Filipiyeku 2:1 - Mewar Alqawarang

¹ Mbu̱ke khar viti ɓaanu mbe Masiya a pa du̱mbu̱r ye nu, mbu ndolar ɓaran a du̱ng memu̱na nu, mbu tun a khar ndu̱ yen mbe Jiimba, mbu tun a ndola yen tun a tu̱k zhiyaye ɓu̱ yen.

Filipiyeku 2:1 ပူးပေါင်းရင်းမြစ်များ

Luka 2:25

Yang ku̱maandi nggur a nje Urshalima dlu̱man za Simiyon, ɗya nu̱ jeembu ndu̱ komkomi ghaari ghai ye Magham. A bu ɓar ɓu̱ Masiya ma du̱ng memu̱na Israila, Jiimbi shakhshakhndang nje ɗyine nda.

Yokhana 14:18

Ngam ɓu̱ njigto nu wa maryiran ɓa, ngga ɗa ɓa she nu.

Yokhana 14:27

“Nga njig kharmu̱ndi ɓang ye nu. Nga vu̱rkya kharmu̱ndi ɓang ye nu. Nang vu̱r ye nu wa nu̱ke larji ka vu̱rki ɓa. Damta nu ɓa, yang tu̱k nu sawa zum ɓa.”

Yokhana 17:13

Nga gaɓti nu̱ sho leendang, yang nga khuɗ ɗyiku nang sarchi nu̱ke nga larji ma ku̱ kashar ɓang nu̱ke nyeedlan khan mbe nu̱ mburi nga ku nang.

Tlu̱nar ɓu̱ Pudeku 2:46

Wa ka ɗu̱ ku mbu̱ Rafti ɓu̱ Magham aakochi, a zu̱m ɗye zu̱mndi ku su̱yen mbu̱ raftiku ɓaanda, a zu̱mndi ku su̱yen ndu̱ kasha, ndu̱ ɓu̱tokh memu̱na.

Tlu̱nar ɓu̱ Pudeku 4:32

Kwaari ɓu̱ nu̱ mbu Yesu ku kap, ndu̱ memu̱na wor wa kha da, nduk a nje nu̱ daki ɗyin khaa nda ma ɓaran chin ɗyenda ɓa. A shakh ɗyin me khar wor ndu̱ yen.

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

Romeku 8:26

Wanang tu̱k Jiimbyang a shaata rem mbe tu̱ɓti ɓaarem. Nyem magha shir bara wa nu̱ shipaki ɓa, yang Jiimbyang nu̱ ɗyinan a khuɗ Magham yerem ndu̱ tlu̱rti nu̱ke ɓala ɓu̱ ɗu̱ma zu̱ mban ɓa.

1 Korintiyeku 12:13

Ku̱me shi baptismyang yerem kap mbu̱ Jiimbi da ndu̱ man var da, aa to Yakhude nduku, aa to Khelene, aa to maava, aa to ye ghai, kap ɓaarem chem za mbu̱ Jiimbi dandi nang.

1 Korintiyeku 15:31

Nga me mu̱ti aakochi nyeezaku. Tu̱kti ndu̱ tun nu̱ke nga shiran ku̱me Masiya Yesu Zhinerem gwaanji saki tang zu̱ wanang.

1 Korintiyeku 3:16

Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

2 Korintiyeku 13:14

Bu ku̱ mu̱nkir ɓu̱ Zhinerem gwaanji Yesu Masiya, ndu̱ ndolar ɓu̱ Magham, ndu̱ khar mu̱nkandi ɓu̱ Jiimbi shakhshakhndi, kha gha su̱yen ndu̱ tun kap.

2 Korintiyeku 2:14

Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Afiseku 4:4

Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.

Filipiyeku 1:8

Magham ka saida nga nu̱ ɗyine nga shim na nu nu̱ pooni ndolar ɓu̱ Masiya Yesu.

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Yokhana 3:24

Kap nu̱ mbu zu̱r ɓaranku kharan mbe nda, chin kharan mbe wor tu̱k. Wonji ɗyi nu̱ saki chem zu̱n za shwat a nje kharan mbe rem, chem zu̱n nu̱ ku̱nshe Jiimbi nu̱ vu̱rki yerem.

1 Yokhana 4:12

Nduk a nje nu̱ naki Magham sar da ɓa, yang mbu̱ chem a ndola yen, Magham a nje kharan mbe rem ɗo, ndolar ɓaran nang wa kha nyeedlan mbe rem.

1 Yokhana 4:16

Yang chem nu̱ ɗyine rem chem wa zu̱ni chem dla vaarem nu̱ ve ndolar ɓu̱ Magham nu̱ke a shiran yerem. Magham ɗya ndola, njif nu̱ke a wut ndola kharan mbe Magham, Magham a nje kharan mbe nda.