Filipiyeku 3:19 - Mewar Alqawarang

¹⁹ Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.

Filipiyeku 3:19 ပူးပေါင်းရင်းမြစ်များ

Matta 16:23

Tu̱ Yesu mbu̱m tu̱ ze nda za, “Ɗu̱ ɓar ya fan, Sheɗan! Ta khar ndogdi ji sar sha, ku̱me ta shikya kwaari ɓu̱ nduku, no shi kwaari ɓu̱ Magham ɓa.”

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Luka 12:19

Yang tang zu̱ ve memu̱nara nga za, “Nggu̱t ka! Gu̱nar ɓaara nje khaaro, me sonyi khang, kho va gha to maasi, to zu̱m, to za, to tu̱k mu̱ndi ɓaaro.” ’

Luka 16:19

Tu̱ Yesu zu̱m guma ndu̱ ɓalarang za, “Nu̱ gu̱nar nggur a nje nu̱ka saki lukti vyangndi ndu̱ linen mbarkandi nu̱ me mu̱zhindi, a khar yele ɓaran.

Luka 18:4

“Tu̱ nu̱ kumarang zhang vu̱r zhire ɓu̱ ku̱du̱w nang yenda gha gumapaali, yang ku̱me ku̱du̱wang wa gang nu̱ ve nda ndu̱ khuti. Tu̱ nu̱ kumarang zu̱ mbu̱ memu̱naran za, ‘Aa nu̱ke nga nu̱ sawar Magham ɓa, yang nang ka damta ndu̱ nduk zum ɓa,

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Romeku 6:21

Yang leendang tun gwakya nu̱m mbe ɗyiku nu̱ khaki ye nu ma ɗye kawar nang na? Ai, lauɗar si ɗyiku nang ɗya mu̱ɗi!

1 Korintiyeku 3:3

ku̱me aa leendang ɗye shir ɓaanu ɗya ɗye shir ɓu̱ manva ɓa goma? Ma nu̱ke tun a zhiri ɓu̱ yen, tun a dakhlar chele ɓaanu, ai nang wa wut za ɗye shir ɓaanu ɗya ɗye shir ɓu̱ man va, nun nggoɗ ɓa ku̱me tun a shikya ɗyi nu̱ke nduki a shiran.

1 Korintiyeku 5:2

Yang za tuna kham ɗyino nu! Alapa nu̱ shipa ku̱ memu̱na nu su̱bu̱ri, tun komba njif nu̱ shiki pooni ɗyinang ɓar chele ɓaanu ɓa?

1 Korintiyeku 5:6

Khamndi ɗyino nu nu̱ke tuna shiranang mbar ɓa. Nun zu̱n za yis koɗomma ke nu̱ sa ɓurti toli tu̱ ji ɓa goma?

2 Korintiyeku 11:12

Ngga zu̱m guma ndu̱ zhangndi shaatar mu̱zhindi nu̱ke tun a vu̱rtan ya, ma nggu̱tl nga “Nu̱ qar vaanda pudeku” ma ku̱ gwa njiv wakhti ku, tu̱ zu̱ za tlu̱nar ɓaanda wayen ndu̱ ɓaarem ɓa.

2 Korintiyeku 11:15

Ku̱me nang ɓu̱ kha ma ɗye lazham mbu̱ maaviku ɓaran wa mbu̱m vaanda tu̱ kha wa nu̱ tlu̱nar dambi ku ɓa. Ka gwa ɗye ɓi nu̱ khaki torop ndu̱ tlu̱nar ɓaanda ve lauɗar san.

Galatiyeku 6:13

Ai, aa wor nu̱ zu̱ran ku za ku̱ dla nu so nu nu̱gha nang nu̱ka mbu Bibitang ku kap ɓa. A shim ku̱ dla so nu ye nun gha ma ku̱ zu̱ku za tun a mbu wora.

Filipiyeku 2:21

Aaki damtakya nu̱ ɗyi ɓaran ɗyenda, nu̱ damta nu̱ ɗyi ɓu̱ Yesu Masiya ɓa.

Kolosiyeku 3:2

Sa ma memu̱nanu nu̱ ɗyine ɗyiku nu̱ke a mbu̱ viɗi, ku̱ damta nu ndu̱ ɗyiku nu̱ke a larji ɓa.

2 Tasalonikeku 1:9

Ka za bonyeku tu̱ su̱ya wor nu̱gha guma da, ka shakh wor ndu̱ Magham ndu̱ zhaaji zalale ɓaran.

2 Tasalonikeku 2:12

tu̱ kuma nduki nu̱ zhangki maita zhire gha, tu̱ ka tu̱k mu̱ndi ɓu̱ mu̱na tu̱k.

2 Tasalonikeku 2:8

Kom ka ɓa wut kuji tonggu̱rong nang ye dalangi, yang ye fu̱ɗar gaɓti ɓu̱ Zhinerem gwaanji Yesu, ba khu̱kheeti mbu̱ men, ka tu̱pa nda ɓar ɗyin zhakhɗye kwaaɗar ɓaran. Du̱mbu̱r yarang ɓar ɓaran ka su̱ya nda nu̱ gha.

1 Timoti 6:5

ndu̱ khang keele ndu̱ nduki nu̱ke kwaari ɓaanda wa sagha, yang zhire kha wor ɓa. Pooni nduki nang a na mburi Magham ɗya njif gwar gu̱na.

2 Timoti 3:4

Nu̱ zu̱mndi amana, nu̱ wakho nu̱ke ɗyin su̱ ɓa, nu̱ nggu̱nggal ku, nduki nu̱ shimndi tu̱kti mu̱ndi tu̱ duk shimndi Magham.

Yaqub 4:16

Yang wonji leendang tun a gwaari ɗyin, tun a wakhti. Ai, pooni gwaari ɗyin nang mbar ɓa.

2 Bitu̱rus 2:1

Annabi kotameku a vi ku nu̱ mbu̱ nduki ɓu̱ Magham. Yang tu̱k, maalu̱mku nu̱ wollo ka ɗa vi chele ɓaanu. Ka ɗa ɓa ndu̱ shogar ku nggur mbu̱ tuka, tu̱ shi shogar wollo ye nduki ma su̱bu̱r wora. Ka zhang Zhinerem gwaanji nu̱ dliiki nyifi ɓaanda gha. Shir wanangang ka ɗa ɓa ndu̱ mu̱ti ɓaanda ɓu̱ shoɓ ɓa.

2 Bitu̱rus 2:13

Yang ba wa nu̱ vu̱rki bonye ye ɓeeni nduki, ka vu̱r bonye ye wor ba wanang tu̱k. Wa da ku za zar ɗyiku ndu̱ tlu̱nar malkandi nu̱ke a shiran ku fu̱ɗar gangtlu̱rang ndang ɗya tu̱kti mu̱ndi. Khar ɓaanda nu̱ke a shiran chele ɓaanu ɗya ɗye kawa, ndu̱ ɗyi malkandi tu̱k. A zu̱mndi a zar su̱yen ndu̱ tunu, yang qu̱rsan tu̱ ka tlu̱na ɗyi nu̱ke a shimndan ku.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

Yakhuda 1:10

Yang nduki nang wa ka shi maatli ɓalar ɗyine kap ɗyi nu̱ke nu̱ da mban ku ɓa. A shikya ba ɗyi nu̱ tu̱kki mbu̱ man vaanda. Ba wa dlu gaariku nu̱ ɗye nggarku nu̱ke nu̱ka shi konyi ɓa. Nang ke ba ɗyiku nu̱ su̱yaki wora.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Ɗyin mbu̱ tukari 18:7

Vu̱r ma bonye yenda maɗyi ndu̱ chiti mbi, ku̱rku̱r ndu̱ zhaaji nu̱ tu̱kti mu̱ndi nu̱ vu̱rki ye varan, mbu̱ memu̱naran. A kham ɗyinan za, ‘Nga kuji nusukandi ɗyine zhakhɗye kwaaɗar ɓanga. Nga ku̱ɗuwan ɓa, yang sar da chiti mbu ɓu̱ gwa nga ɓa.’

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.