Afiseku 6:9 - Mewar Alqawarang

⁹ Tun zhinkirku nu̱ rafa, shi ma ye maaviku ɓaanu ba wanang tu̱k. Tun njig vu̱r sawar ye wora. Zu̱n man gha nu̱ ɗyine tun ndu̱ wor kap Zhinkir gwaanji ɓaanu a nje mbu̱ viɗi, yang nu̱ka shim njif nggur tu̱ duk njif nggur ɓa.

Afiseku 6:9 ပူးပေါင်းရင်းမြစ်များ

Matta 22:10

Tu̱ maavikwang mbu njiva njiva ta qa nduki nu̱ wor gwaki kap, nduki mbarkandi ndu̱ malkandi kap, tu̱ ye maa nggar zu̱mnda nyel ndu̱ runggiku.

Matta 22:8

“Kom tu̱ ze maaviku ɓaranang za, ‘Daasar nggar zu̱mnda wa woɗa, yang nduki nang qakyang nu̱ shipa nggar zu̱mnda ɓa.

Matta 24:48

Mbu̱ yang ɗya maavi malkandi, ka zu̱ mbu̱ memu̱naran za, ‘Nu̱ rafti ɓang ɓu̱ ɗa gaɓ ɗau ɓa,’

Matta 24:51

Nu̱ rafti na ka shi dlabti malkandi yenda tu̱ shi kumar yenda su̱yen ndu̱ nu̱ mu̱narku. Nang ke ye maa nu̱ke ka shiki ghoori su̱yen ndu̱ ku̱ti dliindi.

Matta 7:12

Kap ɗyi nu̱ke tun a shim ku̱ nduk shi ye nu tun shi ye wor tu̱k, ku̱me nang ke ɗyi nu̱ Wopar ɓu̱ Musa ndu̱ annabikwang shogaki ɓara.

Luka 6:31

Ɗyi nu̱ke tun a shim ku̱ nduki she nu, shi ma ye wor wanang tu̱k.

Yokhana 13:13

Tun a qa nga Maalu̱m, ndu̱ Zhinonu gwaanji. Na torop, ku̱me nga wanang.

Tlu̱nar ɓu̱ Pudeku 10:34

Tu̱ Biturus nggaasi ɓalar za, “Shwat nga da mban nu̱ ɗyine Magham wa da aaki wayen.

Romeku 2:11

Jiwa Magham nu̱ka ji su̱ nduk ɓa, ka kumakya zhire.

1 Korintiyeku 1:2

Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

1 Korintiyeku 7:22

Mbu̱ nduk ɗya maava, tu̱ yang Zhinerem gwaanji qa nda, she Zhinkir gwaanji ɗyinan dliiran, yang tu̱k mbu̱ nduk ɗya maava ɓa, tu̱ yang Zhinerem gwaanji qa nda, wa kha ma maavi ɓu̱ Masiya.

Kolosiyeku 3:25

Yang nu̱ tlu̱nar zop, ka gwa ɗye ɓi ɓu̱ zop ɓaran, ku̱me Magham ka kuma aaki ku̱rku̱r.

Kolosiyeku 4:1

Tun zhinkirku nu̱ rafa, khuɓ ma maaviku ɓaanu mbari. Tun vu̱r ɗyi nu̱ shipaki ku̱ gwa ku ye wora. Kor ma nu̱ ɗyine tun tu̱k Zhinkir gwaanji a nje kha nu viɗi.

Yaqub 2:13

Jiwa ye sarchi kumari, Magham ɓu̱ wut ɗaana ye nduki nu̱ke nu̱ ka shi ɗaanar ku ɓa. Yang ba, ɗaana ka ɓa raki kuma.

Yaqub 2:8

Ka shi mbar mbu̱ tun wa mbu bibiti nu̱ kwaaɗar ɓu̱ Magham nu̱ke a nje bu̱laran mbu̱ bu̱lar Ɓalar ɓu̱ Magham za, “Ndolo nu̱ bing ɓaaro wa vaaro.”

Yaqub 5:4

Jiwa ɗye ɓiiri ni nu̱ tlu̱narku ye nu mbu̱ dam ɓaanu, nun zhangki ɓi wor gha ku̱me batal ɓaanu, a ghoori ye Magham. Wanang tu̱k ghoori ɓu̱ nu̱ ku̱mndi ye nu ku mbu̱ dam ɓaanu wa khu̱l she Magham, Zhinkir gwaanji Nu̱ Zalale Aa nu̱m.