Filipiyeku 3:15 - Mewar Alqawarang

¹⁵ Ku̱me nang ku̱ shi mi kwaari ɗyine ɗyiku nang kap ɓaarem, chem nyem gorki mbe ɗyin mbu̱ Jiimba. Mbu̱ yang kwaari ɓu̱ ɓeeni nduki chele ɓaanu wa ngga yen ndu̱ nang, Magham ka wut ɗyen ye nu tu̱k ba.

Filipiyeku 3:15 ပူးပေါင်းရင်းမြစ်များ

Matta 5:48

Ku̱me wanang, tun kha nyeedlan wa nu̱ke Zhinonu nu̱ke a mbu̱ viɗi nyeedlan.

Luka 11:13

Yang mbu̱ tun nu̱ solarku, tun wa zu̱n ɗyi mbarkandi nu̱ke tun ka vu̱rki ye qusonggi ɓaanu, bele zhunonu nu̱ viɗi nu̱ke kaa vu̱rki Jiimbi shakhshakhndi ye nu̱ khuti nda?”

Yokhana 6:45

A nje bu̱laran mbu̱ lagarkati ɓu̱ annabikwang za, “Magham ka shogaki ye wora. Yang kap njif nu̱ tu̱kki, tu̱ yang shoga she Zhinkirang, wa ka ɓa sha.

Yokhana 7:17

Aaki datki shir shimndi ɓu̱ Magham, ka zu̱n za shogar ɓanga vi she Magham, ɗya ɓang ɓa.

Romeku 15:1

Chem nyem khaki du̱mbu̱ran mbe maito ɓaarem wa shipa ku̱ shi mi kanaɗyi ndu̱ nduki nu̱ke khukhutanku, ma ku̱ shaata mi wor mbe tu̱ɓti ɓaanda. Ku̱ kha mi ndu̱ ndolar ɗyin ɓa.

1 Korintiyeku 14:20

Nyeezaku, ku̱ kwaari ɓaanu kha wa qusongga ɓa, ye maa ɗye mu̱na, tun kha wa ɓeelar woi, yang ku̱ kwaari ɓaanu kha wa nduk gori.

1 Korintiyeku 2:6

Kap ndu̱ nang, nga ka wopa ɓalar ndu̱ kaɗari ye nduki nu̱ gorki mbe maito ɓaanda. Nang ɗya pooni kaɗari ɓu̱ nduki nu̱ larji nang ɓa, ɗya pooni kaɗari ɓu̱ nduki nu̱ meeni ɓa, yang ɓu̱ nu̱ kwaaɗarku nu̱ke a ma su̱yar ku ɓa.

Galatiyeku 5:10

Yang kap ndu̱ nang nga maita nu. Khar ɓaarem mbe tlu̱nar ɓu̱ Zhinkir gwaanji saki tang maita nu̱ ɗyine tun ɓu̱ da ɓalar ɓu̱ njif nggur tu̱ duk ɓang ɓa. Yang njif nu̱ke a ɓar ndu̱ rokhdlar nang ka gwa kumari, aa nu̱zhin ɗya ki.

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Kolosiyeku 1:28

Nang ke ɗyi nu̱ saki chem ki wopa Masiya Yesu ye aaki, chem a dut dlu̱mdi aaki, chem a shoga ɗyiku nang ɓar ndu̱ kaɗari nu̱ke a khaarem kap ma ku̱ vu̱r mi aaki nyeedlan mbe Masiya.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

1 Tasalonikeku 4:9

Ɗyine ɓalar ndolar yen wa khachinkirku, nu̱ ku̱s ku̱ bu̱lami ɗyen ye nu ɓa, ku̱me tun ndu̱ ɗyinonu Magham wa shoga ye nu za ku̱ ndola nu yen.

2 Timoti 3:17

Ma ku̱ njif ɓu̱ Magham kha nyeedlan, daasaran ma aa nyi pooni tlu̱nar mbarkandi.

Yibraniyeku 5:14

Yang ɗye zu̱mndi kaaku̱ɗakhndi ɗya ɓu̱ nduki nu̱ gorki. Poonan ke nduki nu̱ka shiki boote ndu̱ kwaari ɓaanda aakochi, tu̱ ka shakh chele ɓu̱ ɗyi mbarkandi ndu̱ ɗyi malkandi.

1 Yokhana 2:5

Yang njif nu̱ mbuki ɓalar ɓu̱ Magham, zhire ndolar ɓu̱ Magham wa kha nyeedlan mbe nda. Shir wanang ka sa chem zu̱n chem kharan mbe nda.