Filipiyeku 1:7 - Mewar Alqawarang

⁷ Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Filipiyeku 1:7 ပူးပေါင်းရင်းမြစ်များ

Tlu̱nar ɓu̱ Pudeku 20:23

Aa nu̱ke Jiimbi shakhshakhndi wa wut mbu̱ aa nyi ghai za khiiri nu̱ mbu̱ zhaaru̱m ndu̱ bonye maɗyikandi a nje a buri nga.

Tlu̱nar ɓu̱ Pudeku 21:33

Tu̱ gorkir sojang a ɓa tu̱ ku̱s Bulus, tu̱ sa ku̱ gu̱n nda gha ndu̱ yakhli rap. Kom tu̱ zham za ɗa, ɗya kiya ndu̱ ɗyi nu̱ shiki.

1 Korintiyeku 13:7

Ndola wa ka bu ɗyin, wa ka shi maito aakochi, wa ka shi sar memu̱na, nu̱ka shi nggum ɓa.

1 Korintiyeku 9:23

Nga shi ɗyiku nang ku̱me Labar Mbarkandang, ma gwa nga me ɓang mbu̱ barke ni.

2 Korintiyeku 3:2

Ai, tun ndu̱ ɗyinonu tun ke lagarkati ɓaarem, nu̱ke a nje bu̱laran mbu̱ memu̱nanu: ma ku̱ aaki na tu̱ nggu̱t mban.

2 Korintiyeku 7:3

Nang shi ɓalar nang ma vu̱r nga zop ye nu ɓa, wa nang zu̱ki ye nu, tun a nje nu̱ke ka shakki chele ɓaarem chem zhang ndola nu gha ɓa, aa chem wa mu̱ɗi aa chem a nje nu̱ nyifiri.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Afiseku 3:1

Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 6:20

Tlu̱nar nang wa sa tang kha ma yiti Magham, yang kap ndu̱ nang nga nje gu̱ndan! Shi ma barar ya ku̱me sarchi nu̱ke nga waazu tang shi sawa su̱ ɓa ba wa nu̱ shipaki shi nga.

Filipiyeku 1:12

Nyeezaku, nga shim zu̱n nu nu̱ ɗyine, ɗyi nu̱ gwaki nga nang wa sa tu̱ Labar Mbarkandang shaata zu̱mndi guma.

Filipiyeku 1:13

Ɗyi nu̱ gwaki nga nang saki tu̱ sojeku nu̱ke a patle ɓu̱ kuji ndu̱ ɓeeni nduki zu̱n za khiiri nga gha zhaaru̱mang ku̱me Masiya.

Filipiyeku 1:14

Khiiri nga gha nu̱ shiki zhaaru̱m nang wa sa tu̱ nyeezerem mbe Zhinerem gwaanji shaata gwa du̱mbu̱r wopa ɓalar ɓu̱ Magham sawa su̱ ɓa.

Filipiyeku 1:5

ku̱me tun wa gonta ɗyinonu ndu̱ nga mbu̱ tlu̱nar wopar Labar mbarkandi nang, ji ye fu̱ɗar nu̱ gumapaali ma ɓar meeni.

Filipiyeku 2:22

Ai, tun wa zu̱n ki ke Timoti kwa, tun wa zu̱n tlu̱nar Labar mbarkandi nyem shiki ndu̱ chin wa woi ndu̱ zhin.

Filipiyeku 4:14

Yang kap ndu̱ nang tun wa shi torop nun shaataki nga mbu̱ bonye ɓanga.

Filipiyeku 4:15

Tun Filipiyeku, ai, tun wa zu̱n nu̱ ɗyine ye sarchi nun nggaki su̱ gwa Labar Mbarkandang ndu̱ sarchi nang njigki Makidoniya. Tabar ɓu̱ nu̱ mbu Yesu ku a nje nu̱ gontaki ɗyin wor ndu̱ nga tu̱ vu̱r ɗyin me khar wor ya ɓa kope tun ɗyenda.

Filipiyeku 4:3

Tun, nyeezaku mbu̱ tlu̱nar nang nu̱ shir zhire, nga khutonu ku̱ shaata nu nusuku nang, ku̱me wa shi tlu̱nar ku maɗyi su̱yen ndu̱ nga mbu̱ tlu̱nar wopar Labar Mbarkandang. Wor ndu̱ Ku̱lemen ndu̱ ɓeeni nduki nu̱ke a tlu̱nar su̱yen ndu̱ nga, wor nu̱ke dlu̱m wor a nje bu̱laran mbu̱ Lagarkati Nyifiri.

Kolosiyeku 4:18

Nga Bulus nga kya bu̱la qaandi nang ye nu ndu̱ khara. Ku̱ mona nu nu̱ ɗyine nga nje khiiran zhaaru̱m ɓa. Ku̱ mu̱nkir ɓu̱ Magham kha gha su̱yen ndu̱ tunu.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

1 Tasalonikeku 5:5

Ku̱me kap ɓaanu tun qusonggi ɓu̱ yarang, ndu̱ ɓu̱ fu̱ɗa. Chem qusonggi ɓu̱ virkir ndu̱ zhum maa ɓa.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.

Filimon 1:13

Nga shim tu̱ga njig nga nda nu̱ sha tu̱ ki tlu̱nar ya me ɓaaro ye sarchi nu̱ke nga nje khiiran zhaaru̱m ku̱me Labar Mbarkandang.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

1 Biturus 4:13

Me ɓu̱ nang, shi ma kasha ma nu̱ke tun a zakya bonye nu̱ Masiya zaki, ma ku̱ ɓa shi nu ɓong memu̱na ndu̱ kashar nu̱ke koɗokhsi ɓa ye sarchi nu̱ke a ma wut zhaaji ɓaran.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

2 Bitu̱rus 1:13

Ye nar ɓanga, wa shi torop, mbu̱ nga nje ndu̱ nyifiri, ki nga kwaaran ye nu,

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.