Ɗyin mbu̱ tukari 7:4 - Mewar Alqawarang

⁴ Yang tang tu̱k khang ɓu̱ nduki nu̱ saki yitu̱m ye wor mbu̱ me ghaiku gwaanggu̱m rapndi ɓu̱ Israila, wor du̱pu won ndu̱ ɗyin vat qu̱m vat (144,000).

Ɗyin mbu̱ tukari 7:4 ပူးပေါင်းရင်းမြစ်များ

Matta 19:28

Tu̱ Yesu ze wor za, “Zhire nga zu̱ran ye nu, mbu̱ qaandi virkir nu̱ke a ɓari, sarchi nu̱ Yi ɓu̱ Nduk khaki nu̱ ɗyine zhakhɗye ɓaran nu̱ zhaaji. Tun nun mbuki nga tun ka khan ɗyine zhakhɗye gwaanggu̱m rap tun kuma me ghai gwaanggu̱m rapndi ɓu̱ Israila.

Luka 14:22

“Nu̱ maavyang a gaɓki tu̱ ze nu̱ rafti ɓaranang za, ‘Maasi, nga shi ba wa no zu̱ki ya, yang kap ndu̱ nang, ɓeena maarang nje nu̱ nyel ɓa.’

Luka 22:30

Ku̱me nang, tun ka zu̱m tun za su̱yen ndu̱ nga mbu̱ kwaaɗar ɓanga. Tun ka khan ɗyine zhakhɗyeku, tun a kuma me ghai gwaanggu̱m rapndi ɓu̱ Israila.”

Tlu̱nar ɓu̱ Pudeku 26:7

Nang ke alqawar nu̱ me ghaiku gwaanggu̱m rapndang saki memu̱na wor na nda nyedli ɓaran, tu̱ ku̱s tlu̱nar ɓu̱ Magham ku fu̱ɗar ndu̱ virkiri. Gunndi, sar memu̱nar nang shiki nu̱ ve nyedli alqawar nang saki tu̱ Yakhudeku ki na zop ɓanga!

Romeku 9:27

Ɗyine ɓalar ɓu̱ Israila yang, annabi Yishaya wa da su̱quran nu̱ viɗi tu̱ zu̱ za, “Aa nu̱ke khang ɓu̱ qusa Israila wa shipa khang ɓu̱ wuɗyiri nu̱ me gaawu gwaanji, ɓeenan nu̱ khaki ka gwaki ɗanari.

Yaqub 1:1

Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

Ɗyin mbu̱ tukari 14:1

Tang nggu̱ɗi gumera, tang na Ye gamndang chingndan ɗyine dleng Sikhiyona ndu̱ nduki du̱pu won ndu̱ ɗyin vat qu̱m vat (144,000), wor ke nduki nu̱ bu̱laki dlu̱m Ye gamndang ndu̱ ɓu̱ Zhin nu̱ me guma wora.

Ɗyin mbu̱ tukari 14:3

A qa taazi mewakandi ku gume zhakhɗyang, ndu̱ gume du̱ngdiku vatndi nu̱ nyifiri ku nang, ndu̱ gume ndukkudaandikwang. Nduk a nje nu̱ke ka ɗu̱maki shoga taazi nang ɓa, kope nduki du̱pu won ndu̱ ɗyin vat qu̱m vatndi nu̱ gwaki ɗanar mbu̱ larji nang ɗyenda.

Ɗyin mbu̱ tukari 7:5

Mbu̱ me sham ɓu̱ Yakhuda, wa sa yitu̱m ye nduki du̱pu gwanggu̱m rap (12,000), me sham ɓu̱ Roben, du̱pu gwanggu̱m rap (12,000), me sham ɓu̱ Gad, du̱pu gwanggu̱m rap (12,000).

Ɗyin mbu̱ tukari 9:16

Yang wonji sojeku khang ɗyine pu̱rsiku. Nga tu̱k khang ɓu̱ sojeku nang, wa khu̱l miliyon won rap.