“Nga zu̱ran ye nu, njif nang, gaɓki nu̱ kaari nu̱ gwar yaapar she Magham, yang Parise nang nu̱ gwa aa nu̱m ɓa. Aaki daki ɗyinan ma ɗyi ngguri ka gaɓ ndu̱ chin ma aa nu̱m ɓa, yang njif nu̱ kataki ɗyinan nu̱ gha, ka vu̱r gorkir yenda.”
ku̱me aa leendang ɗye shir ɓaanu ɗya ɗye shir ɓu̱ manva ɓa goma? Ma nu̱ke tun a zhiri ɓu̱ yen, tun a dakhlar chele ɓaanu, ai nang wa wut za ɗye shir ɓaanu ɗya ɗye shir ɓu̱ man va, nun nggoɗ ɓa ku̱me tun a shikya ɗyi nu̱ke nduki a shiran.
Nga sawa bai mbu̱ nga ɓa tang gwa tun wa mbu̱m tun kha zum ndu̱ ɗyi nang shimki nu si, tun yang gwa nga zum ndu̱ ɗyi nun shimki nga si tu̱k. Nga sawa gwa nu mbu̱ keele ndu̱ zhiri, ndu̱ memu̱nar malkandi ndu̱ ndolar ɗyin, ndu̱ pu̱zi nduki bam bam ndu̱ ndaane, ndu̱ dar ɗyin, ndu̱ rokhdlar maari.
Yang mbu̱ tun wa kha wa dlu gari ku, tun a dakhla yen, tun a ku̱ti, tun a nji yen, gaɓ ma nu̱ mbu̱ konyi ɓaanu ɗo, mbu̱ wanang ɓa tun ka su̱ya yen nu̱gha!
Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.
Yang leendang wa ku̱s ku̱ shakh nu ndu̱ ɗye shir malkandiku nang kap. Njig ma shokhna ndu̱ khang shimndi ɗyiku bam bam ndu̱ maatli memu̱na. Ku̱ pu̱zi bam bam ndu̱ maatli ɓalar a vi mbu̱ me nu ɓa.
njif nang ɗya nu̱ gwaari ɗyin, yang nu̱ zu̱n aa nu̱m ɓa. Nu̱ taman ɗyi mbarkandi ɓa a shimkya keele ndu̱ dakhla ɗyine ɓalarku. Ai ɗyi nang ke nu̱ ɓar ndu̱ zhiri ndu̱ dakhla, ndu̱ pu̱ziku ndu̱ tamandi ɗyi malkandiku nu̱ ɗyine nduki,
Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.
Wanang tu̱k tun nyakhtlirku, mbu ma zu̱r ɓu̱ nduki nu̱ke a guma ye nu kap ɓaanu. Wut ma katar ɗyin ye yen, jiwa a nje bu̱laran za, “Magham wa zhang nu̱ gwaari ɗyin, yang wa ka shi mu̱nkir ye nu katar ɗyin.”