Filipiyeku 1:5 - Mewar Alqawarang

⁵ ku̱me tun wa gonta ɗyinonu ndu̱ nga mbu̱ tlu̱nar wopar Labar mbarkandi nang, ji ye fu̱ɗar nu̱ gumapaali ma ɓar meeni.

Filipiyeku 1:5 ပူးပေါင်းရင်းမြစ်များ

Tlu̱nar ɓu̱ Pudeku 2:42

Tu̱ vu̱r vaanda ye shogar ɓu̱ Pudekwang ndu̱ khar ndu̱ yen, ndu̱ zu̱mndi ɗye zu̱mndi su̱yen kom ndu̱ barari.

Romeku 11:17

Mbu̱ke wa ku̱rta ɓeeni me bu̱n qu̱farku nu̱gha, yang tun nu̱ke ɗya qu̱far Zaitun nu̱ gar wa baatla nu tu̱ gu̱n ye man qu̱farang ma ɓu̱rti su̱yen ndu̱ ɓeeni me bu̱n qu̱farkwang. Tun a zu̱m kya boote ɓu̱ man qu̱farang nu̱ ku̱nshe dlu̱dlar sanang.

Romeku 12:13

Tun ki shakh ɗyin me kha nu ndu̱ nduki ɓu̱ Magham nu̱ke a mbe song. Tun ki dlu̱ runggiku ndu̱ kashari.

Romeku 15:26

Tabar ɓu̱ nu̱ mbu Yesu ku nu̱ke a Makidoniya ndu̱ Akaya wa kasha vu̱rti ɗyiku ma shaatar nduki ɓu̱ Magham nu̱ke a mbu̱ song far mbu̱ ghai Urshalima.

1 Korintiyeku 1:9

Magham ɗya nu̱ nyedli alqawar, yang chin qaki nu ma ku̱ shi nu khar mu̱nkandi su̱yen ndu̱ Yi ɓaran Yesu Masiya Zhinerem gwaanji.

2 Korintiyeku 8:1

Nyeezaku, nga shim ku̱ zu̱n nu ɗyi nu̱ke mu̱nkir ɓu̱ Magham saki tabar ɓu̱ nu̱ mbu Yesu ku nu̱ Makidoniya tu̱ shi.

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

Filipiyeku 1:12

Nyeezaku, nga shim zu̱n nu nu̱ ɗyine, ɗyi nu̱ gwaki nga nang wa sa tu̱ Labar Mbarkandang shaata zu̱mndi guma.

Filipiyeku 1:16

Ɓu̱ nduki nu̱ke a shiran ku ndu̱ memu̱na wor dandang, a shiran ku̱ mbe ndola, ku̱me wa zu̱n ku za khiiri nga gha zhaaru̱mang ku̱me nga kangga Labar Mbarkandang.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Filipiyeku 2:12

Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.

Filipiyeku 2:22

Ai, tun wa zu̱n ki ke Timoti kwa, tun wa zu̱n tlu̱nar Labar mbarkandi nyem shiki ndu̱ chin wa woi ndu̱ zhin.

Filipiyeku 4:3

Tun, nyeezaku mbu̱ tlu̱nar nang nu̱ shir zhire, nga khutonu ku̱ shaata nu nusuku nang, ku̱me wa shi tlu̱nar ku maɗyi su̱yen ndu̱ nga mbu̱ tlu̱nar wopar Labar Mbarkandang. Wor ndu̱ Ku̱lemen ndu̱ ɓeeni nduki nu̱ke a tlu̱nar su̱yen ndu̱ nga, wor nu̱ke dlu̱m wor a nje bu̱laran mbu̱ Lagarkati Nyifiri.

Filimon 1:17

Mbu̱ chem a khar khachinki ndu̱ to mbu̱ tlu̱nar nang, to dlu̱r nda wa nu̱ke to ka dlu̱ki nga.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.