Filipiyeku 2:16 - Mewar Alqawarang

¹⁶ Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

Filipiyeku 2:16 ပူးပေါင်းရင်းမြစ်များ

Matta 10:27

Ɗyi nang zu̱ki ye nu mbu̱ tukari, tun zu̱r nda ye dalangi. Yang tu̱k, ɗyi nang su̱paki ye nu su̱pa, tun wopa nda mu̱na patle.

Luka 12:8

“Nga zu̱ran ye nu, aaki saidaki nga gume nduki, Yi ɓu̱ nduk ka ɓa saida nda tu̱k gume nu̱ ru̱ktiku ɓu̱ Magham.

Yokhana 6:63

Jiimba ke nu̱ vu̱rti nyifi, zalale aa nu̱m kha manva ɓa. Ɓalarku nang zu̱ki ye nwang ɗya jiimba, ndu̱ nyifi.

Yokhana 6:68

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

1 Korintiyeku 1:8

Ka sa tun kha ndu̱ du̱mbu̱r tu̱k ma yir ye lauɗar san, ma ku̱ kha nu waare zop ye fu̱ɗar nu̱ke Zhinerem gwaanji Yesu Masiya kaɗa gaɓki.

1 Korintiyeku 9:26

Ku̱me nang, ɗar nu̱ke nga shiran nang, nga shikya ɗar bamndi ɓa, yang nga ghwatkya khu̱khet ɓa.

2 Korintiyeku 1:14

Ba wa nu̱ke tun dakya mbu̱ tun koɗomma, tun ka ɓa da mbu̱ tun kap. Tun ka shi wakhti ndu̱ chem ba wa nu̱ke chem ka ɓa shiki wakhti ndu̱ tunu, sarchi nu̱ke Zhinerem gwaanji Yesu ka ɗa gaɓki.

Galatiyeku 2:2

Nga ɗu̱ ku̱me Magham wa wut ya za ɗu̱ nga, nang khu̱lki tang qa dlegumeku ɓu̱ nu̱ mbu Yesu kwang nu̱ konggol tang zu̱ su̱ Labar mbarkandi nang wopaki ye nduki nu̱ke ɗya Yakhude ku ɓa ndang ye wora. Nga shi wanang ku̱me nang shim ku̱ tlu̱nar nang shiki ndu̱ nu̱ke nga shiran kha bam ɓa.

Galatiyeku 4:11

Ɗyi nun shiki nang wa sa tang tu̱k sawa, ba wa no za bonye nang zaki ɗyinonu nang wa kha bam!

Filipiyeku 1:10

Gwar wanang ka shaata nu tun ɗu̱ma dat ɗyi nu̱ dukki mbaari, ku̱me ku̱ Fu̱ɗar ɓar ɓu̱ Masiya gwa nu wakaran, waare zop.

Filipiyeku 1:6

Nga maita nu̱ ɗyine chin nu̱ nggaki su̱ tlu̱nar mbarkandi chele ɓaanu nang, ka zu̱m guma ndu̱ shiran ma yir ve lauɗar san ye Fu̱ɗar nu̱ke Masiya Yesu ka ɗa gaɓki.

1 Tasalonikeku 2:19

Jiwa nu̱m ke ɗye sar memu̱na rem, ndu̱ kashar ɓaarem, ndu̱ ɗye zhar nu̱ zhaaji ɓaarem gume Zhinerem gwaanji Yesu fu̱ɗa ɓar ɓaran, mbu̱ tun ɓa?

1 Tasalonikeku 3:5

Nang ke ɗyi nu̱ saki nang kanaɗa ɓa, tang ru̱k ma tu̱k nga labar maito ɓaanu. Nga sawa ku̱ nu̱ lambar nang, chin Sheɗan lamba nu, ku̱ tlu̱nar ɓaarem kha bam ɓa.

Yibraniyeku 4:12

Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

1 Yokhana 1:1

Chem a shikya ɓalar ye nu ɗyine njif nu̱ke a nje gumapaali, nyem tu̱kki, chem na ndu̱ yiterem, chem nggu̱ti nda chem su̱ɓa ndu̱ khaarem. Chem a shikya bu̱lar ye nu ɗyine Ɓalar nu̱ vu̱rti Nyifiri.

Ɗyin mbu̱ tukari 22:17

Jiimba ndu̱ Wonkhar nu̱ke a ma ɓu̱rti a zu̱ran ku za, “A ɓo!” Yang kap njif nu̱ tu̱kki, ku̱ zu̱ tu̱k za, “A ɓo!” Kap njif nu̱ke a tu̱k khuzhumndi ku̱ ɗa ɓa, kap njif nu̱ke a gangndan ku̱ dlu̱ ɗyim nu̱ka vu̱rki nyifiri mu̱nki.