Filipiyeku 3:13 - Mewar Alqawarang

¹³ Nyeezaku, nang gwa tang khuɓ ɗyen nu̱ mbu̱ khara dong ɓa. Yang ɗyi da nang ka shiki chin ke, nga ka mona ndu̱ ɗyi nu̱ peetaki, tang vu̱r du̱mbu̱r ɓang ye ɗyi nu̱ke a guma.

Filipiyeku 3:13 ပူးပေါင်းရင်းမြစ်များ

Luka 10:42

Yang ba tun kaada ke ɗye gangi, Maryam wa kar tu̱ dat ɗyi mbarkandi, nu̱ke am ɓu̱ shi dlu̱ ɓar kha nda ɓa.”

Luka 9:62

Tu̱ Yesu zu̱ yenda za, “Kap njif nu̱ khubki ɗye ari tu̱ yang ki nggu̱t maa gana, nu̱ shipa kwaaɗar ɓu̱ Magham ɓa.”

2 Korintiyeku 5:16

Ku̱me nang chem wa njig nggu̱t nduk mbu̱ manva wa nu̱ke nduk larji ka shiki, aa nu̱ke chem wa nggu̱t Masiya wanang zhu ɗau fara, yang gana chem ɓu̱ nggu̱ti nda nu̱ mbu̱ wanang tu̱k ɓa.

Filipiyeku 2:12

Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.

Filipiyeku 3:12

Nang zu̱ nga za nga khu̱l ye maa nu̱ shipaki ku̱ khu̱l nga ɓa, yang nang kha nyeedlan zum ɓa, nga zhangkya vara ma ku̱ gwa nga tang shi loobo, ku̱me Masiya Yesu wa woɗa shiga nga nu̱ mbu̱ ɓaran.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

Yibraniyeku 6:1

Ku̱me nang, gang mi gha ɗyin shogar pichichindi nyem dlu̱ki nu̱ gumapaali ɗyine Masiya ɓa, yang zu̱m mi guma chem gori. Ku̱ kha mi chem a shogakya shogar maitar Magham, ndu̱ nu̱ nggooti njigti tlu̱narku nu̱ke ka ɗu̱ki ndu̱ chem mbe mu̱ti ɓa.

2 Bitu̱rus 3:8

Yang tun raptaku nu̱ke nga ndolaran, tun da nu̱ke nang shim ku̱ mona nu ɓa, chin ke qaandi da she Zhinkir gwaanji a khar wa sonyi du̱pu, yang sonyi du̱pu a khar wa qaandi da.