Filipiyeku 1:20 - Mewar Alqawarang

²⁰ Nga kashari, nga sa memu̱nara nu̱ ɗyine ku̱ ɗa ɓa nga ndu̱ ɗye kawa mbe tlu̱nar ɓu̱ Zhinerem gwaanji ɓa, yang gwa nga du̱mbu̱r tang shi ɓalar ɓang sawa su̱ ɓa. Ku̱me leendang ba wa nu̱ sotndi ku̱ Masiya gwa zhaaji sha, aa nga nje ndu̱ nyifiri aa nga mu̱ɗi.

Filipiyeku 1:20 ပူးပေါင်းရင်းမြစ်များ

Yokhana 21:19

(Yesu zu̱ wanang ma wut pooni mu̱ti nu̱ke Biturus ka ɓa shiki ma ku̱ vu̱r zhaaji ye Magham). Gaanje ɓalar nang tu̱ Yesu ze Biturus za, “A mburi nga.”

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Tlu̱nar ɓu̱ Pudeku 21:13

Tu̱ Bulus tlogha za, “Nu̱m saki tun shi wanang? Nu̱m saki tun ki ghoori tun a su̱bu̱r memu̱nara? Ai, nga daasaran ma ku̱ gu̱ndi nga nu̱ gha ɗyenda ɓa, aa ka tlagha nga nu̱ gha Urshalima ku̱me dlu̱m Zhinerem gwaanji Yesu.”

Tlu̱nar ɓu̱ Pudeku 4:31

Nu̱ shiki barar kwang tu̱ maa nu̱ tabaki nu̱ njang yakhta. Tu̱ nyel wor ndu̱ Jiimbi shakhshakhndi, tu̱ ki zu̱ ɓalar ɓu̱ Magham ku waare sawa.

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

Romeku 6:13

Ku̱ njig nu tun vu̱r me bar ɓaanu ye sola tu̱ kha ma ɗye tlu̱nar malkandi ɓa. Yang vu̱r ma vaanu ye Magham tun kha wa nduki nu̱ lawaki wor ɓar mbu̱ khar mu̱ti ma gwa nyifiri. Vu̱r ma me bar ɓaanu ye Magham tun kha ma ɗye tlu̱nar dambu.

Romeku 6:19

Nga shikya pooni ɓalar ɓu̱ nduk ye nu, ku̱me tu̱ɓti ɓaanu nu̱ me ɓu̱ nduku. Ɗau fara tun wa su̱n ndu̱ vu̱rti me bar ɓaanu ma tlu̱na ɗye zhaaneku, ndu̱ mu̱nar nu̱ke a zu̱m guma ndu̱ shaatari aakochi. Yang leendang vu̱r ma me bar ɓaanu ye tlu̱nar dambu, tun kha wakaran.

Romeku 8:19

Sarchi a nje a ɓari nu̱ke Magham ka ɓa wutki qusonggi ɓaran ye dalangi. Yang ɗyiku nu̱ du̱ngki kap a ku̱rsa sarchi nang wa nu̱m gom.

Romeku 9:33

Ba wa nu̱ke a nje bu̱laran za, “Wonji nga sa ndogdi ɓang nu̱ Sikhiyona, ndogdi jiiri saari. Ndogdi nu̱ke ka saki nduki khang tu̱ njimi. Yang aaki maitaki nda ɓu̱ tu̱k kawa ɓa.”

1 Korintiyeku 15:31

Nga me mu̱ti aakochi nyeezaku. Tu̱kti ndu̱ tun nu̱ke nga shiran ku̱me Masiya Yesu Zhinerem gwaanji saki tang zu̱ wanang.

1 Korintiyeku 6:20

Magham masa nu masa, tu̱ ɓi. Ku̱me nang vu̱r ma zhaaji ye Magham ndu̱ man vaanu.

1 Korintiyeku 7:34

Memu̱naran shakhtan ɗo. Yang nokhzi nu̱ke nu̱ shi ɓu̱r ɓa, ndu̱ wonkhar nu̱ke nu̱ shi zum ɓa wa ka damta ndu̱ ɗyi ɓu̱ Zhinerem gwaanji maɗyi ma ku̱ kha nji shakhshakh varan ndu̱ jiimban. Nokhzi nu̱ shiki ɓu̱rti wa ka damta ndu̱ ɗyiku nu̱ larji, ma ku̱ zhimen tu̱k mu̱ndi ɓaran.

2 Korintiyeku 10:8

Ai nu̱ kha ma ɗye kawa mbu̱ ngaa tu̱kti ndu̱ ɗyina ku̱me zalale nu̱ Zhinkir gwaanji vu̱rki yerem ma ku̱ du̱n mi, yang ku̱ gu̱ɗa mi nun gha ɓa.

2 Korintiyeku 3:12

Pooni sar memu̱nar nang saki chem a sawa aa nu̱m ɓa.

2 Korintiyeku 4:10

Chem a me mu̱ti aakochi ba wa nu̱ shiki ye Yesu, ma ku̱ wut khar viti ɓu̱ Yesu nu̱ mbu̱ man vaarem nu̱ka mu̱tki nang.

2 Korintiyeku 5:15

Yang nu̱ke mu̱t ku̱me nduki kap, ma ku̱ nduki nu̱ke a nje nu̱ nyifi, shi khar ɓaanda me ɗyin wor gana fan ɓa, yang ku̱ shikya khar ɓu̱ njif nu̱ mu̱tki ku̱me wora. Tu̱ ji ndu̱ chin ɓar mbe mu̱ti ku̱me wor tu̱k.

2 Korintiyeku 7:14

Nga ze nda nga za nga makhta nu maɗyi, ku̱me nun wut kawa ya ɓa. Ba wa nu̱ke ɗyi nang zu̱ki ye nu kap ɗya zhire, wanang tu̱k, makhtar nu nu̱ke chem a shiran ɗya zhire she Titus.

2 Korintiyeku 7:4

Nga maita nu maɗyi, nga zu̱ndo nu, nu̱ memu̱nara kha rap rap ndu̱ tun ɓa. Kap ndu̱ bonye nu̱ke nga zaran nang, nga kashar maɗyi.

Filipiyeku 1:14

Khiiri nga gha nu̱ shiki zhaaru̱m nang wa sa tu̱ nyeezerem mbe Zhinerem gwaanji shaata gwa du̱mbu̱r wopa ɓalar ɓu̱ Magham sawa su̱ ɓa.

Filipiyeku 2:17

Vu̱rti zhire ɓaanu ndu̱ tlu̱nar nun shiki mbe Zhinerem gwaanji a khar wa dlar sadka yenda, yang aa tom ɓang mbu̱ɗki ku̱me sadke nang, ngga tu̱k mu̱ndan, tang kasha ndu̱ tun kap tu̱k.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

1 Biturus 4:16

Mbu̱ yang nduk wa za bonye ku̱me Ku̱rista, ku̱ tu̱k kawaran ɓa, ku̱ gor dlu̱m Magham ku̱me wa da nda nu̱ mbu̱ nu̱ mbu Masiya.

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.