Filipiyeku 3:18 - Mewar Alqawarang

¹⁸ Jiwa nduki a nje nang shiki ɓalar ye nu ɗyine wor sar khang. Yang nga maataran ye nu tu̱k leendang ndu̱ ɗyim ghoori, nu̱ ɗyine khar viti ɓaanda wa sa wor tu̱ kha ma nu̱ zhangndi mu̱ti ɓu̱ Masiya ɗyin qu̱far kaatlang.

Filipiyeku 3:18 ပူးပေါင်းရင်းမြစ်များ

Luka 19:41

Nu̱ shiki bing ndu̱ Urshalima, a na ɗyin ghayang, tu̱ shi ghoori nu̱ ɗyine nda

Tlu̱nar ɓu̱ Pudeku 20:19

Nga tlu̱nar ɓu̱ Magham ndu̱ katar ɗyin maɗyikandi ndu̱ ɗyim gho. Nga kanaɗa buuri malkandiku zum zum nu̱ Yakhudeku shiki ya.

Romeku 9:2

Memu̱nara chit maɗyi, nga damtaran tu̱k aakochi.

1 Korintiyeku 1:18

Labar mu̱ti ɓu̱ Yesu ɗyin qu̱far kaatlang ɗya ɓalar bamndi she nduki nu̱ saghaki, yang she rem, chem nyem ɗanaki, labar mu̱ti ɓu̱ Yesu ɗyin qu̱far kaatli ɗya zalale ɓu̱ Magham.

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

2 Korintiyeku 11:13

Pooni nduki nang ɗya pude zhirekandi ku ɓa, ɗya nu̱ tlu̱nar wollo ku. Tu̱ ka mbu̱m vaanda wa wor pudeku ɓu̱ Masiya.

2 Korintiyeku 11:29

Mbu̱ nduk wa ku̱na shir tunu, tang ka tu̱k wa nga ku̱naki. Yang mbu̱ wa sa njif nggur tu̱ shi zop, tu̱ memu̱nara ka su̱bu̱r maɗyi.

2 Korintiyeku 2:4

Nga bu̱la lagarkati nang mbu̱ bonye ndu̱ su̱bu̱rti mbi maɗyikandi. Nga zhur ɗyim ghoori shirop shirop, yang nang shi wanang ma ku̱ memu̱na nu su̱bu̱r ɓa. Nga shi wanang ma ku̱ zu̱n nu nu̱ ɗyine nga ndola nu maɗyi.

Galatiyeku 1:7

Ai, Labar mbarkandi nggur a nje zum ɓa. Shwat nduki a nje nu̱ke a rokhdla nu nu̱ mbu̱ yen, a shim nggoɗ nda zhire ɓu̱ Labar mbarkandi ɓu̱ Masiya nu̱gha.

Galatiyeku 2:14

Nang nggu̱tki, nu̱ shi ɗyi nang ku mbe zhire ɓu̱ Labar Mbarkandang ɓa, tang ze Biturus mbiyiti wor kap, nga za, “To Yakhude nduku, yang kap ndu̱ ta khar viti ɓaaro wa njif nu̱ke ɗya Yakhude nduk ɓa. Yang leendang ta ma ranna nduki nu̱ke ɗya Yakhudeku ɓa ku̱ mbu me ghai ɓu̱ Yakhudeku mu?”

Galatiyeku 2:21

Ɓang nang zhang mu̱nkir ɓu̱ Magham gha ɓa. Yang mbu̱ nduk ka gwa jeembu she Magham nu̱ ku̱nshe mburi bibitang, nang wa wut nu̱ ɗyine Masiya shikya mu̱ti bamndi.”

Galatiyeku 5:21

ndu̱ zhiri, ndu̱ me kuyari, ndu̱ zar kuzhi bu ɗyin ndu̱ pooni ɗyiku nu̱ shipaki ɗyiku nang. Nga wuro nu, ba wa nang shiki ye nu gumang, nu̱ ɗyine pooni nduki nu̱ka shiki ɗyiku nang ɓu̱ vi nu̱ mbu̱ kwaaɗar ɓu̱ Magham ɓa.

Galatiyeku 6:12

Nduki nu̱ kya ranna nu za ku̱ dla nu sonu nu̱ gha nang, a shim wutan za wor nduki mbarkandi. Yang shi wanang ku̱me a sawa bonye nu̱ke wor ka zaki mbu̱ wa zu̱ku za kaatli Masiya gha me qu̱far kaatlang ɗyenda ka ɗanaki nduku.

Galatiyeku 6:14

Yang ngam ɓu̱ shi wakhti sar da ɓa. Aa ngga shi, buka shi nga ndu̱ qu̱far kaatli ɓu̱ Zhinerem gwaanji Yesu Masiya. Jiwa mu̱ti ɓaran ɗyin qu̱far kaatlang saki tang mu̱t ye shimndi ɗyin larji tu̱ ɗyin larji kha mu̱tan sha.

Afiseku 4:17

Nga ɓalar nang ye nu, yang nga shikya maataran ye nu mbu̱ dlu̱m Zhinerem gwaanji nu̱ ɗyine, ku̱ kha nu wa nduki nu̱ke ɗya Yakhudeku ɓa nda ɓa, nu̱ kwaari bamndiku.

Filipiyeku 1:4

Nga ka shi kashar maɗyi sarchi nu̱ke nga barar ye Magham ku̱me tun kap,

1 Tasalonikeku 4:6

Ku̱ aaki taɓa mbu̱ mu̱dlen ɓa yang ku̱ wut me ghu̱rti ye mu̱dlen mbe ɗyinang ɓa, ku̱me Magham ka kuma pooni ɗyiku nang ɗo, ba wa nyem zu̱ki ye nu gumapaali, chem dut dlu̱mndo nang tu̱k.

2 Tasalonikeku 3:11

Jiwa chem wa tu̱k za ɓeeni nduki chele ɓaanu ɗya nu̱ shimndi khar bam ku, nu̱ka shi tlu̱nar aa nu̱m ku ɓa, kope gu̱ndi virki ɗyenda.

2 Bitu̱rus 2:10

Ɗya kumar gu̱rgu̱rndi ɗyine nduki nu̱ke a mbu shimndi malkandi ku nu̱ man va, kom ndu̱ nduki nu̱ke a ndu̱m nu̱ kwaaɗarku. Maalu̱mku nu̱ lambar nang, kawa ve wor ɓa! Ɗya nu̱ gwaari ɗyin ku. Nu̱ka tu̱k sawar ku̱ pu̱z nda jiimbiku nu̱ zhaaji nu̱ke a mbu̱ viɗi she Magham ɓa.

Yakhuda 1:13

A khar wa zo ɗyim nu̱ka gu̱rki nu̱ viɗi a me yirti mbu̱ gaawu gwaanji, a pakh ɗyin wor ku mbu̱ ɗye kawar ɓaanda wa khubulbutli ɗyim. A khar wa anjinjeku nu̱ke a baara maaku bam bam, zhum maɗyikandi nu̱ke koɗokhsi ɓa a nje du̱ngdan ku̱me wora.