Ɗyin mbu̱ tukari 1:4 - Mewar Alqawarang

⁴ Nga Yokhana, Nga bu̱lar ye tabar ɓu̱ nu̱ mbu Yesu ku nu̱ mbu̱ ghai ku mut nu̱ke a mbu̱ dlar ghai Asiya. Kha ma ndu̱ mu̱nkir ndu̱ qaandi memu̱nar na viki she Magham nu̱ke chin kya nje leendang, chin kya nje zhu, chin ka khaki mbu̱ sarchi nu̱ke a ɓari. Kom ndu̱ she jiimbiku mutndi nu̱ke a gume zhakhɗye ɓu̱ Maghamang,

Ɗyin mbu̱ tukari 1:4 ပူးပေါင်းရင်းမြစ်များ

Yibraniyeku 13:8

Yesu Masiya nu̱ka nggoɗ ɓa, a nje ba wa nu̱ke a nje mbu̱ɗa ndu̱ meeni, ndu̱ aakochi koɗokhsi ɓa.

Yokhana 1:1

Vu̱ nggarsan Ɓalarang a nje, Ɓalarang a su̱yen ndu̱ Magham, Ɓalarang yang ɗya Magham.

Ɗyin mbu̱ tukari 5:6

Tang na Ye Gamndi ba wa quran dlaran, chingndan tala ɗyine zhakhɗyang, kararan ndu̱ nu̱ nyifi ku vatndi nang nu̱ ndukkudaandikwang. Domndi ɓaranang mut ndu̱ yitiku mut, nu̱ke ɗya jiimbiku mutndi ɓu̱ Magham nu̱ ru̱kki wor nu̱ mbu̱ larji kap.

Ɗyin mbu̱ tukari 4:5

Wuti maari ndu̱ su̱qur ghu̱mndi maari kom ndu̱ pedlangndi a viri she zhakhɗyang. Yang tu̱k tokhol ɓaiku mut a nje nu̱ke a dlu̱r gume zhakhɗyang, nang ke jiimbi mutndi ɓu̱ Magham.

Ɗyin mbu̱ tukari 1:8

“Nga ke Alfa, Nga ke Omega,” Zhinkir gwaanji Magham zu̱ki nang, “Chin nu̱ke a leendang, nu̱ke a zhu, nu̱ke a ɓari, nga ke nu̱ zalale aa nu̱m kap.”

Ɗyin mbu̱ tukari 3:1

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Sardis no za, Wonji ɓalar nu̱ ɗa viki she njif nu̱ khubki jiimbiku mutndi ɓu̱ Magham, ndu̱ anjinjeku mut khubtan kha ndang. Nga zu̱n ɗye shir ɓaaro. Nduki a na wa to nu̱ nyifi, yang to mu̱tan!

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.

Ɗyin mbu̱ tukari 4:8

Khobki njong kya ve aa nyi da chele ɓu̱ nu̱ nyifiku vatndi nang, vaanda kap yitiku mbu ndu̱ dam kap ndu̱ mbu̱ khobki wora. A taazi ku virkir ndu̱ fu̱ɗar laada su̱ ɓa a ɗyinan ku za, “To shakhshakh, To shakhshakh, To shakhshakh, Zhinkir gwaanji Magham nu̱ zalale aa nu̱m kap! Chin kya nje zhu, chin kya nje leendang, chin kya nje a ɓari.”

Ɗyin mbu̱ tukari 3:7

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Filadelfiya no za, Wonji ɓalar na ɓa ki she njif shakhshakhndi nu̱ zhire. Chin nu̱ke a ku̱s ɗye qu̱ndi kwaaɗar ɓu̱ Kuji Dauda, nu̱ke mbu̱ wa qu̱n tunu nu̱gha nduk a nje nu̱ke ka zaki nu̱ gha ɓa, mbu̱ yang wa za nu̱ gha, nu̱ qu̱ndan nu̱gha nje ɓa.

Romeku 1:7

Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Ɗyin mbu̱ tukari 2:8

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Su̱mirna no za, Wonji ɓalarku nu̱ ɗa viki she njif nu̱ke chin ke nu̱ gumapaali ndu̱ chin kya gana, chin mu̱tki tu̱ gaɓ tu̱ kha ndu̱ nyifiri.

Ɗyin mbu̱ tukari 1:20

“Wonji ɗyi tukakandi nu̱ mbu̱ anjinjeku mutndi no naki mbu̱ khara nu̱ zu̱mang, kom ndu̱ mbu tokhol ɓai ku nu̱ ginarwe wor mutndang. Wor anjinje mutndi nang, ɗya nu̱ ru̱ktiku ɓu̱ tabarku ɓu̱ nu̱ mbu Yesu ku mutndang, yang tu̱k tokhol ɓai ku nu̱ ginarwe wor mutndi nang, ɗya tabar ɓu̱ nu̱ mbu Yesu ku wor mutndang.”

Ɗyin mbu̱ tukari 1:11

Tu̱ su̱qurang zu̱ za, “Bu̱lo ɗyi no naki nu̱ mbu̱ lagarkati ɗyikhlakandang, to ru̱k ye tabarku ɓu̱ nu̱ mbu Yesu ku nu̱ mbu̱ ghai mutndang. Wor ke, tabar nu̱ Afisa, ndu̱ nu̱ Su̱mirna, ndu̱ Pagamum, ndu̱ Tiyatira, ndu̱ Sardis, ndu̱ Filadelfiya, kom ndu̱ nu̱ Laudikiya.”

2 Korintiyeku 1:2

Ku̱ mu̱nkir ndu̱ qaandi memu̱nar na viki she Magham Zhinerem ndu̱ Yesu Masiya kha gha su̱yen ndu̱ tunu.

1 Korintiyeku 1:3

Ku̱ mu̱nkir ndu̱ qaandi memu̱nar na viki she Magham Zhinerem ndu̱ Yesu Masiya kha gha su̱yen ndu̱ tunu.

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.

Ɗyin mbu̱ tukari 2:18

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Tiyatira no za, Wonji ɓalarku nu̱ ɗa viki she Yi ɓu̱ Magham, chin nu̱ke yitan shipaki dlu̱r ɓai, saaran wa ghuri nu̱ khiiki nu̱gha.

Ɗyin mbu̱ tukari 2:12

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Pagamum no za, Wonji ɓalarku nu̱ ɗa viki she njif nu̱ khubki kaskar nu̱ men rapndi nyamnyamndang.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.

Tlu̱nar ɓu̱ Pudeku 19:10

Tu̱ zu̱m guma nu̱ shogarang me sonyi rap tu̱ nduki nu̱ke a mbu̱ dlar ghai Asiya kap tu̱k ɓalar ɓu̱ Magham, Yakhudeku ndu̱ Gu̱rik ku.

Tlu̱nar ɓu̱ Pudeku 2:9

Chem Partiyeku, ndu̱ Medesku ndu̱ Elamku ndu̱ nduki nu̱ Mesopotamiya, ndu̱ Yakhudiya ndu̱ Kapadokiya ndu̱ Pontus ndu̱ Asiya.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 1:17

Nang naki nda tang nggu̱ɗ nu̱ gume nda wa nga mu̱tan. Tu̱ yang sa kharan nu̱ zu̱ma nu̱ ɗyina, tu̱ zu̱ za, “Tu̱k na sawa ɓa. Nga ke nu̱ gumapaali, nga ke nu̱ gana.

Ɗyin mbu̱ tukari 8:2

Kom tang na nu̱ ru̱kti ku ɓu̱ Magham mutndikwang chingndan gha ku gume Magham, tu̱ yang vu̱r domndiku mut ye wora.

Ɗyin mbu̱ tukari 16:5

Tang tu̱k nu̱ ru̱kti ɓu̱ Magham nu̱ke a zalale ndu̱ ɗyimku wa zu̱ za, “Kumar no shikyang torop to nu̱ke a nje leendang, yang to kya nje zhu, to shakhshakhndi, ku̱me ta kuma wanang.

Ɗyin mbu̱ tukari 22:8

Nga, Yokhana, nga tu̱kki, tang na ɗyiku nang. Nang woɗaki tu̱ktan ndu̱ naran, tang nggu̱ɗ nu̱ gume nu̱ ru̱kti nu̱ wutki ɗyiku nang ya, ma ghar nga ghai yenda.

Ɗyin mbu̱ tukari 22:16

“Nga, Yesu, nga ru̱kki nu̱ ru̱kti ɓanga ma ku̱ zu̱ ɗyiku nang yoro ma yir she tabar ɓu̱ nu̱ mbu Yesu ku. Nga ke dlu̱dlarsi Dauda, nga tom ɓaran tu̱k. Nga ke pazar ɗatli maa, nu̱ ka shiki wuti.”