Filipiyeku 2:15 - Mewar Alqawarang

¹⁵ ma ku̱ kha nu waare zop, nduki nu̱ke wakaran, qusonggi ɓu̱ Magham nu̱ke chiɓir mbir ve wor ɓa. Tun a khar mbu̱ nduki galkandi nu̱ mu̱narku, yang kha ma ma yarang nu̱ke a wuti chele nduki nu̱ larji nang.

Filipiyeku 2:15 ပူးပေါင်းရင်းမြစ်များ

Matta 10:16

“Wonji nga ru̱ktonu wa ndu̱ɓangku chele yiɗi gaariku, ku̱me wanang, tun kha ndu̱ kaɗari wa su̱tiku, yang tu̱k tun kha nu̱ song su̱bu̱r wa mbola.

Matta 17:17

Tu̱ Yesu tlogha za, “Tun nduki nu̱ qaandi virkir meeni, nu̱ song maito, ndu̱ kaaku̱ɗakh ɗyin, ngga kha su̱yen ndu̱ tun ma yir kochiya? Ngga du̱ng me kanaɗyi ndu̱ tun nu fu̱na? A ɓa ma ndu̱ woyang ya fan.”

Matta 5:45

Mbu̱ tun wa shi wanang tun ka kha ma qusonggi ɓu̱ Zhinonu nu̱ke a mbu̱ viɗi, ku̱me wa ka sa fu̱ɗar tu̱ shi yarang ɗyine nduki mbarkandi ndu̱ nduki malkandi, tu̱ vu̱r romndi ye nu̱ jeembu ndu̱ nu̱ mu̱narku.

Matta 5:48

Ku̱me wanang, tun kha nyeedlan wa nu̱ke Zhinonu nu̱ke a mbu̱ viɗi nyeedlan.

Luka 1:6

Ku̱lmbu̱r ɓaanda ɗya nu̱ sawar Magham ku, wa ka khutlo Wopar ɓu̱ Magham ndu̱ zu̱r ɓaran wa nu̱ shipaki.

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Yokhana 5:35

Yokhana ɗya yarang nu̱ke a wuti, yang tun wa dat kasha nu yarang ɓaranang me sarchi koɗomma.

Tlu̱nar ɓu̱ Pudeku 2:40

Tu̱ dut dlu̱mndi wor ndu̱ ɓalarku khang, tu̱ khuɗ wor tu̱k za, “Ɗana ma vaanu mbe nduki nu̱ tlu̱nar malkandi ku nu̱ qaandi virkir meeni.”

Tlu̱nar ɓu̱ Pudeku 20:30

Aa chele ɓaanu ɓeeni nduki kaɗa vi tu̱ zu̱ shim nggoɗ zhire ku nu̱ gha, ma ku̱ dut nu̱ mbu Yesu ku nu̱ she wora.

Romeku 16:19

Aaki wa tu̱k ɓalar dlu̱r Labar mbarkandi nun shiki tun a mburan, nang wa sa tang kasha nu. Yang nga shim ku̱ kha nu ndu̱ kaɗari mbe ɗyi mbarkandi, tun kha waare zop mbe aa nyi ɗyi nu̱ke malkandi.

1 Korintiyeku 1:8

Ka sa tun kha ndu̱ du̱mbu̱r tu̱k ma yir ye lauɗar san, ma ku̱ kha nu waare zop ye fu̱ɗar nu̱ke Zhinerem gwaanji Yesu Masiya kaɗa gaɓki.

2 Korintiyeku 6:17

“Ku̱me nang shakh ma ɗyinonu nu̱ nduki nu̱ke ɗya nu̱ mbu Zhinerem gwaanji ku ɓa, tun shakh ɗyinonu ndu̱ wora Zhinkir gwaanji zu̱ki. Ku̱ su̱ɓa nu ɗyi nu̱ke zopan ɓa, ngga dlu̱ronu ku̱men.”

Afiseku 5:27

Shi wanangang ku̱me sarchi nu̱ke chin ka ɓa daki tabar ɓu̱ nu̱ mburi nda kwang ye varan, ku̱ kha ndu̱ zhaaji maɗyi waare ru̱gna ndu̱ ɗyi nu̱ke mbar ma na ɓa, ku̱ kha shakhshakh waare beeko.

Filipiyeku 1:10

Gwar wanang ka shaata nu tun ɗu̱ma dat ɗyi nu̱ dukki mbaari, ku̱me ku̱ Fu̱ɗar ɓar ɓu̱ Masiya gwa nu wakaran, waare zop.

Filipiyeku 3:6

Mbu̱ ɗya ɓalar zhiri ghaari ghai ɓu̱ Yakhudeku, nga vu̱r bonye ye tabarku ɓu̱ nu̱ mbu Yesu, mbe mburi ɗyiku nu̱ Bibitikwang zu̱ki, zop vya mban ɓa.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

1 Timoti 3:10

Wa ku̱s ku̱ buu nu̱ tlu̱narku nang dong, mbu̱ nu̱ gwa zop mbe wor ɓa, kom tu̱ ku̱s tlu̱nar ku.

1 Timoti 3:2

Ku̱ dle guma kha waare zop gume nduki, nokhzan da, ku̱ kha ɗya njif nu̱ke varan buran, ɗyinan ku̱san, nduk mbarkandi, nu̱ dlu̱r runggiku, njif nu̱ke ka ɗu̱maki shogar ye nduki maɗyi.

1 Timoti 5:14

Nga shim tu̱ga ku̱ ku̱du̱w nusuku nu̱ke a mbu̱ du̱mbu̱r ɓaanda shi ɓu̱rti ku, tu̱ kha qusonggi, tu̱ nggu̱t rafti ɓaanda, ma ku̱ nu̱ zhangndi ɓaaremang gwa ɓalar malkandi nu̱ke ka shiki ɗyine rem ɓa.

1 Timoti 5:20

Yang nduki nu̱ shiki sola, to wu wor gume nduki, ma ku̱ ɓeenan tu̱k sawa.

1 Timoti 5:7

To zu̱ ɓalarku nangang ye wora ma ku̱ nduki na wor ma nu̱ zop ɓa.

Titus 1:6

Wa ku̱s ku̱ ndukkudaandi kha waare zop gume nduki, ku̱ kha ma nu̱ nokhzi kaada, ku̱ kha ma njif nu̱ke qusonggi ɓaran wa maita Yesu ku. Yang ku̱ kha ma qusonggi nu̱ke nduki nu̱ zu̱n wor ndu̱ ɗye shir malkandi ndu̱ zhangndi tu̱kti maa ɓa.

Titus 2:10

yang ku̱ muura tun ɓar kha wor ɓa. Me ɓu̱ nang ku̱ kha ma nduki mbarkandi nu̱ shir zhire, ma ku̱ shogar ɓu̱ Magham Nu̱ Ɗanar rem gwa zhaaji mbe aa nyi tunu.

Titus 2:15

To shoga ɗyiku nang ɓara. To pa du̱mbu̱r ye nu̱ tu̱ktor ku, to wu wor ndu̱ zalale nu̱ke a khaaro kap. Ku̱ njig na tu̱ aaki ndu̱mndor ɓa.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

Ɗyin mbu̱ tukari 2:5

Kor ɓakh ɓu̱ maa chingndi ɓaa nu̱ke ta nggu̱tki si! Nggoɗu to gaɓ ye ɗyi nu̱ke ta san gumapaalyang. Mbu̱ yang no nggoɗ ɓa, ngga ɗa ɓa tang da tokhol ɓai ɓaarang ɓar ye maa khar ɓaran.

Ɗyin mbu̱ tukari 3:9

Wonji, ngga sa nduki nu̱ke a mbu̱ kib tabar ɓu̱ Sheɗan, nu̱ka qaki vaanda ku za wor Yakhudeku yang a shikya wollo ku ku̱me ɗyen wanang ɓa. Ngga sa wor tu̱ ɗa ɓa tu̱ nggu̱t nu̱ yaghai gume ro ma ku̱ zu̱n ku nu̱ ɗyine nga ndola ro.