Ɗyin mbu̱ tukari 8:3 - Mewar Alqawarang

³ Tu̱ nu̱ ru̱kti ɓu̱ Magham nggur a ɓa tu̱ ching gha gume du̱ku̱lang ndu̱ du̱ɓ ginarwe nu̱ka vaki ɗye zhi mu̱nkandang si. Tu̱ vu̱r ɗye zhi mu̱nkandi yenda khang ndu̱ bararku ɓu̱ nduki ɓu̱ Magham kap, ma ku̱ vu̱r ɗyiku nang ye Magham ɗyine du̱ku̱l ginarwe nu̱ke a gume zhakhɗyang.

Ɗyin mbu̱ tukari 8:3 ပူးပေါင်းရင်းမြစ်များ

Luka 1:10

Sarchi nu̱ Zakariya viki nu̱ mbu̱ Rafti ɓu̱ Magham ma va ɗye zhi mu̱nkandang, tabar nduki a nje dam a bararku.

Romeku 8:34

Ki khu̱lki ma ku̱ kuma mu̱ti ye wora? Masiya Yesu nu̱ mu̱tki, dukti nang, tu̱ ji mbe mu̱ti, yang a nje kharan ɗyin bu̱n zu̱ma ɓu̱ Magham, chin kya khuɗ Magham yerem.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

Yibraniyeku 9:4

Ye maa nang du̱ku̱l a nje nu̱ ginarwa nu̱ka vaki ɗye zhi mu̱nkandi ɗyinan, ndu̱ Akwachi alqawarang. Mbu̱ Akwachi Alqawarang du̱ɓ nu̱ shiki ndu̱ ginarwe a nje ndu̱ manne mban, ndu̱ saaɓir ɓu̱ Kharuna nu̱ zhaki dlu̱mndi, ndu̱ ɗye bu̱larku wor rap nu̱ ndogdi nu̱ bu̱laki alqawarang nu̱ ɗyinan.

Ɗyin mbu̱ tukari 10:1

Kom tang na nu̱ ru̱kti ɓu̱ Magham nggur gwaanji du̱mbu̱rkandi a zhurti viɗi. Yang lu̱paran ndu̱ ku̱zapti, ndu̱ kobyong mu̱na ɗyinan, mbu̱ yita nang wa fu̱ɗari, saaranang wa zaureku nu̱ke ɗya shaadli ɓai.

Ɗyin mbu̱ tukari 14:18

Kom tu̱ nu̱ ru̱kti nggur a vi tu̱k rong maa kaani, chin kya nggu̱t ɓai nu̱ke a ɗyin du̱ku̱lang, a vi she du̱ku̱lang. Tu̱ qa nu̱ ru̱kti nu̱ dlau naandang ndu̱ su̱qur du̱mbu̱rkandi, tu̱ ze nda za, “A zoɓo dlau ɓaaro to dla dlakhsau anapang ɓar mbu̱ dam anap nu̱ke a larjyang, ku̱me yenkwang wa zu̱ni.”

Ɗyin mbu̱ tukari 5:8

Nu̱ dlu̱ki, tu̱ nu̱ nyifi ku vatndi nang ndu̱ ndukkudaandiku ɗyirap qu̱m vatndang qan nu̱ gume Ye gamndang. Aa nyi da chele ɓaanda wa khuɓ sumbul ndu̱ du̱ɓ ginarwe nyeedlan ndu̱ ɗye zhi mu̱nkandi chin ke barar ɓu̱ nduki ɓu̱ Magham.

Ɗyin mbu̱ tukari 6:9

Nu̱ Ye gamndang qu̱nki liɓaran nu̱ qurmundanang, su̱ du̱ku̱lang tang na nyifi ɓu̱ nduki nu̱ tlaghaki wor nu̱gha ku̱me wa wopa ɓalar ɓu̱ Magham ku nu̱ saidu zhire nu̱ chingki nu̱ ɗyinan ku.

Ɗyin mbu̱ tukari 7:2

Tang na nu̱ ru̱kti ɓu̱ Magham nggur nu̱ ɗa viki ɗokhatla, khubtan ndu̱ yitu̱m ɓu̱ Magham nu̱ nyifi. Tu̱ qa nu̱ ru̱kti ku vatndi nu̱ Magham vu̱rki zalale ye wor ku̱ su̱bu̱r larji ndu̱ ɗyim chitndi nu̱gha nang ndu̱ su̱qur du̱mbu̱rkandi.

Ɗyin mbu̱ tukari 8:4

Tu̱ qu̱ndi var ɗye zhi mu̱nkandang ji mbu̱ khar nu̱ ru̱kti ɓu̱ Maghamang su̱yen ndu̱ bararku ɓu̱ nduki ɓu̱ Maghamang tu̱ ɗu̱ gume Magham.

Ɗyin mbu̱ tukari 8:5

Tu̱ nu̱ ru̱kti ɓu̱ Maghamang da du̱ɓ var ɗye zhi mu̱nkandang, tu̱ nyel nu̱gha ndu̱ ɓai nu̱ke a ɗyin du̱ku̱lang, tu̱ ɗa mbuk nu̱ ɗyine larji. Tu̱ shi pedlangndi, ndu̱ qura ghu̱mndi maari, ndu̱ wuti maari, ndu̱ yakhtar maa vu̱ghai.

Ɗyin mbu̱ tukari 9:13

Kom tu̱ nu̱ ru̱kti nu̱ njong pi domndi ɓaran. Tang tu̱k su̱qur ɓalar a viri ve domndiku nu̱ ve ngginggeetli vatndi ɓu̱ du̱ku̱l ginarwe nu̱ke a gume Maghamang.