Filimon 1:1 - Mewar Alqawarang

¹ Lagarkati nang a vi she rem, nga Bulus nu̱ke a nje khiiran zhaaru̱m ku̱me tlu̱nar ɓu̱ Masiya Yesu ndu̱ mu̱dlerem Timoti. Ma yir she Rapterem Filimon nu̱ke chem a shim nda maɗyi, yang ɗya mu̱dlerem mbu̱ tlu̱nar nu̱ke chem a shiran.

Filimon 1:1 ပူးပေါင်းရင်းမြစ်များ

Tlu̱nar ɓu̱ Pudeku 16:1

Tu̱ Bulus ɗu̱ Darbe ndu̱ Listu̱ra. Yang nu̱ mbu Yesu nggur a nje dlu̱man za Timoti, man ɗya nu̱ mbu Yesu tu̱k yang me ghai ɓaran ɗya Yakhuda, zhin ɗya me ghai Gu̱rik.

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

2 Korintiyeku 1:1

Lagarkati nang, a vi she Bulus pude ɓu̱ Masiya Yesu mbu̱ barke ɓu̱ Magham, ndu̱ mu̱dlerem Timoti. Ma yir she tabar ɓu̱ nu̱ mbu Magham nu̱ke a Koranti, kom ndu̱ daatiku ɓu̱ Magham nu̱ke a mbu̱ maa Akaya kap.

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

Afiseku 3:1

Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 6:20

Tlu̱nar nang wa sa tang kha ma yiti Magham, yang kap ndu̱ nang nga nje gu̱ndan! Shi ma barar ya ku̱me sarchi nu̱ke nga waazu tang shi sawa su̱ ɓa ba wa nu̱ shipaki shi nga.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

Filipiyeku 2:25

Nga na wa shipa a ru̱k nga Apafaroditus. Ɗya khata ndu̱ mu̱dla mbu̱ tlu̱nar nu̱ke nga shiran, yang ɗya mu̱dla mbu̱ wute ɓang tu̱k, ɗya ye ru̱kti ɓaanu nu̱ke tun a ru̱kki nda ma ku̱ shi tlu̱nar ya.

Filipiyeku 4:3

Tun, nyeezaku mbu̱ tlu̱nar nang nu̱ shir zhire, nga khutonu ku̱ shaata nu nusuku nang, ku̱me wa shi tlu̱nar ku maɗyi su̱yen ndu̱ nga mbu̱ tlu̱nar wopar Labar Mbarkandang. Wor ndu̱ Ku̱lemen ndu̱ ɓeeni nduki nu̱ke a tlu̱nar su̱yen ndu̱ nga, wor nu̱ke dlu̱m wor a nje bu̱laran mbu̱ Lagarkati Nyifiri.

Kolosiyeku 1:1

Lagarkati nang a vi she Bulus, pude ɓu̱ Masiya Yesu mbe shimndi ɓu̱ Magham, su̱yen ndu̱ Timoti, mu̱dlerem.

Kolosiyeku 4:11

Joshuwa nu̱ka qaki nda za Justus, a qaandi ye nu tu̱k. Nduki kunungndi nang ke Yakhudeku chele nduki nu̱ke a tlu̱nar ku̱me kwaaɗar ɓu̱ Magham su̱yen ndu̱ nga. Yang wa shaata nga ku maɗyi.

1 Tasalonikeku 3:2

Chem wa ru̱k Timoti khaterem, nu̱ke a tlu̱nar ndu̱ chem mbu̱ tlu̱nar ɓu̱ Magham nu̱ wopar Labar mbarkandi ɓu̱ Masiya. Ma ku̱ pa du̱mbu̱r ye nu, tu̱ vu̱r shokhku̱rokh me bu̱n ye nu mbe maito ɓaanu,

2 Tasalonikeku 1:1

Lagarkati nang a vi she Bulus ndu̱ Sila, ndu̱ Timoti, ma yir she tabar ɓu̱ nu̱ mbu Yesu ku nu̱ke a Tasalonika, wor nu̱ke ɗya ɓu̱ Magham Zhinkir ɓaarem ndu̱ Zhinerem gwaanji Yesu Masiya.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

Filimon 1:23

Apafaras nu̱ke a zhaaru̱m su̱yen ndu̱ nga ku̱me Masiya Yesu a zoɓa qaandi ye nu.

Filimon 1:24

Markus, ndu̱ Aristakus, ndu̱ Dimas, ndu̱ Luka, wor nu̱ke ɗya mu̱dla ku mbu̱ tlu̱narang a zoɓa qaandi ye nu tu̱k.

Filimon 1:9

Yang ku̱me ndola, nga khutoro, nga Bulus, nu̱ke nga geema yang leendang nga khiiran zhaaru̱m ku̱me Masiya Yesu.