Ɗyin mbu̱ tukari 1:9 - Mewar Alqawarang

⁹ Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 1:9 ပူးပေါင်းရင်းမြစ်များ

Matta 20:23

Tu̱ ze wor za, “Wanang ni tun ka za mbu̱ ɗyekhti ɓanga, yang khar nu̱ ve bu̱na nu̱ zu̱ma ndu̱ nu̱ gu̱ɗau, nga ke nu̱ zalale vu̱rtan ɓa. Zhinkir ɓang nu̱ mbu̱ viɗi wa daasa maa khar na ye nduki nu̱ datki.”

Markus 10:39

Tu̱ tlogha yenda ku za, “Chem ka ɗu̱ma.” Tu̱ Yesu gaɓ tu̱ ze wor za, “Wanang ni, tun ka za ɗyekhti bonye nu̱ke nga ma zaran, tun shi baptisme ndu̱ baptisme nu̱ke nga ma shiran.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Tlu̱nar ɓu̱ Pudeku 1:15

Mbu̱ qaandiku naandang tu̱ Biturus ji tu̱ chin gha chele nu̱ mbu Yesu ku (nu̱ke khang ɓaanda wa khu̱l won ndu̱ ɗyirap).

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

Romeku 8:25

Yang mbu̱ chem wa sa memu̱narem nu̱ ɗyine ɗyi nu̱ke nyem gwa dong ɓa, ai, chem wa ka bu ndu̱ kaɗanyi.

2 Korintiyeku 1:7

Sar da nyem tu̱k sawar ɗyi nu̱ke a ɗaatli ndu̱ tun ɓa, ku̱me chem wa zu̱n nu̱ke tun a zakya pooni bonye nu̱ke chem a zaranang, tun ka gwa du̱ngdi memu̱nar nu̱ke chem a gwaranang tu̱k.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Filipiyeku 4:14

Yang kap ndu̱ nang tun wa shi torop nun shaataki nga mbu̱ bonye ɓanga.

2 Tasalonikeku 3:5

Bu ku̱ Zhinerem gwaanji mbu ndu̱ tun mbe ndolar ɓu̱ Magham nang, tun ching gha shaanggu̱ɗang mbe du̱mbu̱r ɓu̱ Masiya.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

Yibraniyeku 10:36

Wa shipa tun gu̱n memu̱na nu, ku̱me shir wanang ka sa tun shi shimndi ɓu̱ Magham, qu̱rsan tun gwa ɗyi nu̱ shiki alqawaranang.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.

Ɗyin mbu̱ tukari 1:2

Tu̱ saida ɗyiku nyin naki kap. Nang ke zu̱r mbu̱ ru̱kti nu̱ ɗa viki she Magham ndu̱ zhire nu̱ Yesu Masiya wutki yenda.

Ɗyin mbu̱ tukari 1:4

Nga Yokhana, Nga bu̱lar ye tabar ɓu̱ nu̱ mbu Yesu ku nu̱ mbu̱ ghai ku mut nu̱ke a mbu̱ dlar ghai Asiya. Kha ma ndu̱ mu̱nkir ndu̱ qaandi memu̱nar na viki she Magham nu̱ke chin kya nje leendang, chin kya nje zhu, chin ka khaki mbu̱ sarchi nu̱ke a ɓari. Kom ndu̱ she jiimbiku mutndi nu̱ke a gume zhakhɗye ɓu̱ Maghamang,

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.

Ɗyin mbu̱ tukari 11:7

Yang qu̱rse wa woɗa wopa ɓalar nu̱ vu̱rki ye wor ku̱ wopa kwang, dlu gaari nggur nu̱ke a ma viri ɓar mbu̱ ge gargha mboɓongndi nu̱ke koɗokhsi ɓa ndang ka ɓu̱tl nu̱ ve wora. Tu̱ zu̱m du̱mbu̱r ɓaanda, tu̱ tlagha wora.

Ɗyin mbu̱ tukari 12:11

Tu̱ yang zu̱m du̱mbu̱r ɓaran nu̱ ku̱nshe tom ɓu̱ Ye Gamndang, ndu̱ ɓalar nu̱ saidaki ku, jiwa nu̱ shim nyifi ɓaanda maɗyi nu̱ke ku̱ ku̱na vu̱rtan ɓa, aa ka tlagha kya wora.

Ɗyin mbu̱ tukari 12:17

Tu̱ Su̱tang shi shokhna ndu̱ nokhzang maɗyi, tu̱ ji ma shi nji dakhlar ndu̱ ɓeeni pooni ɓu̱ nokhzang, wor ke, kap nduki nu̱ke a mbu bibiti ɓu̱ Magham, a maita zhire nu̱ Yesu wutki nang.

Ɗyin mbu̱ tukari 13:10

Njif nu̱ shimki nda ndu̱ tlu̱nar maava, ka ɗu̱kya ndu̱ chin ma tlu̱nar maava. Njif nu̱ shimki ku̱ tlagha nda nu̱ gha ndu̱ kaskari, ka tlagha nda ndu̱ kaskari. Ɗyinang a shimkya daati ɓu̱ Magham ku̱ kha nu̱ kanaɗyi ndu̱ gu̱ndi memu̱nar du̱mbu̱rkandi ndu̱ maito ɓu̱ nu̱ mburi Magham.

Ɗyin mbu̱ tukari 14:12

Nang a shimkya kanaɗyi mbe gu̱ndi memu̱nar du̱mbu̱rkandi ɓu̱ nduki ɓu̱ Magham, nu̱ke a mbu bibiti ɓaran, a khar zhire mbe maitar Yesu nu̱ shiki ku.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.

Ɗyin mbu̱ tukari 20:4

Kom tang na zhakhɗye ku, ndu̱ nduki nu̱ vu̱rki zalale kumar ye wora kharan ɗyinang. Yang tang na nyifiku ɓu̱ nduki nu̱ ɗakhki ɗyin wor nu̱gha ku̱me wa saida Yesu, ndu̱ ɓalar ɓu̱ Magham. Wor ke nduki nu̱ke nu̱ ghar ghai ye dlu gaari nang ɓa, yang nu̱ shi ye shipar ɓaranang zum ɓa. Nu̱ dlu̱ bakhti ɓu̱ dlu gaari nang nu̱ ve me guma wor ɓa yang ve khar wor ɓa. Wor a gaɓki tu̱ kha ndu̱ nyifiri tu̱k, tu̱ shi kwaaɗar ku su̱yen ndu̱ Masiya me sonyi du̱pu.

Ɗyin mbu̱ tukari 3:10

Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.

Ɗyin mbu̱ tukari 6:9

Nu̱ Ye gamndang qu̱nki liɓaran nu̱ qurmundanang, su̱ du̱ku̱lang tang na nyifi ɓu̱ nduki nu̱ tlaghaki wor nu̱gha ku̱me wa wopa ɓalar ɓu̱ Magham ku nu̱ saidu zhire nu̱ chingki nu̱ ɗyinan ku.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.