Filipiyeku 2:13 - Mewar Alqawarang

¹³ Jiwa Magham kya tlu̱nar mbu̱ memu̱na nu, viɗ ɗyine ku̱rti shimndi ɓaran, ma ku̱ shi nu ɗyi nu̱ dlu̱ki mban.

Filipiyeku 2:13 ပူးပေါင်းရင်းမြစ်များ

Luka 12:32

“Shi nu sawa ɓa tun shapir rakhndi, jiwa Zhinonu a kashari ma vu̱r nji kwaaɗarang ye nu.

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Yokhana 3:27

Tu̱ Yokhana tlogha za, “Nduk a nje nu̱ke ka gwaki aa nu̱m ɓa kope a vu̱r yenda viɗi.

Yokhana 6:45

A nje bu̱laran mbu̱ lagarkati ɓu̱ annabikwang za, “Magham ka shogaki ye wora. Yang kap njif nu̱ tu̱kki, tu̱ yang shoga she Zhinkirang, wa ka ɓa sha.

Yokhana 6:65

Tu̱ zu̱ tu̱k za, “Na ke ɗyi nu̱ saki tang ze nu nga za, ‘Nduk a nje nu̱ke ka ɗu̱maki ɓar sha ɓa, buka mbu̱ Zhinkirang wa vu̱r zalale ni yenda.’ ”

Tlu̱nar ɓu̱ Pudeku 11:21

Nu̱ke zalale ɓu̱ Zhinerem gwaanji a nje su̱yen ndu̱ wora, tu̱ nduki khang maita, tu̱ ɗa gaɓ nu̱ she Zhinerem gwaanji.

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

Romeku 9:11

Yang me ku̱ kha ye mugɗar ku nang, fan ku̱ zu̱n ɗyi mbarkandi ku ndu̱ ɗyi malkandi ku, tu̱ Magham ze Rabeka za chin wa sa woi gwaanjang ku̱ kha ma nu̱ ru̱kti ɓu̱ woi koɗommandang.

Romeku 9:16

Nang wa wut nu̱ ɗyine ɗya shimndi ɓu̱ nduk ndu̱ tlu̱nar ɓaran ɓa, ɗya ɗaanar ɓu̱ Magham.

1 Korintiyeku 12:6

Tlu̱narku a nje tu̱k zum zum, yang Zhinkir gwaanji ɗyenda ke nu̱ vu̱r maghar shiran ye aaki.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

2 Korintiyeku 3:5

Tun a nje nu̱ wutki za maghar ɓaarem saki chem shi tlu̱nar nang ɓa. Maghar ɓaarem a vi she Magham.

Afiseku 1:11

Magham wa daaterem ku̱ kha mi ma nduki ɓaran, nu̱ ku̱nshe Masiya. Wa woɗa daasa ɗyen vu̱ nggarsan, Ai, chin ke nu̱ tlu̱na ɗyiku ɓaran wa nyin shimki.

Afiseku 1:5

Mbe ndolar ɓaran Magham wa woɗa daasaran ku̱ kha mi ma qusonggi ɓaran nu̱ ku̱nshe Yesu Masiya, ku̱me shimndi mu̱nkir ɓaran.

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 2:8

Ai, mu̱nkir ɓu̱ Magham saki tun gwa ɗanar nu̱ ku̱nshe maito ɓaanu. Tun shiki ɓa, ɗya mu̱nkir ɓu̱ Magham.

2 Tasalonikeku 1:11

Mbe kwaari ɗyiku nang chem a barar ye nu aakochi nu̱ ɗyine ku̱ Maghamndi ɓaarem sa tun shi khar viti nu̱ khaki dlu̱ran ndu̱ qar nu̱ qaki nu maaran. Bu ku̱ sa tun shi ɗyi mbarkandiku kap nun shimki shiran, nu̱ ku̱nshe zalale ɓaran tu̱ nyel tlu̱nar maito ɓaanu.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.