Filipiyeku 2:9 - Mewar Alqawarang

⁹ Ku̱me nang Magham wa vu̱r zhaaji yenda tu̱ duk aa nu̱m. Tu̱ vu̱r dlu̱m yenda nu̱ dukki aa nyi dlu̱m,

Filipiyeku 2:9 ပူးပေါင်းရင်းမြစ်များ

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 17:11

Nga gaɓti nu̱ sho ro. Ngam ɓu̱ khan larji tu̱k ɓa, yang ɓaanda a nje ku mbu̱ larji dong. Zhinkir Shakhshakhndi bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya, ma ku̱ kha da ku, ba wa nu̱ke chem a su̱yen ndu̱ to.

Yokhana 17:12

Sarchi nu̱ke nga su̱yen ndu̱ wora, nga bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya. Nga bu ɗyin wora, yang nduk a nje nu̱ saghaki ɓa kope nduk da chele ɓaanda nu̱ke ɗya ye su̱bu̱ri. Sagha ma ku̱ bu̱lar ɓalar ɓu̱ Maghamang nyedli.

Yokhana 17:5

Yang leendang Aba, vu̱r zhaaji ya ndu̱ pooni zhaaji nu̱ke nga nje si gume ro me ku̱ du̱ng larji.”

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Afiseku 1:10

Ku̱rti ɓaran chin ke, mbu̱ sarchi wa nyedli, chin ka taba aa nu̱m ɗyi nu̱ke a viɗi kap ndu̱ ɗyiku nu̱ vu̱ghai tu̱ khan mbu̱ bu̱n zalale ɓu̱ Masiya.

Kolosiyeku 1:18

Chin kya khar ɗyin man varan, man varang ke tabar ɓu̱ nu̱ mbu Yesu. Chin ke nggarsi, chin ke nu̱ gumapaali nu̱ jiiki mbe mu̱ti tu̱k, ma ku̱ kha ma nu̱ gumapaali mbe aa nu̱m ndu̱ aa nu̱m.

2 Tasalonikeku 1:12

Shir nang ka sa tu̱ dlu̱m Zhinerem gwaanji Yesu gwa zhaaji chele ɓaanu, tun gwa mbe nda tu̱k, nu̱ ku̱nshe mu̱nkir ɓu̱ Maghamndi ɓaarem, ndu̱ Zhinerem gwaanji Yesu Masiya.

Yibraniyeku 1:4

Ku̱me nang Yesu wa duk Nu̱ ru̱ktiku ɓu̱ Magham, ba wa nu̱ke dlu̱m nu̱ Magham vu̱rki yenda wa duk ɓaanda gwaari.

Yibraniyeku 1:9

Ta shimkya tlu̱nar dambi, ta zhang yen ndu̱ mu̱na maɗyi! Nang ke ɗyi nu̱ saki tu̱ Magham, Maghamndi ɓaaro, waka nu̱gha, tu̱ vu̱r zhaaji yoro guma ndu̱ nyeezoku, tu̱ pu mor ɓong memu̱nar yoro.”

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 2:9

Chem nakya Yesu nu̱ saki tu̱ kata nu̱ ru̱ktiku ɓu̱ Magham me sarchi koɗomma. Yang leendang wa vu̱r zhaaji ndu̱ gorkir yenda ku̱me wa shi bonye nu̱ ku̱nshe mu̱nkir ɓu̱ Magham ka dar mu̱ɗi me ɓu̱ nduk kap.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.

2 Bitu̱rus 1:17

Jiwa wa dlu̱ gorkir ndu̱ zhaaji she Magham Zhinki sarchi nu̱ Magham Nu̱ Zhaaji Nu̱ Dukki aa nu̱m gwaari zu̱ki yenda za, “Nang Yi ɓanga nga ndola nda; Memu̱nara mu̱n ndu̱ chin maɗyi.”

3 Yokhana 1:7

Ndukiku nang a vi ku ma wopa dlu̱man, yang nu̱ka dlu̱ aa nu̱m she nduki nu̱ke ɗya nu̱ mbu Yesu ku ɓa.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 11:15

Tu̱ nu̱ ru̱kti ɓu̱ Magham nu̱ mut pi domndi ɓaran. Tang tu̱k su̱qur ɓalarku khang du̱mbu̱rkandi mbu̱ viɗi a zu̱ran ku za: “Kwaaɗar ɓu̱ larjyang wa kha ma kwaaɗar ɓu̱ Zhinerem gwaanji ndu̱ ɓu̱ Masiye ɓaran, yang ka shi kwaaɗar aakochi koɗokhsi ɓa!”

Ɗyin mbu̱ tukari 19:16

Ve lukti ɓaran, ndu̱ ɗyin bolan wa bu̱la dlu̱m nang nu̱ si za: “KUJI ƁU̱ KUJIKU, NDU̱ ZHINKIR ƁU̱ ZHINKIRKU.”

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.

Ɗyin mbu̱ tukari 5:12

a taazi ku ndu̱ su̱qur gwaanji. A zu̱ran ku za, “Ye Gamndi nu̱ dlaki quran nu̱ghang wa khu̱dli, ma ku̱ dlu̱ zalale ndu̱ gu̱nari, ndu̱ kaɗari, ndu̱ du̱mbu̱ri, ndu̱ gorkiri, ndu̱ zhaaji, ndu̱ khamndi!”