Filimon 1:16 - Mewar Alqawarang

¹⁶ Ta ma dlu̱r nda ma khar maava ɗyenda ɓa, wa duk wanang leendang, a khar khaterem nu̱ke chem a shimndan. Mbu̱ nga shim nda to ɗa, ai to ka shim nda dukti nang, ye khar ɓaran maavi ɓaaro ndu̱ njif nu̱ maitaki Zhinerem gwaanji!

Filimon 1:16 ပူးပေါင်းရင်းမြစ်များ

Matta 23:8

“Yang tunu, ku̱ nduk qa nu̱ Maalu̱m ɓa, ku̱me Maalu̱m ɓaanu ba kaada, kap ɓaanu tun nyeezi yen ku.

Tlu̱nar ɓu̱ Pudeku 9:17

Kom tu̱ Khananiya ɗu̱ tu̱ ɗa vi nu̱ mbu̱ raftang. Nu̱ du̱ngki kharan nu̱ ɗyine Shawulu, tu̱ zu̱ za, “Mu̱dla Shawulu Zhinerem gwaanji Yesu nu̱ wutki varan yoro yiti njiv nu̱ke ta ɓarang a ru̱kki nga. Ru̱ktang ma gwana nar maari tu̱k tu̱ nyeedlor ndu̱ Jiimbi shakhshakhndi.”

1 Korintiyeku 7:22

Mbu̱ nduk ɗya maava, tu̱ yang Zhinerem gwaanji qa nda, she Zhinkir gwaanji ɗyinan dliiran, yang tu̱k mbu̱ nduk ɗya maava ɓa, tu̱ yang Zhinerem gwaanji qa nda, wa kha ma maavi ɓu̱ Masiya.

Kolosiyeku 3:22

Tun maaviku, mbu ma zu̱r ɓu̱ zhinonu nu̱ rafa mbe aa nyi tunu. Ku̱ shi nu tlu̱nar nar yiti wa nduki nu̱ke a shim ku̱ nduki makhta wor ɓa, me ɓu̱ nang, tun shi tlu̱nar ɓaanu chele ɓaanu ndu̱ Magham, wa nu̱ke nu̱ sawar Magham ku ka shiki.

1 Timoti 6:2

Ku̱ maaviku nu̱ke nu̱ rafti ɓaanda ɗya nu̱ mbu Yesu ku ndu̱m nu̱ rafti ɓaanda ku̱me wora mbu̱ shapir da mbe Yesu ɓa. Me ɓu̱ nang, shipa tu̱ga wor ka shiki tlu̱nar ye nu̱ rafti ɓaandang maɗyi, ku̱me nu̱ rafti ku ɓaanda nu̱ke a zu̱m boote tlu̱nar ɓaanda nang ɗya nu̱ mbu Yesu nu̱ke wor maavikwang a ndolaranang. Wa ku̱s ku̱ shoga na ɓar to pa du̱mbu̱r ye wor ɗyine ɗyiku nang.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

1 Yokhana 5:1

Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.