga sa wor tu̱ ɗa ɓa tu̱ nggu̱t nu̱ yaghai gume ro ma ku̱ zu̱n ku nu̱ ɗyine nga ndola ro.