Ɗyin mbu̱ tukari 17:3 - Mewar Alqawarang

³ Tu̱ Jiimbi a zhur nu̱ ɗyina, tu̱ nu̱ ru̱ktang da nga tu̱ ɗu̱ ndu̱ nga mbu̱ gaari. Tang na nusu far kharan ɗyine dlu gaari nggur nu̱ke ghosi varanang vyang. Yang dlu̱mku nu̱ wuti ndu̱mndi ye Magham a nje bu̱laran ve varan. Ɗyinankwang mut ndu̱ domndiku gwang.

Ɗyin mbu̱ tukari 17:3 ပူးပေါင်းရင်းမြစ်များ

Matta 27:28

tu̱ fed ɗye sar ɓaranang nu̱gha, tu̱ lu̱pa lukti vyangndi pooni ɓu̱ kujiku yenda.

Tlu̱nar ɓu̱ Pudeku 8:39

Na viki ku ɓar mbu̱ ɗyimang, tu̱ Jiimbi shakhshakhndi da Filibus ɓara, khuski nu̱ke su̱ ve nda ɓa ndang nu̱ na Filibus tu̱k ɓa, tu̱ khuskyang zu̱m guma ndu̱ yir ɓaran a kashari.

2 Tasalonikeku 2:4

Chin ka ɓa shiki kare, tu̱ ɓa shi gwaari ɗyin tu̱ ɓa da ɗyinan guma ndu̱ ɗyi nu̱ke dlu̱m Magham a nje mban kap, ndu̱ ɗyi nu̱ka gharki ghai yenda. Ka ɓaa khan mbu̱ rafti ɓu̱ Magham, tu̱ ɓa zu̱ za chin ke Magham nggwa.

Ɗyin mbu̱ tukari 1:10

Ye fu̱ɗar ɓu̱ Maghamang, nga mbe Jiimba, tang tu̱k su̱qur maɗyikandi nu̱ shipaki pi domndi.

Ɗyin mbu̱ tukari 12:14

Tu̱ yang vu̱r khobki rap ɓu̱ jijau gwaanji ye nokhzang, ma ku̱ ji ku̱ ɗu̱ ye maa nu̱ daasaki yenda mbu̱ gaarang, maa nu̱ke ka ɗa nggu̱tki nda me sonyi kunung ndu̱ mbeeri ma ku̱ shakh nu̱ su̱tang.

Ɗyin mbu̱ tukari 12:3

Tu̱ yang ɗye saidu ngguri a ɗal mbu̱ viɗi. Su̱ti nggur gwaanji vyang ndu̱ ɗyinku mut ndu̱ domndiku gwang, ndu̱ ɗye zhar ku wor mut ve ɗyinankwang.

Ɗyin mbu̱ tukari 12:6

Tu̱ nokhzang ɗan ɓu̱ gaari, ye maa nu̱ Magham daasaki yenda, nang ke ye maa nu̱ke ku̱ ɗa khutlo nda me qaandi du̱pu da ndu̱ won rap ndu̱ ɗyin njong (1,260).

Ɗyin mbu̱ tukari 17:18

Yang nokhzi no naki nang, chin ke ghai gwaanji nu̱ke a kwaaɗar ɗyine kujiku nu̱ larji nang.”

Ɗyin mbu̱ tukari 17:4

Nokhzi nang wa sa lukti nu̱ke ɗyiman wa shipa karbilau, kom ndu̱ ɗyiman vyangndi tu̱k, wa shi viri kare a wuti ndu̱ ɗyiku nu̱ shiki ndu̱ ginarwe, ndu̱ ndogdiku nu̱ zhaaji, ndu̱ ndogdi ɗye mbu̱ qur ku. Wa khuɓ ɗyekhti nu̱ shiki ginarwe nyeedlan ndu̱ ɗye zhaane ku ndu̱ ru̱knar zawar ɓaran.

Ɗyin mbu̱ tukari 18:12

Wa ginarwe ɓaanda, ndu̱ ghuri, ndu̱ ndogdiku nu̱ zhaaji, ndu̱ ndogdi ɗye mbu̱ quri, ndu̱ kapar linen mbarkandi ku. Ndu̱ kapar nu̱ke ɗyiman vyang ndu̱ Siliki ndu̱ kapar vyangndi wa karbilau, ndu̱ qu̱farku nu̱ zhiiri mu̱nkandi zum zum. Kom ndu̱ ɗyiku zum zum nu̱ shiki ndu̱ dliindi zhuwandi. Kom ndu̱ ɗyiku nu̱ shiki ndu̱ khu̱ɓti qu̱far nu̱ me mu̱zhindi kap. Kom ndu̱ ɗyi nu̱ shiki ku ndu̱ vi ɓongndi, ndu̱ vi chitndi, ndu̱ ɗyiku nu̱ shiki ndu̱ ndogdi nu̱ke a wuti.

Ɗyin mbu̱ tukari 18:16

A zu̱ran ku za, ‘Ɗye zhiyaye! Ai ghai gwaanji nang ɗya ɗye zhiyaye! Njif nu̱ka gu̱nki kapar gu̱ndi nu̱ linen mbarkandi, ndu̱ lukti nu̱ke ɗyiman wa karbilau vyangndi ndu̱ ɗyim vyangndi tu̱k, ka ki wuti ndu̱ ginarwe, ndu̱ ndogdiku nu̱ zhaaji ndu̱ ndogdi ɗye mbu̱ qur ku nang!

Ɗyin mbu̱ tukari 21:10

Tu̱ da nga mbu̱ Jiimba tu̱ ɗu̱ ndu̱ nga ɗyine dleng kirkandi gwaanji, tu̱ wut Urshalima ya, chin Ghai Shakhshakhndi nang a zhurti mbu̱ viɗi she Magham.

Ɗyin mbu̱ tukari 4:2

Fan ndu̱ fan tang gwa vara mbu̱ Jiimba, tang na zhakhɗye kwaaɗar nggur nu̱ke njif nggur a nje kharan ɗyinan mbu̱ viɗi.