Filipiyeku 3:12 - Mewar Alqawarang

¹² Nang zu̱ nga za nga khu̱l ye maa nu̱ shipaki ku̱ khu̱l nga ɓa, yang nang kha nyeedlan zum ɓa, nga zhangkya vara ma ku̱ gwa nga tang shi loobo, ku̱me Masiya Yesu wa woɗa shiga nga nu̱ mbu̱ ɓaran.

Filipiyeku 3:12 ပူးပေါင်းရင်းမြစ်များ

Matta 5:48

Ku̱me wanang, tun kha nyeedlan wa nu̱ke Zhinonu nu̱ke a mbu̱ viɗi nyeedlan.

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 8:39

aa kirti ɓu̱ tunu, aa mboɓong ɓu̱ ɗyen, aa ɗyi nggur zum mbu̱ du̱ngdiku ɓu̱ Magham nu̱ke a nje. Tun a nje aa da nu̱ke ka shakki rem ndu̱ ndolar ɓu̱ Magham nu̱ke a mbe Masiya Yesu Zhinerem gwaanji ɓa.

1 Korintiyeku 13:10

Yang sarchi nu̱ke shelndang a ɓa ki, nu̱ke shel ɓa ndang ka su̱ya ɓara.

1 Korintiyeku 13:12

Aa nu̱ke leendang chem a na shipar ɗyikwang wa mbu̱ ɗye nar nu̱ke vu̱lu̱ng vu̱lu̱ng, yang ye fu̱ɗaran chem ka na yiti ndu̱ yiti. Leendang zu̱ndi ɓanga shel ɓa, yang ye fu̱ɗar nang ngga zu̱n maɗyi ba wa nu̱ Magham zu̱nki nga.

1 Korintiyeku 9:24

Tun wa zu̱n mbu̱ nduki a palam ɗari, chele ɓu̱ nu̱ ɗar kwang, aakya wuta ku̱ peeta nji mu̱dlen, yang nduk kaada ka gwaki ɗye ɓiirang ɓa goma? Ki ma pooni ɗar nu̱ke ka saki tun gwa ɗye ɓiirang ɗo.

2 Korintiyeku 13:9

Chem wa ka kasha mbu̱ du̱mbu̱r ɓaarem kata, yang ɓaanu tun du̱mbu̱ran. Chem a barar ku̱ kha nu nyeedlan tu̱k.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Galatiyeku 5:17

Ku̱me shimndi ɓu̱ manva nu̱ka dlu̱ yen ndu̱ Jiimba ɓa. Yang tu̱k Jiimbyang nu̱ka dlu̱ yen ndu̱ shimndi ɓu̱ manva zum ɓa. Ɗyiku rapndi nang nu̱ka dlu̱ yen shwat ɓa. Nang ke ɗyi nu̱ saki nun ka ɗu̱ma shi ɗyi nu̱ke tun a shim ku̱ shi nu ɓa.

Afiseku 1:4

Wa daaterem nu̱ ku̱nshe khar ɓaarem da ndu̱ Masiya me ku̱ du̱ng larji, ma ku̱ kha mi shakhshakh, waare sola gume nda ku̱me ndolar ɓaran.

Afiseku 4:12

Shi nang ma daasa nduki ɓu̱ Magham ku̱ da kuɗar tlu̱nar ma du̱ndi man var Masiya.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

Filipiyeku 3:16

Ɗyi gwaanji chin ke, ye maa nyem khu̱lki kap, ku̱ zu̱m mi guma si.

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

1 Tasalonikeku 5:15

Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

2 Tasalonikeku 2:13

Yang wa ku̱s ku̱ kuna mi Magham aakochi ku̱me tunu, nyeezaku nu̱ke Magham a ndolaran. Ku̱me vu̱ nggarsan Magham wa daato nu tun gwa ɗanar nu̱ ku̱nshe zalale ɓu̱ Jiimbi nu̱ shiɓki nun gha kom ndu̱ nu̱ ku̱nshe maitar zhire.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

1 Timoti 6:19

Shir wanangang a shikya du̱ngdi ye va nda nu̱ke ka khaki ma dlu̱dlarsi khar viti ɓaanda nu̱ke a ɓari, ku̱me ka gwa nyifiri nu̱ke chin ke nyifi zhirekandi.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

Yibraniyeku 12:23

Tun a ɓakya she tabar ɓu̱ nu̱ mbu Yesu ku, gomirku ɓaran, nu̱ bu̱laki dlu̱m wor nu̱ mbu̱ viɗi. Tun a ɓakya she Magham nu̱ke chin nu̱ kumar aaki, ndu̱ jiimbi nduki nu̱ dambi nu̱ gaɓki ndu̱ wor tu̱ kha nyeedlan ku.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

Yaqub 3:2

Ku̱me kap ɓaarem chem wa ka shi zop ve njivku zum zum. Mbu̱ yang nduk nu̱ ka shi zop mbe ɓalar ɓaran ɓa, njif nang ɗya njif nu̱ke nyeedlan, wa ka ɗu̱ma ku̱s varan guma da.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

2 Bitu̱rus 3:18

Me ɓu̱ nang, tun ki gwaari mbe mu̱nkir ndu̱ zu̱ndi Zhinerem gwaanji Yesu Masiya Nu̱ Ɗana rem, tun gwa shaatar mbe zu̱ndi nda aa nyi sarchi. Ku̱ zhaaji kha nda leendang nu̱ aakochi koɗokhsi ɓa. Amin.