Filipiyeku 1:8 - Mewar Alqawarang

⁸ Magham ka saida nga nu̱ ɗyine nga shim na nu nu̱ pooni ndolar ɓu̱ Masiya Yesu.

Filipiyeku 1:8 ပူးပေါင်းရင်းမြစ်များ

Luka 1:78

Ku̱n she nar zhiyaye ɓu̱ Maghamndi ɓaarem sarchi nu̱ke yarang ɗanar ɓu̱ Magham ka ɗa ɓa ki yerem viɗi,

Romeku 1:9

Magham nu̱ke nga tlu̱nar yenda ndu̱ memu̱nara da nu̱ ku̱nshe wopar Labar mbarkandi ɓu̱ Yi ɓaran, ke saidu ɓanga nu̱ ɗyine nang laada kwaaronu

Romeku 9:1

Nga zu̱kya zhire mbe Masiya, nga shikya wollo ɓa. Mbu̱ kwaari nang shiki mbu̱ memu̱nara, nga zu̱n shwat ɗya kwatama ɓa ku̱me saidu nu̱ Jiimbi shakhshakhndi shiki ɗyine nang.

2 Korintiyeku 13:9

Chem wa ka kasha mbu̱ du̱mbu̱r ɓaarem kata, yang ɓaanu tun du̱mbu̱ran. Chem a barar ku̱ kha nu nyeedlan tu̱k.

2 Korintiyeku 6:12

Ai, nyem zhang wut ndolar ɓaarem ye nu ɓa, tun zhangki wut ndolar ɓaanu yerem gha.

2 Korintiyeku 7:15

Titus a ndola nu maɗyi, yang nu̱ shi wa mbu̱ wa kor mburi zu̱r ɓaran nun shiki, ndu̱ zhaaji nun vu̱rki yenda sarchi nun gaɗaki nda ndu̱ sawar ndu̱ dlu̱rti var ɓa.

Galatiyeku 1:20

Ɗyi nu̱ke nga bu̱laran ye nu nang, ɗya kwatama ɓa, ɗya ba zhire ni, chele ɓang ndu̱ Magham.

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

Galatiyeku 4:19

Tun qusonggi ɓanga, nang ke bonye nu̱ rapan nang zaki wa nokhzi nu̱ke a ɗyin purman ma kha nun dam. Yang ngga zu̱m guma ndu̱ bonye nang kope ɗye shir ɓu̱ Masiya wa kha gha mbu̱ memu̱na nu.

Filipiyeku 2:1

Mbu̱ke khar viti ɓaanu mbe Masiya a pa du̱mbu̱r ye nu, mbu ndolar ɓaran a du̱ng memu̱na nu, mbu tun a khar ndu̱ yen mbe Jiimba, mbu tun a ndola yen tun a tu̱k zhiyaye ɓu̱ yen.

Filipiyeku 2:26

Jiwa a shim na nu kap, yang damtaran ku̱me tun wa tu̱k za wa shi khaati.

Filipiyeku 4:1

Ku̱me nang, tun nyeezaku nang saki nu̱ ve memu̱nara aakochi, tang ki kasha na nga nu maɗyi, tun nun ka mu̱nki memu̱nara, tun nang ka shiki wakhti ndu̱ tunu. Nga khutonu tun ching gha shaanggu̱ɗang mbe Zhinkir gwaanji, tun nu̱ke nga ndolaran.

Kolosiyeku 2:1

Nga shim ku̱ zu̱n nu pooni tlu̱nar maɗyikandi nang shiki ku̱me tunu ndu̱ nduki nu̱ Laudikiya, ndu̱ nduki nu̱ke nu̱ zu̱ndi nga ku sar da ɓa.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

1 Tasalonikeku 2:5

Tun wa zu̱n nu ɗyine, nyem wutkya mu̱ndi ɓala ye nu ɓa, yang nyem melakh ɗyi nggur kha nu chem shim ku̱ tuka mi melakh ɓaarem gha ɓa. Magham ke saidu ɓaarem ɗyine nang.

1 Tasalonikeku 2:8

Chem wa damta ndu̱ tun maɗyi, nang ke ɗyi nu̱ saki nyem wopa Labar Mbarkandang ye nu ɗyenda ɓa, chem wa vu̱r nyifi ɓaarem tu̱k ku̱me tunu, nu̱ke tun wa vi nu̱ mbu̱ memu̱na rem maɗyi.

2 Timoti 1:4

Mbu̱ nga kor ɗyim ghoori ɓaaro, tang ka kasha na ro, ma ku̱ nyel nga ndu̱ ɓong memu̱na.

Filimon 1:12

Nga ru̱kti nda ma ku̱ ɗa ɓa shoro, chin nu̱ke memu̱nara a ɗyine nda.

Filimon 1:20

Wanang tu̱k, khachinkir ɓanga, nga khutoro to shi mu̱nkir nang ya ku̱me Zhinerem gwaanji. Mu̱n memu̱nara ya mbe Masiya!

1 Yokhana 3:17

Mbu̱ njif nu̱ke ɗyin me khar kha nda wa na mu̱dlen a mbu̱ song tu̱ yang zhang shaata nda gha, ndolar ɓu̱ Magham a nje mbe nda shoɗa?