Ɗyin mbu̱ tukari 11:3 - Mewar Alqawarang

³ Ngga vu̱r zalale ye saiduku ɓanga wor rap nu̱ saki lukti gho mu̱ti ku, yang ka wopa ɓalar ɓang ku me qaandi du̱pu da ndu̱ won rap ndu̱ ɗyin njong (1,260).”

Ɗyin mbu̱ tukari 11:3 ပူးပေါင်းရင်းမြစ်များ

Matta 11:21

“Tun ɗye zhiyaye, Korazin! Tun ɗye zhiyaye, Besaida! Ku̱me ɗye lazhamku nu̱ shiki mbe nu, mbu̱ke shi mbu̱ ghai Taya ndu̱ Sidon, tu̱ga wa nggoɗ ku ɗau tu̱ sa ngguzur ku tu̱ ghar pu̱zhiti ye vaanda ku̱me nar tu̱ɓti ɓaanda.

Matta 18:16

Yang mbu̱ nu̱ tu̱ktor ɓa, to qa aa nduk da aa nduk rap tun ɗu̱ su̱yen tu̱k ma ku̱ kha ma saidu mbu̱ me nduki rap ma yir kunung.

Luka 10:13

“Tun ɗye zhiyaye tun Korazin ndu̱ Besaida! Ku̱me ɗye lazhamku nu̱ shiki mbe nu, aa shi mbu̱ ghai Taya ndu̱ Sidon kap nu̱ maatli ɓaanda, tu̱ga wa nggoɗ ku ɗau, tu̱ sa ngguzurku su̱yen ndu̱ ghaari pu̱zhiti ye ɗyin wora, ma wuɗ dambu̱rti ɓaanda.

Luka 24:48

Tun ke saidu ku ɓu̱ ɗyiku nang.

Yokhana 15:27

Tun saidu ɓang tu̱k, ku̱me tun a su̱yen ndu̱ nga gumapaali.”

Yokhana 3:27

Tu̱ Yokhana tlogha za, “Nduk a nje nu̱ke ka gwaki aa nu̱m ɓa kope a vu̱r yenda viɗi.

Tlu̱nar ɓu̱ Pudeku 1:8

Yang ba tun ka kha ndu̱ zalale sarchi nu̱ Jiimbi shakhshakhndi a shurki ye nu, tun ka kha ma saidu ku ɓanga mbu̱ Urshalima ndu̱ Yakhudiya ndu̱ Samariya ma yir me koɗokh larji kap.”

Tlu̱nar ɓu̱ Pudeku 13:31

Me qaandi khang a wut varan ye nduki na jiiki Galili tu̱ mbu gaanje nda ma yir Urshalima. Wor nang ke saiduku ɓaran ye nduki ɓaarem leendang.

Tlu̱nar ɓu̱ Pudeku 2:32

Magham wa ji ndu̱ Yesu nang ɓar mbe mu̱ti, yang chem nang kap saidu zhire ɓu̱ ɗyiku nang.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

1 Korintiyeku 12:28

Mbu̱ tabar ɓu̱ nu̱ mbu Yesu, gumapaali Magham wa vu̱r pudeku, nu̱ rapan annabiku, nu̱ kunungan tu̱ vu̱r maalu̱mku. Tu̱ vu̱r nu̱ shir ɗye lazham ku, ndu̱ nu̱ shaanar khaatiku, ndu̱ shaatar nduki, ndu̱ nu̱ kwaaɗarku, ndu̱ nu̱ ɓalar ndu̱ me ghiindiku zum zum.

2 Korintiyeku 13:1

Yir ɓang nu̱ke nga ma shiran nang, ke yir ɓang she nu nu̱ kunungan. “Wa ku̱s ku̱ gwa saiduku rap ma yir kunung me ku̱ ɓala kha ma zhire shwat” Ba wa nu̱ Bu̱lar ɓalar ɓu̱ Magham zu̱ki.

Afiseku 4:11

Chin shiki vu̱rti ye nduki. Wa shi vu̱rti nu̱ khar ma pude ɓu̱ Yesu ye ɓeeni nduki, ɓeenan ɗya annabiku, ɓeenan ɗya wopar Labar Mbarkandang, ɓeenan ɗya nu̱ khutlo nduki yang ɓeenan ɗya nu̱ shogar ku ɓara.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 11:2

Yang ku̱ buu na dalang nu̱ gumapaali mbu̱ rafti ɓu̱ Maghamang ɓa, njig maaranang ku̱me wa vu̱r ɓar ye nduki nu̱ke nu̱ zu̱n Magham ku ɓa. Wor nang ke nduki nu̱ke ka ɓa khalki ghai shakhshakhndi nang nu̱ mbu̱ saari wora me chere ɗyin vat qu̱m rap (42).

Ɗyin mbu̱ tukari 11:6

Wa vu̱r zalale ye wor ku̱ za maa viɗi nu̱gha ma ku̱ shi roma mbu̱ sarchi nu̱ke a zu̱r ɓalar ɓang ku ɓa. Zalale a nje kha wor ma ku̱ gaɓ ndu̱ ɗyimkwang tu̱ kha ma tom, kom ndu̱ ku̱ vu̱r bonye ye larji ndu̱ aa nyi pooni anoba, aa nyi sarchi nu̱ shimki ku.

Ɗyin mbu̱ tukari 12:6

Tu̱ nokhzang ɗan ɓu̱ gaari, ye maa nu̱ Magham daasaki yenda, nang ke ye maa nu̱ke ku̱ ɗa khutlo nda me qaandi du̱pu da ndu̱ won rap ndu̱ ɗyin njong (1,260).

Ɗyin mbu̱ tukari 13:5

Tu̱ vu̱r zalale ye dlu gaari nang tu̱ gwa men tu̱ ku̱s ɓalarku nu̱ gwaari ɗyin ndu̱ wuti ndu̱mndi ye Magham, tu̱ tlogha yenda ku̱ kha ndu̱ zalale kwaaɗar me chere ɗyin vat qu̱m rap.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.

Ɗyin mbu̱ tukari 20:4

Kom tang na zhakhɗye ku, ndu̱ nduki nu̱ vu̱rki zalale kumar ye wora kharan ɗyinang. Yang tang na nyifiku ɓu̱ nduki nu̱ ɗakhki ɗyin wor nu̱gha ku̱me wa saida Yesu, ndu̱ ɓalar ɓu̱ Magham. Wor ke nduki nu̱ke nu̱ ghar ghai ye dlu gaari nang ɓa, yang nu̱ shi ye shipar ɓaranang zum ɓa. Nu̱ dlu̱ bakhti ɓu̱ dlu gaari nang nu̱ ve me guma wor ɓa yang ve khar wor ɓa. Wor a gaɓki tu̱ kha ndu̱ nyifiri tu̱k, tu̱ shi kwaaɗar ku su̱yen ndu̱ Masiya me sonyi du̱pu.