Afiseku 6:24 - Mewar Alqawarang

²⁴ Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.

Afiseku 6:24 ပူးပေါင်းရင်းမြစ်များ

Matta 22:37

Tu̱ Yesu tlogha ye wor za, “ ‘Ndolo Zhinkir gwaanji Maghamndi ɓaaro ndu̱ memu̱na da, ndu̱ nyifi ɓa kap, ndu̱ shaandi ɓaa kap.’

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

2 Korintiyeku 13:14

Bu ku̱ mu̱nkir ɓu̱ Zhinerem gwaanji Yesu Masiya, ndu̱ ndolar ɓu̱ Magham, ndu̱ khar mu̱nkandi ɓu̱ Jiimbi shakhshakhndi, kha gha su̱yen ndu̱ tun kap.

2 Korintiyeku 8:12

Mbu̱ memu̱nar vu̱rtan a nje kha nu, Magham ka tu̱k mu̱ndi vu̱rti nu̱ke tun a shiran, mbu̱ tun vu̱r wa nu̱ke du̱mbu̱r ɓaanu ka ɗu̱maki. Nu̱ Magham shim ku̱ vu̱r nu ɗyi nu̱ dukki du̱mbu̱r ɓaanu ɓa.

2 Korintiyeku 8:8

Nga shikya ranna nu ku̱ shi nu ɓa, nga shim ku̱ buu nga kya komkomi ɓaanu ndu̱ ɓu̱ ɓeena nduki, ku̱me nang ka wutki pooni ndolar nu̱ke tun a shiran.

Afiseku 6:23

Nyeezaku, ku̱ qaandi memu̱na ndu̱ ndola ndu̱ maito nu̱ ɗa viki she Magham Zhinki ndu̱ Zhinerem gwaanji Yesu Masiya kha gha su̱yen ndu̱ tunu.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

Kolosiyeku 4:18

Nga Bulus nga kya bu̱la qaandi nang ye nu ndu̱ khara. Ku̱ mona nu nu̱ ɗyine nga nje khiiran zhaaru̱m ɓa. Ku̱ mu̱nkir ɓu̱ Magham kha gha su̱yen ndu̱ tunu.

2 Timoti 4:22

Ku̱ Zhinkir gwaanji kha gha su̱yen ndu̱ jiimbonu. Mu̱nkir ɓaran ku̱ kha gha su̱yen ndu̱ tunu.

Titus 2:7

Mbe aa nyi tunu to kha ma nduk nu̱ tlu̱nar ɗyi mbarkandi, tu̱ nduki ka shoga sho ro. To shi shogar ɓaaro ndu̱ ku̱si ɗyin to vu̱r va nu̱ si,

Titus 3:15

Nduki nu̱ke chem a su̱yen ndu̱ wor a qaandi yor ku kap. To shi qaandi ya ye nduki nu̱ke a ndola rem mbe maito nang. Ku̱ mu̱nkir ɓu̱ Magham kha gha su̱yen ndu̱ tun kap.

Yibraniyeku 13:25

Ku̱ mu̱nkir ɓu̱ Magham kha gha su̱yen ndu̱ tun kap.