Ɗyin mbu̱ tukari 2:9 - Mewar Alqawarang

⁹ Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.

Ɗyin mbu̱ tukari 2:9 ပူးပေါင်းရင်းမြစ်များ

Matta 4:10

Tu̱ Yesu ze nda za, “Ju ya ɓar fan Sheɗan! Ai a nje bu̱laran za, ‘Ghor ghai ye Zhinkir gwaanji Maghamndi ɓaaro, to mbu zu̱r ɓaran chin ɗyenda.’ ”

Luka 12:21

“Nang ke ɗyi nu̱ke ka gwaki aa nyi njif nu̱ tabaki gu̱nar ye varan yang gu̱naran she Magham ɓa.”

Luka 22:65

Tu̱ shi ɓalarku nu̱ ɗyine nda a pu̱zi nda ku.

Luka 4:18

“Jiimbi ɓu̱ Zhinkir gwaanji a nje ɗyina, ku̱me wa daati nga a ɓa nga ndu̱ labar mbarkandi ye nduki nu̱ke tun kha wor ɓa. Wa ru̱kti nga za wopa nga ɓalar kwatli ye nduki gu̱nkandi ku, a qu̱n nga yiti pugumku tu̱ na maari, a lawa nga nduki ɓar me khar nu̱ vu̱rti bonye ye wora.

Luka 6:20

Kom tu̱ Yesu dambu̱r nu̱ she nu̱ mburi nda kwa za, “Barkya ve nu tun nun ka naki katar ɓaanu mbe shir shimndi ɓu̱ Magham ku̱me kwaaɗar ɓu̱ Magham ɗya ɓaanu.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Tlu̱nar ɓu̱ Pudeku 26:11

Nga mbu̱ wor mbu̱ kib tabar ku nga kuma wora nga sa ku̱ pu̱z dlu̱m Yesu ku. Ku̱me nga shokhnar ndu̱ wor maɗyi, nga mbu wor mbu̱ ghaiku nu̱ke a mbu̱ dlar ghaiku nggur ma vu̱r bonye ye wora.

Romeku 12:12

Tun shi zhakhzhakh mbe sar memu̱nar nu̱ke tun a san, tun kha ndu̱ kanaɗyi mbe bonye, ki ma barar aakochi.

Romeku 2:17

Yang to no ka qaki va no za to Yakhude nduk ɗa? Ta dla va nu̱ ve Bibitang, ta wut me wakhti viɗ ɗyine poona khar nu̱ke a chele ɓa ndu̱ Magham,

Romeku 5:3

Yang nu̱ ching ye nang ɗyenda ɓa, chem a zhakhzhakh tu̱k mbu̱ bonye ɓaarem, nu̱ke chem wa zu̱n nu̱ ɗyine bonye wa ka sa gu̱ndi memu̱na.

Romeku 8:35

Woɗye ki ka shakki rem ndu̱ ndolar Masiya? Bonye mu, palasa mu, kakanshi mu, meeri mu, song mu, nggaɓang nggaɓang mu, yang mu̱ti mu?

Romeku 9:6

Yang nang nu̱ wut nu̱ ɗyine Magham wa ku̱na nyel alqawar ɓaran ye Israila ɓa. Ku̱me kap ndukiku Israila ke pooni ɓu̱ Israila ɓa.

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

2 Korintiyeku 8:2

Aa nu̱ke wa za bonyeku maɗyi ku̱me damtarku ndu̱ bonye nu̱ gwaki vaanda mban. Yang kap ndu̱ nang, tu̱ ɓong memu̱nar maɗyikandi sa wor tu̱ shi mu̱nkir ye nduki nu̱ ku̱nshe vu̱rti nu̱ shiki ku, aa nu̱ke nungndan ku.

2 Korintiyeku 8:9

Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.

1 Tasalonikeku 3:4

Jiwa sarchi nu̱ke chem a su̱yen ndu̱ tunu chem wa za zu̱ran ye nu, nyem za chem ka za bonye. Tu̱ yang ɗyen kha wanang, ba wa nun zu̱nki.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

1 Timoti 6:18

Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.

Ɗyin mbu̱ tukari 2:2

Nga zu̱n ɗye shir ɓaaro, ndu̱ khang tlu̱nar ɓaaro ndu̱ kaɗanyi mbe maito nu̱ke ta shiran mbu̱ bonyeku. Nga zu̱n no ka dlu̱ yen ndu̱ nu̱ mu̱narku ɓa. Ta buu nduki nu̱ ka qaki var wor za wor pudeku nggwa, yang wanang ku ɓa, ta gwa ɗya nu̱ wollo ku.

Ɗyin mbu̱ tukari 2:24

Yang ɓeeni nduki chele ɓaanu nu̱ke a Tiyatira nu̱ke nu̱ mbu shogar malkandi ɓaran nang ɓa. Yang nu̱ shoga ɗyiku nu̱ke a qaran za ashiriku kirkandi ɓu̱ Sheɗan ɓa (Nga zu̱ran ye nu, ngam ɓu̱ du̱ng taɗar ngguri nu̱ ɗyinonu ɓa.)

Ɗyin mbu̱ tukari 3:9

Wonji, ngga sa nduki nu̱ke a mbu̱ kib tabar ɓu̱ Sheɗan, nu̱ka qaki vaanda ku za wor Yakhudeku yang a shikya wollo ku ku̱me ɗyen wanang ɓa. Ngga sa wor tu̱ ɗa ɓa tu̱ nggu̱t nu̱ yaghai gume ro ma ku̱ zu̱n ku nu̱ ɗyine nga ndola ro.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.