Filipiyeku 1:27 - Mewar Alqawarang

²⁷ Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 1:27 ပူးပေါင်းရင်းမြစ်များ

Matta 12:25

Nu̱ Yesu zu̱nki kwaari ɓaanda tu̱ ze wor za, “Aa nyi kwaaɗa shakki san rap a zhang yen ku, kwaaɗarang ɓu̱ ching ɓa. Yang tu̱k aa ghai aa rafa zhangki dlu̱ yen gha ku, ji aa ghayang aa raftang ɓu̱ ching ɓa.

Tlu̱nar ɓu̱ Pudeku 2:46

Wa ka ɗu̱ ku mbu̱ Rafti ɓu̱ Magham aakochi, a zu̱m ɗye zu̱mndi ku su̱yen mbu̱ raftiku ɓaanda, a zu̱mndi ku su̱yen ndu̱ kasha, ndu̱ ɓu̱tokh memu̱na.

Tlu̱nar ɓu̱ Pudeku 24:24

Nu̱ qanki koɗom, tu̱ Feliks ndu̱ nokhzan, dlu̱man za Durusila nu̱ke ɗya Yakhuda a ɓa ku. Nu̱ ɗa ɓa ki ndu̱ Bulus yenda, tu̱ gwa dlu̱mndan ye Bulus ɗyine ɓalar maitar Masiya Yesu.

Tlu̱nar ɓu̱ Pudeku 4:32

Kwaari ɓu̱ nu̱ mbu Yesu ku kap, ndu̱ memu̱na wor wa kha da, nduk a nje nu̱ daki ɗyin khaa nda ma ɓaran chin ɗyenda ɓa. A shakh ɗyin me khar wor ndu̱ yen.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 1:9

Magham nu̱ke nga tlu̱nar yenda ndu̱ memu̱nara da nu̱ ku̱nshe wopar Labar mbarkandi ɓu̱ Yi ɓaran, ke saidu ɓanga nu̱ ɗyine nang laada kwaaronu

Romeku 10:8

Ɗyi nu̱ke bu̱lar Ɓalar ɓu̱ Magham a zu̱ranang chin ke, “Ɓalar ɓu̱ Magham a nje bing ndu̱ to, a nje mbu̱ me ro, kom ndu̱ mbu̱ memu̱na ro.” Ɓalar nang chin ke ɓalar maito nu̱ke chem a waazu ni. Za,

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 15:29

Nga maita nu̱ ɗyine mbu̱ nga ɓa she nu ngga ɗa ɓa nyeedlan ndu̱ barke ɓu̱ Masiya.

1 Korintiyeku 1:10

Nga khutonu, nyeezaku, ku̱me Zhinerem gwaanji Yesu Masiya, tu̱ ɓalar ɓaanu kha da. Ku̱ ɗyinonu kha shakhtan ɓa, tun gonta ɗyinonu ye maa da, tu̱ ɗyi nun ku̱rki ndu̱ kwaari ɓaanu kha da.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

Galatiyeku 1:7

Ai, Labar mbarkandi nggur a nje zum ɓa. Shwat nduki a nje nu̱ke a rokhdla nu nu̱ mbu̱ yen, a shim nggoɗ nda zhire ɓu̱ Labar mbarkandi ɓu̱ Masiya nu̱gha.

Afiseku 1:13

Tun wa kha ma nduki ɓu̱ Magham tu̱k nu̱ ku̱nshe Masiya, sarchi nun tu̱kki ɓalar zhire, nang ke Labar mbarkandi nu̱ ɗa ɓa ki ndu̱ ɗanar ye nu. Ye sarchi nun maitaki Masiya, Magham wa sa yitu̱m ɓaran nu̱ ɗyine nu nu̱ shiki alqawar vu̱rti Jiimbi shakhshakhndi ɓaran ye nu.

Afiseku 1:15

Ba ye sarchi nang tu̱kki maito ɓaanu mbe Zhinerem gwaanji Yesu, ndu̱ ndolar nu̱ke tun a san ye nduki ɓu̱ Magham kap,

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Filipiyeku 1:5

ku̱me tun wa gonta ɗyinonu ndu̱ nga mbu̱ tlu̱nar wopar Labar mbarkandi nang, ji ye fu̱ɗar nu̱ gumapaali ma ɓar meeni.

Filipiyeku 2:12

Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.

Filipiyeku 2:24

Yang nga maita Zhinkir gwaanji shwat nu̱ ɗyine nga ndu̱ vara ngga ɗa ɓa ɓu̱ shoɓ ɓa.

Filipiyeku 3:18

Jiwa nduki a nje nang shiki ɓalar ye nu ɗyine wor sar khang. Yang nga maataran ye nu tu̱k leendang ndu̱ ɗyim ghoori, nu̱ ɗyine khar viti ɓaanda wa sa wor tu̱ kha ma nu̱ zhangndi mu̱ti ɓu̱ Masiya ɗyin qu̱far kaatlang.

Filipiyeku 3:20

Yang chem qusa kwaaɗar mbu̱ viɗi. Chem a bu ɓar ɓu̱ Nu̱ ɗana rem fara mbu̱ viɗi, chin Zhinerem gwaanji Yesu Masiya.

Filipiyeku 4:1

Ku̱me nang, tun nyeezaku nang saki nu̱ ve memu̱nara aakochi, tang ki kasha na nga nu maɗyi, tun nun ka mu̱nki memu̱nara, tun nang ka shiki wakhti ndu̱ tunu. Nga khutonu tun ching gha shaanggu̱ɗang mbe Zhinkir gwaanji, tun nu̱ke nga ndolaran.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 1:4

Jiwa chem wa tu̱k labar maitar Masiya Yesu nun shiki, ndu̱ pooni ndolar nu̱ke tun a wutan ye nduki ɓu̱ Magham kap.

1 Tasalonikeku 3:6

Yang wonji Timoti a gaɓ nu̱ she rem ndu̱ labar mu̱nkandi ɗyine maito ɓaanu ndu̱ ndolar ɓaanu. Wa ze rem tu̱k za tun a kwaari mbarkandi ɗyine rem tu̱k aakochi, tun a kasha ku̱ na nu rem ba wa nu̱ke chem a kasha ku̱ na mi nu tu̱k.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

1 Timoti 1:19

to khuɓ maito ɓaaro ndu̱ konyi mbarkandi. Ɓeeni nduki wa nggu̱ɗ ku mbe maito ɓaanda ku̱me wa zhang ɗyi nu̱ konyi ɓaanda zu̱ki ye wora.

2 Timoti 4:7

Nga shi wute mbarkandi, nga woɗa ra wute, nga khuɓ du̱ngdi maito nu̱ vu̱rki du̱ngdan ya nu̱gha mbari.

Titus 2:10

yang ku̱ muura tun ɓar kha wor ɓa. Me ɓu̱ nang ku̱ kha ma nduki mbarkandi nu̱ shir zhire, ma ku̱ shogar ɓu̱ Magham Nu̱ Ɗanar rem gwa zhaaji mbe aa nyi tunu.

Filimon 1:5

Jiwa nga ka tu̱k labar maito ɓaaro mbu̱ Zhinerem gwaanji Yesu ndu̱ ndolar nu̱ke ta wutan ye nduki ɓu̱ Magham kap.

Yaqub 3:18

Pooni nu̱ke nu̱ somtarku ka kaɓki mbu̱ qaandi memu̱na wa ka ɓa ndu̱ khar viti mbarkandi.

2 Bitu̱rus 3:11

Yang nu̱ke ka ɓa su̱ya ɗyiku nang nu̱gha kap wanang, shipa ku̱ khar ɓaanu kha kikimndana? Shi ma khar viti shakhshakhndi, tun vu̱r vaanu ye sawar Magham mbe aa nu̱m.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.