Ɗyin mbu̱ tukari 2:3 - Mewar Alqawarang

³ Nga zu̱n ta kaɗanyi mbe gu̱ndi memu̱nar mbu̱ bonyeku ku̱me dlu̱ma, no nggum ɓa.

Ɗyin mbu̱ tukari 2:3 ပူးပေါင်းရင်းမြစ်များ

Markus 15:21

A mbu̱ yir ku tu̱ na khuski ngguri a peetari dlu̱man za Siman nduk Sariyan, zhin Alekhzanda ndu̱ Rufus a ji mbu̱ gure ngguri, tu̱ ranna nda tu̱ da qu̱far kaatlang.

Luka 14:27

Wanang tu̱k njif nu̱ke nu̱ da qu̱far kaatli ɗyinan (nang ke zar bonye) tu̱ mbuuri nga su̱ ɓa, ɓu̱ kha ma nu̱ mbuuri nga ɓa.

Luka 18:1

Tu̱ Yesu shi ku̱rti ɓalar nggur ye nu̱ mburindakwang ma ku̱ shoga ku za wa shipa ku̱ ki bararku aakochi yang ku̱ nggum ndu̱ shiran ku zum ɓa.

Luka 21:19

Mbu̱ tun wa gu̱n memu̱na nu nyifi ɓaanu ka ɗana.

Luka 5:5

Tu̱ Siman tlogha yenda za, “Chem wa za bonye mbu̱ virkir nang yang nyem gwa chem ku̱s aa nu̱m ɓa. Yang nu̱ke to zu̱kyang ngga zu̱ lemang.”

Luka 8:15

Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.

Yokhana 15:21

Ka shi ɗyikunang ye nu kap ku̱me dlu̱ma, ku̱me nu̱ zu̱n njif nu̱ ɗa ru̱kki nga ɓa.

Romeku 12:12

Tun shi zhakhzhakh mbe sar memu̱nar nu̱ke tun a san, tun kha ndu̱ kanaɗyi mbe bonye, ki ma barar aakochi.

Romeku 16:12

Shi ma qaandi ye Tu̱raifina ndu̱ Tu̱raifusa, nusuku nu̱ke a tlu̱nar maɗyikandi mbe Zhinerem gwaanji. Shi qaandi tu̱k ye Parsis, nokhzi nggur ndolakandi nu̱ shiki tlu̱nar maɗyi ku̱me Zhinerem gwaanji.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

Romeku 8:25

Yang mbu̱ chem wa sa memu̱narem nu̱ ɗyine ɗyi nu̱ke nyem gwa dong ɓa, ai, chem wa ka bu ndu̱ kaɗanyi.

1 Korintiyeku 13:7

Ndola wa ka bu ɗyin, wa ka shi maito aakochi, wa ka shi sar memu̱na, nu̱ka shi nggum ɓa.

1 Korintiyeku 16:16

Nga khutonu mbu ma zu̱r ɓu̱ nduki nang, tun vu̱r zhaaji tu̱k ye nduki nu̱ gontaki ɗyin wor ndu̱ wor mbu̱ tlu̱narang.

2 Korintiyeku 10:15

Nyem kuna vaarem nu̱ ɗyin tlu̱nar nu̱ nduki nggur shiki ɓa, yang chem a sa memu̱narem nu̱ ɗyine maito ɓaanu ka ki shaatari, tu̱ dalang tlu̱nar ɓaarem ki shaatar chele ɓaanu maɗyi.

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

2 Korintiyeku 4:1

Nu̱ke ɗaanar ɓu̱ Magham saki tu̱ vu̱r tlu̱nar nang yerem, me bu̱nerem ɓu̱ datl ɓa.

2 Korintiyeku 4:16

Nang ke ɗyi nu̱ saki nyem fet memu̱narem ɓar ɓa. Aa nu̱ke man vaarem nang a su̱bu̱rti, jiimberem a khar mewa aa nyi sarchi.

2 Korintiyeku 5:9

Dukti nang, chem ma shim ku̱ tu̱k mu̱ndi ɓaarem, aa chem a mbu̱ larji nang aa chem a mbu̱ viɗi.

2 Korintiyeku 6:5

Mbe dlabti ku, mbe khiiri nu̱ zhaaru̱m, ndu̱ dakhlar ku, mbe tlu̱narku gu̱rgu̱rndi ku, mbe song ɗyeniri ndu̱ meeri.

Galatiyeku 6:2

Da ma kuɗar ɓu̱ yen, shir wanangang ka sa tun nyel bibiti ɓu̱ Masiya.

Galatiyeku 6:9

Ku̱me nang ku̱ nggum mi ndu̱ shir ɗyi mbarkandi ɓa. Sarchi a nje a ɓari nu̱ke chem ka ɓa gwaki boote nu̱ke barke a si.

Filipiyeku 2:16

Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

Filipiyeku 4:3

Tun, nyeezaku mbu̱ tlu̱nar nang nu̱ shir zhire, nga khutonu ku̱ shaata nu nusuku nang, ku̱me wa shi tlu̱nar ku maɗyi su̱yen ndu̱ nga mbu̱ tlu̱nar wopar Labar Mbarkandang. Wor ndu̱ Ku̱lemen ndu̱ ɓeeni nduki nu̱ke a tlu̱nar su̱yen ndu̱ nga, wor nu̱ke dlu̱m wor a nje bu̱laran mbu̱ Lagarkati Nyifiri.

Kolosiyeku 1:11

Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.

1 Tasalonikeku 1:3

Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

1 Tasalonikeku 2:9

Nyeezaku, tun wa kor tlu̱nar ndu̱ bonye nyem zaki! Chem wa shi tlu̱nar virkir ndu̱ fu̱ɗari ma ku̱ taɗar ɓaarem khan ɗyine aaki sarchi nyem wopaki Labar mbarkandi na viki she Magham ye nu ɓa.

1 Tasalonikeku 5:12

Yang tu̱k nyeezaku, chem a khutonu tun vu̱r zhaaji ye nduki nu̱ke a bonye tlu̱nar chele ɓaanu, ndu̱ dlegumeku ɓaanu mbe Zhinerem gwaanji. Kom ndu̱ nduki nu̱ke a ɗu̱rtonu mbu̱ khar viti ɓaanu mbe njiv ɓu̱ Magham.

2 Tasalonikeku 3:13

Yang tun nyeezaku, ku̱ nggum nu ndu̱ shir ɗyi toropndi ɓa.

2 Tasalonikeku 3:5

Bu ku̱ Zhinerem gwaanji mbu ndu̱ tun mbe ndolar ɓu̱ Magham nang, tun ching gha shaanggu̱ɗang mbe du̱mbu̱r ɓu̱ Masiya.

2 Tasalonikeku 3:8

nyem zu̱m ɗyezu̱m she njif nggur bam ɓa. Chem shikya bonye, chem a tlu̱nar fu̱ɗar ndu̱ virkiri, ma ku̱ kha mi ma shipit ye aaki ɓa.

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

1 Timoti 5:17

Vu̱r ma gorkiri su̱yen nu̱ wuti kunari ye nduk kudaandiku nu̱ke a tlu̱nar mbu̱ tabar ɓu̱ nu̱ mbu Yesu ku mbari, nu̱ shi wa nduki nu̱ka wopaki ɓalar ndu̱ shogaran ɓar ɓa.

Yibraniyeku 10:36

Wa shipa tun gu̱n memu̱na nu, ku̱me shir wanang ka sa tun shi shimndi ɓu̱ Magham, qu̱rsan tun gwa ɗyi nu̱ shiki alqawaranang.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Yibraniyeku 13:13

Ku̱me nang vi mi ma yir she nda qu̱rsi ghayi, ndu̱ dar pooni wuti katar nu̱ daki.

Yibraniyeku 6:10

Magham ɗya nu̱ song shir zhire ɓa. Ɓu̱ mona tlu̱narku nun shiki nu̱ ndolar nun wutki yenda sarchi nu̱ke tun a shaata nu̱ mbu Yesu ku ɓa, ba wa nu̱ke tun a ɗyin shiran ma ɓar meeni.

Yibraniyeku 6:12

Nyem shim kha nu ma tu̱sku̱n ɓa, yang mbu ma ɗyin sari wor nu̱ke nu̱ ku̱nshe maito ndu̱ kanaɗyi tu̱ dlu̱ ɗye alqawar nu̱ Magham shiki ye wora.

Yibraniyeku 6:15

Qu̱rse Yibram wa gu̱n memu̱naran ndu̱ kaɗanyi maɗyi, wa dlu̱ ɗyi nu̱ shiki alqawaran yendang.

2 Bitu̱rus 1:6

Ɗyine zu̱ndi ɗyiku ɓu̱ Magham tun shaata ku̱si ɗyini. Tun shaata gu̱ndi memu̱nar nu̱ ɗyine ku̱si ɗyinang. Tun shaata sawar Magham nu̱ ɗyine gu̱ndi memu̱narang.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 3:10

Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.