Afiseku 6:8 - Mewar Alqawarang

⁸ Tun wa zu̱n nu ɗyine aa nyi tlu̱nar mbarkandi nu̱ nduk shiki ka gwa ɗye ɓiiri she Zhinkir gwaanji, aa maava aa ye rafa.

Afiseku 6:8 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 20:7

“Tu̱ zu̱ ku za, ‘Nduka nje nu̱ vu̱rki tlu̱na yerem ɓa.’ “Tu̱ ze wor tu̱k za, ‘Ɗu̱ma tun a shi tlu̱nar mbu̱ dam ɓanga.’

Matta 5:12

Shi ma kashari tu̱ memu̱na nu shi ɓong maɗyi, ku̱me ɗye ɓi ɓaanu khang viɗi, aa annabiku na ɓa ki gume nu wa za bonyeku ba wanang.

Matta 6:1

“Ku̱r ma vaanu ma ku̱ shi nu tlu̱nar jeembu ku̱me nar yiti nduk ɓa. Mbu̱ tun wa shi wanang, tun ɓu̱ gwa ɗye ɓi ɓaanu she Zhinonu nu̱ke a mbu̱ viɗi ɓa.

Matta 6:4

Ɗyi mbarkandi nu̱ke ta shiran mbu̱ tukarang, Zhinkir ɓa nu̱ke a mbu̱ viɗi nu̱ka naki ɗyi nu̱ke a shir mbu̱ tuka ka ɓiiki ro.

Luka 14:14

Mbu̱ ta shi wanang to ka gwa barka, ku̱me nduki nang ɓu̱ ɗu̱ma ɓi ro ɓa, yang Magham ɗyenda ka ɓa ɓiiki ro fu̱ɗar wuri, nang ke fu̱ɗar nu̱ke Magham ka nakhaki nduki nu̱ jeembu ku mbe mu̱ti.”

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

1 Korintiyeku 12:13

Ku̱me shi baptismyang yerem kap mbu̱ Jiimbi da ndu̱ man var da, aa to Yakhude nduku, aa to Khelene, aa to maava, aa to ye ghai, kap ɓaarem chem za mbu̱ Jiimbi dandi nang.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Kolosiyeku 3:11

Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.

Kolosiyeku 3:24

Kor ma nu̱ ɗyine Zhinkir gwaanji ka vu̱r ɗye ɓi ye nu nu̱ du̱ngki gha ku̱me nduki ɓaran. Jiwa Masiya ke Zhinkir gwaanji nu̱ rafa nu̱ke tun a ghar ghai yenda!

Kolosiyeku 3:25

Yang nu̱ tlu̱nar zop, ka gwa ɗye ɓi ɓu̱ zop ɓaran, ku̱me Magham ka kuma aaki ku̱rku̱r.

Yibraniyeku 10:35

Ku̱me nang ku̱ njig nu khar ndu̱ shokhku̱rokh memu̱na ɓa, ku̱me ka ɗa ɓa ndu̱ ɗye ɓiiri gwaanji ye nu.

Yibraniyeku 11:26

Nu̱ke wa sa memu̱naran nu̱ ɗyine ɗye ɓi nu̱ke a guma, tu̱ da bonye nyin zaki ku̱me Masiya ma ɗyi mbarkandi nu̱ dukki gu̱nar nu̱ke a mbu̱ ghai Masar.