Filimon 1:17 - Mewar Alqawarang

¹⁷ Mbu̱ chem a khar khachinki ndu̱ to mbu̱ tlu̱nar nang, to dlu̱r nda wa nu̱ke to ka dlu̱ki nga.

Filimon 1:17 ပူးပေါင်းရင်းမြစ်များ

Matta 10:40

“Njif nu̱ dlu̱ki nu, dlu̱kya nga, yang njif nu̱ dlu̱ki nga dlu̱kya njif nu̱ ɗa ru̱kki nga.

Matta 18:5

“Aaki dlu̱ki woi koɗomma wa nang ku̱me nga, dlu̱kyang nga.

Matta 25:40

“Yang kujirang ka tlogha ye wor za, ‘Zhire nga zu̱ran ye nu, ma nu̱ke tun wa shi ye nyeezaku katakandi nang, ai, tun shi ya.’

Tlu̱nar ɓu̱ Pudeku 16:15

Nu̱ shiki baptisme yenda ndu̱ nduki nu̱ mbu̱ rafti ɓaran, tu̱ khuɗ wor za, “Mbu̱ tun wa maita nu̱ ɗyine nga maita Zhinkir gwaanji, a ɓa ma tun zhur nu̱ kaa ɓanga.” Tu̱ padla remi chem tlogha yenda.

2 Korintiyeku 8:23

Mbu̱ tun wa kori, Titus ɗya njif nyem ka shiki tlu̱nar su̱yen, yang chem a tlu̱narang ku̱me tunu. Ɓeeni nyeezerem nu̱ke a su̱yen ndu̱ chin ɗya tabar ɓu̱ nu̱ mbu Yesu ku a ru̱kki wora, tlu̱nar nu̱ke a shiran kwang a vu̱r zhaaji ye Masiya.

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

1 Timoti 6:2

Ku̱ maaviku nu̱ke nu̱ rafti ɓaanda ɗya nu̱ mbu Yesu ku ndu̱m nu̱ rafti ɓaanda ku̱me wora mbu̱ shapir da mbe Yesu ɓa. Me ɓu̱ nang, shipa tu̱ga wor ka shiki tlu̱nar ye nu̱ rafti ɓaandang maɗyi, ku̱me nu̱ rafti ku ɓaanda nu̱ke a zu̱m boote tlu̱nar ɓaanda nang ɗya nu̱ mbu Yesu nu̱ke wor maavikwang a ndolaranang. Wa ku̱s ku̱ shoga na ɓar to pa du̱mbu̱r ye wor ɗyine ɗyiku nang.

Filimon 1:10

Nga khutoro me ɓu̱ woi ɓang Onisimus nang khaki wa zhinki she nda sarchi nu̱ke nga zhaaru̱m.

Filimon 1:12

Nga ru̱kti nda ma ku̱ ɗa ɓa shoro, chin nu̱ke memu̱nara a ɗyine nda.

Filimon 1:18

Mbu̱ Onisimus wa shi zop yoro, aa kudum ɓa kya ɗyine nda, to zham sha.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.