Ɗyin mbu̱ tukari 13:4 - Mewar Alqawarang

⁴ Tu̱ nduki ghar ghai ye Su̱ti nang ku̱me wa vu̱r zalale ɓaran ye dlu gaari nang. Tu̱ ghar ghai ku tu̱k ye dlu gaarang, a zu̱ran ku za, “Ki kha ki wa dlu gaari nanga na? Ki ka ɗu̱maki dakhla nda?”

Ɗyin mbu̱ tukari 13:4 ပူးပေါင်းရင်းမြစ်များ

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Tasalonikeku 2:4

Chin ka ɓa shiki kare, tu̱ ɓa shi gwaari ɗyin tu̱ ɓa da ɗyinan guma ndu̱ ɗyi nu̱ke dlu̱m Magham a nje mban kap, ndu̱ ɗyi nu̱ka gharki ghai yenda. Ka ɓaa khan mbu̱ rafti ɓu̱ Magham, tu̱ ɓa zu̱ za chin ke Magham nggwa.

Ɗyin mbu̱ tukari 12:3

Tu̱ yang ɗye saidu ngguri a ɗal mbu̱ viɗi. Su̱ti nggur gwaanji vyang ndu̱ ɗyinku mut ndu̱ domndiku gwang, ndu̱ ɗye zhar ku wor mut ve ɗyinankwang.

Ɗyin mbu̱ tukari 12:4

Tu̱ yang koo da mbe kunung ɓu̱ anjinjeku nu̱ke a mbu̱ viɗi ndu̱ gaandan ta wos wor yaghai. Kom tu̱ Su̱tang ching nu̱ gume nokhzang, a ku̱r ku̱ nji nji woyang ɓara mbu̱ nokhzang wa khan dam.

Ɗyin mbu̱ tukari 13:11

Tang na dlu gaari nggur tu̱k, nu̱ke a viri vu̱ghai. Domndi ɓaran rap wa ye gamndi, tu̱ yang shi ɓalar wa geema Su̱tang.

Ɗyin mbu̱ tukari 13:15

Tu̱ vu̱r zalale ye dlu gaari nu̱ rapndi nang ku̱ vu̱r dar nyifiri ye shipar ɓu̱ dlu gaari nu̱ gumapaalyang, ma ku̱ shi ɓalari, ma ku̱ sa ku̱ tlagha nduki nu̱ zhangki ghaari ghai gha yenda kap.

Ɗyin mbu̱ tukari 13:2

Dlu gaari nang nakyang wa shipa nggaasan, yang saarankwang gor gori ndu̱ ghosi kirkandi ku wa dlu gaari ngguri nu̱ka qaki nda za beyar, menang wa me mu̱zam. Tu̱ Su̱tang vu̱r du̱mbu̱r ɓaran yenda, ndu̱ zhakhɗye ɓaran, ndu̱ zalale ɓaran maɗyikandi.

Ɗyin mbu̱ tukari 17:14

Ka shi dakhlar ndu̱ Ye gamndang ku. Yang Ye gamndang ka zu̱m loobo ɗyine wora. Ku̱me chin ke zhinkir gwaanji ɓu̱ zhinkirku ndu̱ kuji ɓu̱ kujiku, yang su̱yen nu̱ chin ka kha ɗya nduki nu̱ qaki, nduki datkandi ndu̱ nu̱ mbu nda ku nu̱ zhire.”

Ɗyin mbu̱ tukari 18:18

Ka ki zhaano ku, sarchi nu̱ naki qu̱ndi ɓai nu̱ke a va ghayang nu̱gha, a zu̱ran ku za, ‘Sar da ghai nggur a nje nu̱ khaki wa ghai gwaanji nang mu?’

Ɗyin mbu̱ tukari 9:20

Yang ɓeeni nduki nu̱ke a nje mbu̱ larji nu̱ke nu̱ mu̱t mbu̱ alobe na ɓa rong ku̱me nu̱ tlagha wor nu̱gha ɓa, wa zhang nggoɗ memu̱na wor ma ku̱ shakh ku ndu̱ ɗyi nu̱ khar wor shiki. Nu̱ njig ghaari ghai ye khu̱kheetiku ɓa, yang nu̱ njig ghaari ghai ye mu̱lu̱mku nu̱ shiki ndu̱ ginarwe, ndu̱ ghuri, ndu̱ vi vyangndi, ndu̱ ndogdi, ndu̱ qu̱farku ɓa. Aa nu̱ke nu̱ka na maa ku ɓa, nu̱ka tu̱k ɓala ku ɓa yang nu̱ka ɗu̱ aa fu̱n ku ɓa.