Filipiyeku 2:14 - Mewar Alqawarang

¹⁴ Mbu̱ ɗyi nu̱ke tun a shiran kap, ku̱ shi nu nda ndu̱ ruru ndu̱ keele ɓa,

Filipiyeku 2:14 ပူးပေါင်းရင်းမြစ်များ

Matta 20:11

Nu̱ dlu̱ki ku, tu̱ nggaasi ruru ku ɗyine nu̱ damang,

Markus 14:5

Ai tu̱ga wa masa mor nang ɓar, mu̱zhindan ka khu̱l ɓiiri nu̱ tlu̱nar me qaandi won kunung, ta na ka ɗu̱ma vu̱r mu̱zhindang ye nu̱ nungndiku. Tu̱ dakhla nokhzi nang ku maɗyi.

Markus 9:14

Nu̱ Yesu ndu̱ nu̱ mburi nda kunungndang a gaɓki nu̱ she ɓeena nu̱ mburindakwang ta gwa tabar ndukiku khang maɗyi wa kara ɓeena nu̱ mburindakwang ku̱me Maalu̱m Taurete ku a keele ndu̱ wora.

Luka 5:30

Yang Pariseku ndu̱ Maalu̱mku ɓaanda kap ndu̱ nu̱ zu̱ndi Taurete kwang, tu̱ nggaasi ruru ku. Tu̱ zu̱ ye nu̱ mburi Yesu kwang za, “Nu̱m saki tun a zu̱mndi ndu̱ zari su̱yen ndu̱ nu̱ dlu̱r zhaanggal ku ndu̱ nu̱ solarkwang na?”

Tlu̱nar ɓu̱ Pudeku 15:2

Nu̱ Bulus ndu̱ Barnaba shiki keele maɗyikandi chele ɓaanda ndu̱ nduki nang. Tu̱ ru̱k Bulus ndu̱ Barnaba su̱yen ndu̱ nduki nggur ku̱ ɗu̱ ku Urshalima she pudeku ndu̱ dle gume ɓu̱ nu̱ mbu Yesu ku, ma ku̱ shi ɓalar ndu̱ wor ɗyine shogar nang.

Tlu̱nar ɓu̱ Pudeku 15:39

Tu̱ ku̱na tu̱k me yen ku maɗyi tu̱ shakh ku. Chin Barnaba tu̱ da Yokhana Markus tu̱ vi du̱mbu̱l ɗyim ku ma yir Saipurus.

Tlu̱nar ɓu̱ Pudeku 15:7

Qu̱rse wa shi ɓalarku khang, tu̱ Biturus ji nu̱ viɗi. Tu̱ zu̱ za, “Nyeezaku, tun wa zu̱n nu̱ ɗyine ɗau fara Magham wa daati nga chele ɓaanu, ma ku̱ nduki nu̱ke ɗya Yakhudeku ɓa tu̱k Labar Mbarkandang tu̱ maita ku ku̱n sha.

Tlu̱nar ɓu̱ Pudeku 6:1

Yang mbu̱ qaandiku naandang, nu̱ke nu̱ mbu Yesu ku a shaata khangi, tu̱ Yakhudeku nu̱ka tu̱kki me Gu̱rik gho me wor nu̱ ɗyine Yakhudeku nu̱ka tu̱kki me Aramayik. Gho me worang, ku̱me nusuku ɓaanda nu̱ zhime wor mu̱tki nu̱ka gwa ɗye zu̱mndi nu̱ka shakki ye ku̱du̱w ku aa nyi fu̱ɗa ɓa.

Romeku 12:18

Shi ma ɗyi nu̱ke tun ka ɗu̱maki kap, mbu̱ ka shi, tun kha mu̱n ndu̱ aaki.

Romeku 14:1

Dlu̱ ma nduki nu̱ke maito ɓaanda khukhutan, dla nu kumar ɗyine ɗyi nu̱ke tun a keele ɗyinan ɓa.

Romeku 16:17

Nyeezaku, nga khutonu tun shi khankal ndu̱ nduki nu̱ka ɓa ki ndu̱ shakhti ɗyin chele ɓaanu tu̱ sa ɗye ji saari nu̱ gumenu, nu̱ke a kare ndu̱ shogar nun dlu̱ki. Kha ma ɓakh ndu̱ wora!

1 Korintiyeku 10:10

Ku̱ shi mi ruru wa nu̱ ɓeenan shiki, tu̱ nu̱ ru̱kti ɓu̱ Magham nu̱ tlaghar mu̱ti tlagha worang ɓa.

2 Korintiyeku 12:20

Nga sawa bai mbu̱ nga ɓa tang gwa tun wa mbu̱m tun kha zum ndu̱ ɗyi nang shimki nu si, tun yang gwa nga zum ndu̱ ɗyi nun shimki nga si tu̱k. Nga sawa gwa nu mbu̱ keele ndu̱ zhiri, ndu̱ memu̱nar malkandi ndu̱ ndolar ɗyin, ndu̱ pu̱zi nduki bam bam ndu̱ ndaane, ndu̱ dar ɗyin, ndu̱ rokhdlar maari.

Galatiyeku 5:15

Yang mbu̱ tun wa kha wa dlu gari ku, tun a dakhla yen, tun a ku̱ti, tun a nji yen, gaɓ ma nu̱ mbu̱ konyi ɓaanu ɗo, mbu̱ wanang ɓa tun ka su̱ya yen nu̱gha!

Galatiyeku 5:26

Ku̱ kha mi ma nu̱ gwaari ɗyin ndu̱ nggangndi dakhla, ndu̱ zhiri ɓu̱ yen ɓa.

Filipiyeku 2:3

Ku̱ shi nu aa nu̱m ndu̱ ndolar ɗyin ndu̱ gwaari ɗyin ɓa, tun kata ɗyinonu nu̱gha. Bu ku̱ aaki gaɓ ndu̱ mu̱dlen wa dukti nda.

1 Tasalonikeku 5:13

Tun khuɓ wor ndu̱ zhaaji maɗyi ndu̱ ndolar tu̱k ku̱me tlu̱nar nu̱ke a shiran kwang. Tun shi khar mu̱nkandi ndu̱ yen.

1 Tasalonikeku 5:15

Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

Yaqub 1:20

Ku̱me shokhnar ɓu̱ nduku nu̱ka sa nda tu̱ tlu̱na shimndi ɓu̱ Magham ɓa.

Yaqub 3:14

Mbu̱ yang zhiri malkandi ndu̱ ndolar ɗyin a nje mbu̱ memu̱na nu, njig ma wuti ɗyinonu, yang lu̱panu zhire ni nu̱gha ɓa.

Yaqub 5:9

Nyeezaku, njig ma ruru chele ɓaanu, ma ku̱ kuma nu ɓa. Wonji nu̱ kumarang a shi bing ɓari, a nje me viri.

1 Biturus 3:11

Ku̱ shakh ɗyinan ndu̱ mu̱na, tu̱ shi mbarkiri, tu̱ laɓ qaandi memu̱na tu̱ wuta gwaran.

1 Biturus 4:9

Qu̱n ma me vi ɓaanu ye yen, ruru su̱ ɓa.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.