Filipiyeku 3:10 - Mewar Alqawarang

¹⁰ Nga shim ku̱ zu̱n nga Masiya ndu̱ zalale ji ɓaran ɓar mbe mu̱ti. Nga shim ku̱ za nga me ɓanga mbu̱ bonye nu̱ zaki, tang kha wa chin mbe mu̱ti ɓaran.

Filipiyeku 3:10 ပူးပေါင်းရင်းမြစ်များ

Matta 20:23

Tu̱ ze wor za, “Wanang ni tun ka za mbu̱ ɗyekhti ɓanga, yang khar nu̱ ve bu̱na nu̱ zu̱ma ndu̱ nu̱ gu̱ɗau, nga ke nu̱ zalale vu̱rtan ɓa. Zhinkir ɓang nu̱ mbu̱ viɗi wa daasa maa khar na ye nduki nu̱ datki.”

Yokhana 10:18

Nduk a nje nu̱ke ka ɗu̱maki lawa nyifi ɓang ɓar ɓa, ku̱me nga ke nu̱ vu̱rtan ɓar ndu̱ vara. Zalale vu̱rtan ɓara a nje khara, yang zalale gaɓti si a nje khara tu̱k. Nang ke ɗyi nu̱ Zhinkir ɓang zu̱ki ya za shi nga.”

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

Romeku 8:36

Ba wa nu̱ bu̱lar ɓalar ɓu̱ Magham zu̱ki za, “Chem a me mu̱ti aakochi ku̱me to, wa da rem ku wa ndu̱ɓangku nu̱ke a ma dla qura wor nu̱gha.”

2 Korintiyeku 1:10

Nu̱ke Magham wa lawa rem me mu̱ti malkandi nang, chem wa maita ka ɗana rem tu̱k. Chem dlaran ve nda ma ku̱ ɗana rem tu̱k.

2 Korintiyeku 1:5

Ba wa nu̱ke chem a za pooni bonye nu̱ Masiya zaki, wanang tu̱k nu̱ ku̱nshe Masiya chem ka gwa du̱ngdi memu̱nar gwaanji she Magham.

2 Korintiyeku 13:4

Aa nu̱ke kaatli nda gha mbe katar du̱mbu̱r, tu̱ yang kha ndu̱ nyifiri nu̱ ku̱nshe zalale ɓu̱ Magham. Aa chem nang, du̱mbu̱r ɓaarem kata mbe nda, wanang tu̱k nu̱ ku̱nshe zalale ɓu̱ Magham, chem kha nu̱ nyifiri su̱yen ndu̱ chin ma ɗana nu.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Galatiyeku 6:17

Qu̱rse nang, ku̱ aaki damta nga ndu̱ ɗyi nggur tu̱k ɓa, ku̱me chiɓir mbirku nu̱ke a vya wa wut nu̱ ɗyine nga maavi ɓu̱ Yesu.

Afiseku 4:13

Kope chem wa khu̱l kap ye khar ma tun da mbe maito, kom ndu̱ zu̱ndi Yi ɓu̱ Magham, ndu̱ gwaari, chem khu̱l ye maa chingndi nu̱ke Masiya shimki.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

Kolosiyeku 2:13

Mbu̱r far tun mu̱tan ku̱me sola tun nduki nu̱ke ɗya Yakhudeku ɓa, yang Magham wa ji ndu̱ tunu, tun kha ndu̱ nyifiri mbe Masiya. Wa ndu̱m solarku ɓaarem yerem.

Kolosiyeku 3:1

Nu̱ke Magham wa ji ndu̱ tun ɓar mbe mu̱ti su̱yen ndu̱ Masiya, sa ma memu̱nanu nu̱ ɗyine ɗyiku nu̱ke a mbu̱ viɗi, ye maa nu̱ke Masiya a si, a nje kharan ɗyin bu̱n zu̱me ɓu̱ Magham.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

2 Bitu̱rus 1:13

Ye nar ɓanga, wa shi torop, mbu̱ nga nje ndu̱ nyifiri, ki nga kwaaran ye nu,

1 Yokhana 2:3

Mbu̱ chem wa mbu zu̱r ɓu̱ Magham, nang ka wut nu̱ ɗyine chem wa zu̱n nda.

1 Yokhana 2:5

Yang njif nu̱ mbuki ɓalar ɓu̱ Magham, zhire ndolar ɓu̱ Magham wa kha nyeedlan mbe nda. Shir wanang ka sa chem zu̱n chem kharan mbe nda.

Ɗyin mbu̱ tukari 1:18

Nga ke Nu̱ Nyifiri! Nga mu̱ɗi, yang wonji ɗo leendang, nga nje ndu̱ nyifiri koɗokhsi ɓa aakochi, ɗye qu̱ndi ɓu̱ mu̱ɗi ndu̱ nu̱ maa khar ɓu̱ mu̱ti a nje khara.