Filipiyeku 1:10 - Mewar Alqawarang

¹⁰ Gwar wanang ka shaata nu tun ɗu̱ma dat ɗyi nu̱ dukki mbaari, ku̱me ku̱ Fu̱ɗar ɓar ɓu̱ Masiya gwa nu wakaran, waare zop.

Filipiyeku 1:10 ပူးပေါင်းရင်းမြစ်များ

Matta 16:23

Tu̱ Yesu mbu̱m tu̱ ze nda za, “Ɗu̱ ɓar ya fan, Sheɗan! Ta khar ndogdi ji sar sha, ku̱me ta shikya kwaari ɓu̱ nduku, no shi kwaari ɓu̱ Magham ɓa.”

Matta 26:33

Tu̱ Biturus ze nda za, “Aa wa ɗa vaanda ku kap ku̱me ɗyi nu̱ke a ma ɗaatli ndu̱ to, aa da ngam ɓu̱ ɗa vara ɓa.”

Yokhana 1:47

Nu̱ Yesu naki Nataniyel a ɓar she nda tu̱ zu̱ za, “Na ma khuzi Israile zhirekandi nu̱ke song zhire nje mbe nda ɓa.”

Yokhana 3:20

Kap njif nu̱ke a tlu̱na ɗyi malkandi wa ka zhang yarangang gha, yang ɓu̱ ɗa ɓa she yarangang zu̱m ɓa ku̱me a sawa ku̱ ɗye shir ɓaran a vi ye dalang ɓa.

Tlu̱nar ɓu̱ Pudeku 24:16

Nang ke ɗyi nu̱ saki aakochi nga wute mbu̱ memu̱nara ku̱ kha nga mba rap rap ɓa yang damtar nggur nje chele ɓang ndu̱ Magham ndu̱ nduk ɓa.

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Romeku 12:9

Bu ku̱ ndolar zhirekandi kha chele ɓaanu. Tun zhang ɗyi malkandi gha, tun khuɓ ɗyi mbarkandi maɗyi.

Romeku 16:17

Nyeezaku, nga khutonu tun shi khankal ndu̱ nduki nu̱ka ɓa ki ndu̱ shakhti ɗyin chele ɓaanu tu̱ sa ɗye ji saari nu̱ gumenu, nu̱ke a kare ndu̱ shogar nun dlu̱ki. Kha ma ɓakh ndu̱ wora!

Romeku 2:18

ta zu̱ran no za ta zu̱n shimndi ɓu̱ Magham, ta da mbu̱ ɗyi nu̱ Bibitang zu̱ki ɗyine daati ɗyi toropndi.

Romeku 7:16

Yang nu̱ke nga shikya ɗyi nang zhangkyang, nang wa wut nga tlogha nu̱ ɗyine Bibitang mbari.

Romeku 7:22

Nga kasha bibiti ɓu̱ Magham mbu̱ memu̱nara;

Romeku 8:7

Aaki damtaki ndu̱ ɗyiku ɓu̱ manva ɗya nu̱ zhangndi ɓu̱ Magham, ku̱me ɓu̱ mbu bibiti ɓu̱ Magham ɓa, yang ɓu̱ ɗu̱ma shiran zum ɓa.

1 Korintiyeku 1:8

Ka sa tun kha ndu̱ du̱mbu̱r tu̱k ma yir ye lauɗar san, ma ku̱ kha nu waare zop ye fu̱ɗar nu̱ke Zhinerem gwaanji Yesu Masiya kaɗa gaɓki.

1 Korintiyeku 10:32

Ku̱ sa nu Yakhudeku, aa nduki nu̱ke ɗya Yakhudeku ɓa ndu̱ tabar ɓu̱ nu̱ mbu Yesu ku tu̱ shi sola ɓa.

1 Korintiyeku 8:13

Ku̱me nang mbu̱ ɗyi nu̱ke nga zu̱mndan ka sa mu̱dla tu̱ shi zop, ngam ɓu̱ nji dlu̱ sar da ɓa ma ku̱ sa nga mu̱dla tu̱ shi zop ɓa.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 6:3

Nyem shim ku̱ nduk gwa rem ndu̱ zop mbu̱ tlu̱nar ɓaarem ɓa, nang ke ɗyi nu̱ saki nyem kha ma ɗye ji sar ye aaki ɓa.

2 Korintiyeku 8:8

Nga shikya ranna nu ku̱ shi nu ɓa, nga shim ku̱ buu nga kya komkomi ɓaanu ndu̱ ɓu̱ ɓeena nduki, ku̱me nang ka wutki pooni ndolar nu̱ke tun a shiran.

Galatiyeku 5:11

Nyeezaku, mbu̱ nga shikya waazu dlarsi ma ɓar meeni, nu̱m saki tu̱ nduki ki vu̱r bonye ya? Mbu̱ nga jiikya su̱ ku̱ aaki dla san nu̱gha, tu̱ga ɓalar mu̱ti ɓu̱ Masiya ɗyin qu̱far kaatli nu̱ke nga shiran nang ɓu̱ kha ma ɗye damta ɓa.

Afiseku 4:15

Me ɓu̱ nang, ki mi zu̱ zhire ye yen mbe ndola, chem gor mbe aa nyi tunu, tu̱ ɗye shir ɓaarem kha wa ɓu̱ Masiya nu̱ke a khar wa chin ke ɗyin.

Afiseku 5:10

gang ma kya ɗyi nu̱ke Zhinkir gwaanji ka tu̱kki mu̱ndan.

Afiseku 5:27

Shi wanangang ku̱me sarchi nu̱ke chin ka ɓa daki tabar ɓu̱ nu̱ mburi nda kwang ye varan, ku̱ kha ndu̱ zhaaji maɗyi waare ru̱gna ndu̱ ɗyi nu̱ke mbar ma na ɓa, ku̱ kha shakhshakh waare beeko.

Afiseku 6:24

Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.

Filipiyeku 1:16

Ɓu̱ nduki nu̱ke a shiran ku ndu̱ memu̱na wor dandang, a shiran ku̱ mbe ndola, ku̱me wa zu̱n ku za khiiri nga gha zhaaru̱mang ku̱me nga kangga Labar Mbarkandang.

Filipiyeku 1:6

Nga maita nu̱ ɗyine chin nu̱ nggaki su̱ tlu̱nar mbarkandi chele ɓaanu nang, ka zu̱m guma ndu̱ shiran ma yir ve lauɗar san ye Fu̱ɗar nu̱ke Masiya Yesu ka ɗa gaɓki.

Filipiyeku 2:16

Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

1 Tasalonikeku 3:13

Bu ku̱ Magham vu̱r shokhku̱rokh memu̱nar ye nu tun kha waare zop, shakhshakh gume nda nu̱ke chin ke Zhinerem, ye fu̱ɗar nu̱ke Zhinerem gwaanji Yesu ka ɗa gaɓki su̱yen ndu̱ nduki ɓaran shakhshakhndi ku.

1 Tasalonikeku 5:21

Buu ma aa nu̱m dong, tun khuɓ ɗyi nu̱ke mbari.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

Ɗyin mbu̱ tukari 2:2

Nga zu̱n ɗye shir ɓaaro, ndu̱ khang tlu̱nar ɓaaro ndu̱ kaɗanyi mbe maito nu̱ke ta shiran mbu̱ bonyeku. Nga zu̱n no ka dlu̱ yen ndu̱ nu̱ mu̱narku ɓa. Ta buu nduki nu̱ ka qaki var wor za wor pudeku nggwa, yang wanang ku ɓa, ta gwa ɗya nu̱ wollo ku.