Filipiyeku 1:1 - Mewar Alqawarang

¹ Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

Filipiyeku 1:1 ပူးပေါင်းရင်းမြစ်များ

Markus 13:34

Ɗyen wa shipa khuski nu̱ njigki rafti ɓaran tu̱ ɗu̱ mbu̱ ghai nggur ɓakh, tu̱ yang njig zalale aa nu̱m kap nu̱ mbu̱ khar maaviku ɓaran. Tu̱ vu̱r tlu̱nar ɓu̱ aaki yenda, tu̱ ze nu̱ bu me raftang za ku̱ nggu̱t raftang yenda nu̱ gha mbari.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Tlu̱nar ɓu̱ Pudeku 1:20

Tu̱ Biturus zu̱m guma ndu̱ ɓalarang za, “Jiwa a nje bu̱laran mbu̱ lagarkati Zabura za, ‘Ku̱ rafti ɓaran kha karangan, ku̱ aaki khan mban ɓa.’ “Wa gaɓ tu̱ zu̱ tu̱k za, ‘Ku̱ njif nggur dlu̱ me tlu̱nar ɓaranang.’

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 1:7

Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

1 Korintiyeku 16:10

Mbu̱ Timoti a ɓa, tun dlu̱ri nda ndu̱ khaanu rap, ku̱me ɗya nu̱ tlu̱nar ɓu̱ Zhinerem gwaanji ba wa nu̱ke nga shiran.

2 Korintiyeku 1:1

Lagarkati nang, a vi she Bulus pude ɓu̱ Masiya Yesu mbu̱ barke ɓu̱ Magham, ndu̱ mu̱dlerem Timoti. Ma yir she tabar ɓu̱ nu̱ mbu Magham nu̱ke a Koranti, kom ndu̱ daatiku ɓu̱ Magham nu̱ke a mbu̱ maa Akaya kap.

Galatiyeku 1:10

Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Afiseku 1:1

Nga Bulus pude ɓu̱ Masiya Yesu mbe shimndi ɓu̱ Magham kya bu̱la lagarkati nang, ma yir she nduki ɓu̱ Magham nu̱ke a mbu̱ ghai Afisa, nu̱ shir zhire ku mbe mbu Masiya Yesu.

Afiseku 1:15

Ba ye sarchi nang tu̱kki maito ɓaanu mbe Zhinerem gwaanji Yesu, ndu̱ ndolar nu̱ke tun a san ye nduki ɓu̱ Magham kap,

Afiseku 6:24

Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.

Filipiyeku 2:19

Nga sa memu̱nara mbe Zhinerem gwaanji Yesu nu̱ ɗyine ngga ru̱k Timoti nu̱ she nu ɓu̱ shoɓ ɓa, ma ku̱ gwa nga du̱mbu̱r tu̱k nu̱ ku̱nshe tu̱kti labar ɓaanu.

Filipiyeku 2:5

Bu ku̱ kha nu ndu̱ pooni ɗye shir ɓu̱ Masiya Yesu.

Filipiyeku 3:12

Nang zu̱ nga za nga khu̱l ye maa nu̱ shipaki ku̱ khu̱l nga ɓa, yang nang kha nyeedlan zum ɓa, nga zhangkya vara ma ku̱ gwa nga tang shi loobo, ku̱me Masiya Yesu wa woɗa shiga nga nu̱ mbu̱ ɓaran.

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

1 Tasalonikeku 1:1

Lagarkati nang a vi she Bulus, ndu̱ Sila, ndu̱ Timoti. Ma yir she tabar ɓu̱ nu̱ mbu Yesu ku nu̱ke a Tasalonika, nu̱ maitaki Magham Zhinki ndu̱ Zhinerem gwaanji Yesu Masiya. Bu ku̱ mu̱nkir ndu̱ qaandi memu̱nar ɓu̱ Magham kha gha su̱yen ndu̱ tunu.

1 Tasalonikeku 2:2

Aa nu̱ke chem wa za bonye ndu̱ pu̱zi mbu̱ ghai Filipi, ba wa nun zu̱nki, Maghamndi ɓaarem wa pa du̱mbu̱r yerem ma ku̱ wopa mi Labar Mbarkandang ye nu, kap ndu̱ kare nu̱ke a shiran ku ndu̱ chem.

2 Tasalonikeku 1:1

Lagarkati nang a vi she Bulus ndu̱ Sila, ndu̱ Timoti, ma yir she tabar ɓu̱ nu̱ mbu Yesu ku nu̱ke a Tasalonika, wor nu̱ke ɗya ɓu̱ Magham Zhinkir ɓaarem ndu̱ Zhinerem gwaanji Yesu Masiya.

2 Tasalonikeku 1:10

Ɗyiku nang kap ka ɗal ye sarchi gaɓti ɓaran, nduki shakhshakhndi ka na zhaaji ɓaran, yang nu̱ mbu Yesu ku kap ka shi lazham ku ye fu̱ɗaran su̱yen ndu̱ tunu, nu̱ke tun wa maita saidu nyem shiki.

1 Timoti 1:2

ma yir she Timoti nu̱ khaki ma woi ɓang mbu̱ maito nang. Ku̱ mu̱nkir ndu̱ nar zhiyayi ndu̱ qaandi memu̱nar nu̱ka viki she Magham Zhinki ndu̱ Masiya Yesu Zhinerem gwaanji kha gha su̱yen ndu̱ to.

1 Timoti 3:8

Wanang tu̱k, wa ku̱s ku̱ nu̱ shaatar ɓu̱ dle gume ɓu̱ Tabar ɓu̱ nu̱ mbu Yesu kha ma nduki nu̱ke nduki a na zhaaji ɓaanda. Ku̱ kha ma nu̱ zhire, ku̱ kha ma nu̱ khang zar ɗyema ɓa yang nu̱ka shi batal ma gwa nji mu̱zhin ɓa.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

Filimon 1:1

Lagarkati nang a vi she rem, nga Bulus nu̱ke a nje khiiran zhaaru̱m ku̱me tlu̱nar ɓu̱ Masiya Yesu ndu̱ mu̱dlerem Timoti. Ma yir she Rapterem Filimon nu̱ke chem a shim nda maɗyi, yang ɗya mu̱dlerem mbu̱ tlu̱nar nu̱ke chem a shiran.

Yibraniyeku 13:23

Nga shim ku̱ zu̱n nu nu̱ ɗyine wa ngga mu̱dlerem Timoti gha zhaaru̱m. Mbu̱ a ɓa ɗau, chem ka ɗa ɓa su̱yen ma na nga nu.

Yaqub 1:1

Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

1 Biturus 2:25

Jiwa tun wa ndu̱ɓangku nu̱ke a ma saghari, yang leendang tun a gaɓ nu̱ she Nu̱ khutloronu, chin nu̱ka Khutloki nyifi ɓaanu.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.

Ɗyin mbu̱ tukari 1:20

“Wonji ɗyi tukakandi nu̱ mbu̱ anjinjeku mutndi no naki mbu̱ khara nu̱ zu̱mang, kom ndu̱ mbu tokhol ɓai ku nu̱ ginarwe wor mutndang. Wor anjinje mutndi nang, ɗya nu̱ ru̱ktiku ɓu̱ tabarku ɓu̱ nu̱ mbu Yesu ku mutndang, yang tu̱k tokhol ɓai ku nu̱ ginarwe wor mutndi nang, ɗya tabar ɓu̱ nu̱ mbu Yesu ku wor mutndang.”

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.

Ɗyin mbu̱ tukari 2:12

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Pagamum no za, Wonji ɓalarku nu̱ ɗa viki she njif nu̱ khubki kaskar nu̱ men rapndi nyamnyamndang.

Ɗyin mbu̱ tukari 2:8

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Su̱mirna no za, Wonji ɓalarku nu̱ ɗa viki she njif nu̱ke chin ke nu̱ gumapaali ndu̱ chin kya gana, chin mu̱tki tu̱ gaɓ tu̱ kha ndu̱ nyifiri.

Ɗyin mbu̱ tukari 22:9

Tu̱ yang zu̱ ya za, “Shi na ɓa! Nga mu̱dlonu maava, to ndu̱ nyeezor annabiku, ndu̱ kap nduki nu̱ke a mbu ɓalar nu̱ mbu̱ lagarkati nang. Ghor ghai ye Magham!”