Afiseku 6:6 - Mewar Alqawarang

⁶ Shi nu tlu̱nar nar yiti, wa nduki nu̱ke a shim ku̱ nduki kuna wor ɓa, nu̱ke tun maavi ɓu̱ Masiya, shi ma ɗyi nu̱ke Magham a shimndan, ndu̱ memu̱na nu da.

Afiseku 6:6 ပူးပေါင်းရင်းမြစ်များ

Matta 12:50

Ku̱me kap njif nu̱ shiki ɗyi nu̱ke Zhinkir ɓang nu̱ mbu̱ viɗi a shimndan, chin ke khata aa khusku aa nusu, ndu̱ mankir ɓang tu̱k.”

Matta 7:21

“Kap nduki nu̱ka qaki nga ‘Zhinerem gwaanji, Zhinerem gwaanji’ ka viki nu̱ mbu̱ kwaaɗar ɓu̱ Magham ɓa, kope njif nu̱ shiki ɗyi nu̱ke Zhinkir ɓang nu̱ke a mbu̱ viɗi a shimndan.

Markus 3:35

Ku̱me aaki nu̱ tlu̱naki shimndi ɓu̱ Magham, chin ke khata ndu̱ nana.”

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

1 Korintiyeku 7:22

Mbu̱ nduk ɗya maava, tu̱ yang Zhinerem gwaanji qa nda, she Zhinkir gwaanji ɗyinan dliiran, yang tu̱k mbu̱ nduk ɗya maava ɓa, tu̱ yang Zhinerem gwaanji qa nda, wa kha ma maavi ɓu̱ Masiya.

Galatiyeku 1:10

Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.

Afiseku 5:17

Ku̱me nang ku̱ kha nu ma nggu̱bu̱ngku ɓa, zu̱n ma ɗyi nu̱ke Magham a shim ku̱ shi nu.

Filipiyeku 2:12

Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.

Kolosiyeku 1:9

Nang ke ɗyi nu̱ saki ba ye sarchi nyem tu̱kki labar nang, nyem laada shi barar ye nu ɓa. Chem a khuɗ Magham ku̱ wut shimndi ɓaran ye nu ye dalangi ma ku̱ gwa nu kaɗari ɓu̱ Jiimba, tun gwa dar mbu̱ aa nu̱m kap.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

1 Tasalonikeku 2:4

Ba wa nu̱ Magham naki chem wa khu̱l ku̱ vu̱r tlu̱nar wopar Labar mbarkandi nang yerem yang chem a woparan. Chem a shiran ma mu̱n mi memu̱na nduk ɓa, chem a shim ku̱ memu̱na Magham kha mu̱n ndu̱ chem chin nu̱ zu̱nki ɗyin mbu̱ memu̱narem.

1 Tasalonikeku 4:3

Nang ke shimndi ɓu̱ Magham, tun kha shibtan, tun shakh ɗyinonu ndu̱ ɗye su̱bu̱rti vaanu.

Yibraniyeku 10:36

Wa shipa tun gu̱n memu̱na nu, ku̱me shir wanang ka sa tun shi shimndi ɓu̱ Magham, qu̱rsan tun gwa ɗyi nu̱ shiki alqawaranang.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

1 Biturus 2:15

Jiwa ɗya shimndi ɓu̱ Magham ku̱ shi nu tlu̱nar mbarkandi gume nduki nu̱ke ghu̱rtan ku ɓa, ma ku̱ za nu me nduki nu̱ke a ɓalar ɗyine nu mbu̱ song zu̱ndi.

1 Biturus 4:2

Ku̱me nang khar ɓaran mbu̱ man va, ɗyi nu̱ke ka shiki zalale ndu̱ chin, ɗya shimndi ɓu̱ Magham, ɓu̱ mbu shimndi ɓu̱ manva ɓa.

1 Yokhana 2:17

Chin larji ndu̱ ɗye melakhku malkandi nu̱ke a mban a peetar ku, yang njif nu̱ke a shi ɗyi nu̱ke Magham a shimndan, ka gwa nyifi nu̱ke nu̱ka shi woɗa ɓa.