Filipiyeku 2:11 - Mewar Alqawarang

¹¹ Aa nyi ghin ka saida za Yesu Masiya ɗya Zhinerem gwaanji, ma vu̱r zhaaji ye Magham Zhinki.

Filipiyeku 2:11 ပူးပေါင်းရင်းမြစ်များ

Matta 10:32

“Kap njif nu̱ saidaki nga gume nduki ngga saida nda gume Zhinkir ɓang nu̱ke a mbu̱ viɗi.

Luka 2:11

Wa kha nu̱ ɗanar ye nu meeni mbu̱ ghai ɓu̱ Dauda, dlu̱man za Masiya, Zhinerem gwaanji.

Yokhana 12:42

Kap ndu̱ nang tu̱ nduki khang maita Yesu, su̱yen ndu̱ dlegumeku ɓaanda khang tu̱ maita nda ku. Yang ku̱me a sawa Parisekwang, nu̱ zu̱ ku za wor wa maita ɓa ku̱me ku̱ komba wor ɓar ye maa tabar ɓaanda ɓa.

Yokhana 13:13

Tun a qa nga Maalu̱m, ndu̱ Zhinonu gwaanji. Na torop, ku̱me nga wanang.

Yokhana 13:14

Mbu̱ nga ndu̱ vara, nu̱ke nga Zhinonu gwaanji ndu̱ Maalu̱m ɓaanu nga shiɓ saaro nu, wa shipa tun shiɓ saari yen tu̱k.

Yokhana 14:13

Ɗyi nun khuɗki kap mbu̱ dlu̱ma ngga shi, ku̱me ku̱ Zhinkirang gwa zhaaji nu̱ ku̱nshe Woyang.

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 17:1

Gaanje Yesu wa zu̱ ɓalarku nang, tu̱ da yitan tu̱ nggu̱t maa viɗi, tu̱ shi barar za, “Aba, sarchi wa shi. Vu̱r zhaaji ye Yi ɓaaro ku̱me chin ma ku̱ vu̱r zhaaji yor tu̱k.

Yokhana 20:28

Tu̱ Toma ze nda za, “Zhinkir gwaanji, ndu̱ Maghamndi ɓang tu̱k.”

Yokhana 5:23

Ma ku̱ aaki vu̱r gorkir ye Woyang, ba wa nu̱ka vu̱rki gorkir ye Zhinkirang ku. Kap njif nu̱ke nu̱ vu̱r gorkir ye woyang ɓa, nu̱ vu̱r gorkir ye Zhin nu̱ ɗa ru̱kki nda ɓa.”

Yokhana 9:22

Yang zhin ndu̱ manang zu̱ wanang ku ku̱me a sawa dlegumeku ɓu̱ Yakhudekwang ku̱me wa gu̱n me wor ɗau za kap njif nu̱ zu̱ki za Yesu ɗya Masiya, wor ka komba nda ɓar mbu̱ maa tabar ɓaanda.

Tlu̱nar ɓu̱ Pudeku 10:36

Tun wa zu̱n labar nu̱ Magham ru̱kki ye nduki nu̱ Israila, nu̱ zu̱ki Labar Mbarkandi nu̱ qaandi memu̱nar nu̱ ku̱nshe Yesu Masiya chin ke Zhinkir ɓu̱ aaki.

Tlu̱nar ɓu̱ Pudeku 2:36

“Ku̱me nang, bu ku̱ Israila kap zu̱n nu̱ ɗyine chin Yesu nun katlki nda gha nang, Magham wa gaɓ ndu̱ chin ma Zhinkir gwaanji ndu̱ Masiya shwat.”

Romeku 14:11

Jiwa a nje bu̱laran za, “ ‘Ba wa nu̱ke nga nje ndu̱ nyifiri shwat,’ Zhinkir gwaanji kya ɓalar nang, ‘Aa nyi me purmi ka kurum gha gumera; aa nyi ghin ka saida za nga ke Magham.’ ”

Romeku 14:9

Jiwa ku̱me nang Masiya wa mu̱ɗi tu̱ ji ndu̱ nyifiri ma ku̱ kha nji ma Zhinkir gwaanji ɓu̱ nduki nu̱ mu̱tki ndu̱ nduki nu̱ke a nje ndu̱ nyifiri.

Romeku 15:9

Ma ku̱ nduki nu̱ke ɗya Yakhudeku ɓa vu̱r zhaaji ye Magham ku̱me ɗaanar ɓaran. Ba wa nu̱ke a nje bu̱laran za, “Ku̱me nang, ngga khamndor chele ndukiku nu̱ke ɗya Yakhudeku ɓa, ngga qa taazi khamndi Dlu̱moro.”

1 Korintiyeku 12:3

Ku̱me nang nga shim zu̱n nu nu̱ ɗyine, nduk a nje nu̱ke Jiimbi shakhshakhndi a mbu ndu̱ chin nu̱ke ka zu̱ki za, “Wa mi pontori ɓu̱ Yesu! Ɓa.” Yang nduk a nje tu̱k nu̱ke ka zu̱ki za, “Yesu ɗya Zhinerem gwaanji” ɓa, kope Jiimbi shakhshakhndi a mbu ndu̱ chin.

1 Korintiyeku 15:47

Njif nu̱ gumapaalyang shir nda ndu̱ kalau ghai, a ɓa vu̱ghai. Nu̱ rapndang yang a ɓa viɗi.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Yokhana 4:15

Kap njif nu̱ tloghaki za Yesu ɗya Yi ɓu̱ Magham, a mbe Magham, Magham a mbe nda.

1 Yokhana 4:2

Wonji ma ɗyi nu̱ke tun ka zu̱nki Jiimbi ɓu̱ Magham nu̱ si, aa nyi jiimba nu̱ saidaki za Yesu Masiya a ɓa mbu̱ man va, a vi she Magham.

2 Yokhana 1:7

Nu̱ lambar nduki khang a vi ku, tu̱ lakhtan aa fu̱n mbu̱ larji. Nu̱ maita ku za Yesu Masiya a ɓa mbu̱ larji mbu̱ manva ɓa. Kap nu̱ pooni shogar nang wor ke nu̱ lamba ndu̱ nu̱ zhangndi Masiya.

Ɗyin mbu̱ tukari 3:5

Njif nu̱ raki wute nang ka sa lukti ɓongndi wa wora. Shwat ngam ɓu̱ fet dlu̱man ɓar mbu̱ Lagarkati nyifi ɓa. Yang sarchi nang chingki gha gume Zhinkir ɓanga ndu̱ nu̱ ru̱ktiku ɓaran, ngga saida dlu̱man.