Ɗyin mbu̱ tukari 7:3 - Mewar Alqawarang

³ Tu̱ nu̱ ru̱ktang zu̱ za, “Ku̱ su̱bu̱r nu larji nu̱gha ɓa, yang ɗyim chitndi ɓa, yang qu̱farku zum ɓa, kope chem wa sa yitu̱m nu̱ ve me guma pudeku ɓu̱ Maghamndi ɓaarem.”

Ɗyin mbu̱ tukari 7:3 ပူးပေါင်းရင်းမြစ်များ

Matta 24:22

Mbu̱ nu̱ kata qaandi virkirku nang nu̱gha ɓa, tu̱ga aa da nduka nje nu̱ke ka ɗanaki ɓa. Yang ku̱me nduki datkandikwang, ka kata qaandi virkirkwang nu̱gha.

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 3:33

Yang kap njif nu̱ dlu̱ki saidu ɓaran wa wuɗ nu̱ ɗyine Magham ɗya nu̱ zhire.

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

Ɗyin mbu̱ tukari 13:16

Tu̱ dlu gaari nu̱ rapndi nang sa ku̱ shi bakhti ye nduki kap aa ve khar wor nu̱ zu̱ma, aa me guma wora, woi ndu̱ gorki, nu̱ gu̱narku ndu̱ nu̱ nungndiku, maava ndu̱ ye rafa.

Ɗyin mbu̱ tukari 13:17

Shi wanang ma ku̱ aaki masa ɗyi nggur ɓa yang ku̱ masa ɓar ɓa kope lambe nang a nje ve nda, bakhtang chin ke, dlu̱m dlu gaarang kom ndu̱ lambe dlu̱man.

Ɗyin mbu̱ tukari 14:1

Tang nggu̱ɗi gumera, tang na Ye gamndang chingndan ɗyine dleng Sikhiyona ndu̱ nduki du̱pu won ndu̱ ɗyin vat qu̱m vat (144,000), wor ke nduki nu̱ bu̱laki dlu̱m Ye gamndang ndu̱ ɓu̱ Zhin nu̱ me guma wora.

Ɗyin mbu̱ tukari 14:9

Tu̱ yang nu̱ ru̱kti ɓu̱ Magham nu̱ kunungang, a mbu nu̱ rapndang. Nu̱ ru̱kti nang a ɓalar ndu̱ su̱qur du̱mbu̱rkandi a zu̱ran za, “Kap njif nu̱ gharki ghai ye dlu gaarang ndu̱ shipar ɓaran, tu̱ dlu̱ bakhti ɓaran ye me gumaran, aa dlu̱ ve kharan.

Ɗyin mbu̱ tukari 19:2

Jiwa kumar ɓaran ɗya zhire, ndu̱ shir zhire. Wa dla kumar nu̱ ɗyine man mu̱nggu̱l gwaanji nu̱ su̱bu̱rki larji nu̱ gha ndu̱ ɗye shir malkandi nu̱ zawar ɓaran. Magham wa dli gaɗe tom ɓu̱ maaviku ɓaran nu̱ ɗyine nda.”

Ɗyin mbu̱ tukari 20:4

Kom tang na zhakhɗye ku, ndu̱ nduki nu̱ vu̱rki zalale kumar ye wora kharan ɗyinang. Yang tang na nyifiku ɓu̱ nduki nu̱ ɗakhki ɗyin wor nu̱gha ku̱me wa saida Yesu, ndu̱ ɓalar ɓu̱ Magham. Wor ke nduki nu̱ke nu̱ ghar ghai ye dlu gaari nang ɓa, yang nu̱ shi ye shipar ɓaranang zum ɓa. Nu̱ dlu̱ bakhti ɓu̱ dlu gaari nang nu̱ ve me guma wor ɓa yang ve khar wor ɓa. Wor a gaɓki tu̱ kha ndu̱ nyifiri tu̱k, tu̱ shi kwaaɗar ku su̱yen ndu̱ Masiya me sonyi du̱pu.

Ɗyin mbu̱ tukari 22:4

Ka na mbu̱ yitan ku, yang dlu̱man a nje bu̱laran me guma wora.

Ɗyin mbu̱ tukari 6:6

Tang tu̱k qura ɗyi ngguri nu̱ shipaki su̱qura, a viri chele ɓu̱ nu̱ nyifiku vatndi nang, a zu̱ran ku za, “Alkame mbu̱ du̱ɓ zhiiri da mu̱zhindan ka ɓi tlu̱nar ɓu̱ nduk da nu̱ shiki tlu̱nar piti da. Du̱ɓ zhiiri kunung nu̱ takhsha mu̱zhindan ka ɓi tlu̱nar piti ɓu̱ nduk da, yang su̱bu̱r na morang ndu̱ ɗyim anapang nu̱gha ɓa!”

Ɗyin mbu̱ tukari 7:1

Qu̱rse nang, tang na nu̱ ru̱kti ku ɓu̱ Magham wor vat chingndan ve ngginggeetli vat nu̱ larji, a nggu̱tl khu̱kheeti vatndi nu̱ larji nang ku̱ pi nu̱ vu̱ghai, ndu̱ ɗyim chitndi, ndu̱ qu̱fa ɓa.

Ɗyin mbu̱ tukari 7:2

Tang na nu̱ ru̱kti ɓu̱ Magham nggur nu̱ ɗa viki ɗokhatla, khubtan ndu̱ yitu̱m ɓu̱ Magham nu̱ nyifi. Tu̱ qa nu̱ ru̱kti ku vatndi nu̱ Magham vu̱rki zalale ye wor ku̱ su̱bu̱r larji ndu̱ ɗyim chitndi nu̱gha nang ndu̱ su̱qur du̱mbu̱rkandi.

Ɗyin mbu̱ tukari 9:4

Tu̱ ze wor za ku̱ su̱bu̱r wuzu̱ndi ku ndu̱ qu̱farku ndu̱ ɓanar ɗyi nggur nu̱ larji ɓa, kope nduki nu̱ke yitu̱m ɓu̱ Magham a nje me guma wor ɓa.