Afiseku 6:20 - Mewar Alqawarang

²⁰ Tlu̱nar nang wa sa tang kha ma yiti Magham, yang kap ndu̱ nang nga nje gu̱ndan! Shi ma barar ya ku̱me sarchi nu̱ke nga waazu tang shi sawa su̱ ɓa ba wa nu̱ shipaki shi nga.

Afiseku 6:20 ပူးပေါင်းရင်းမြစ်များ

Tlu̱nar ɓu̱ Pudeku 21:33

Tu̱ gorkir sojang a ɓa tu̱ ku̱s Bulus, tu̱ sa ku̱ gu̱n nda gha ndu̱ yakhli rap. Kom tu̱ zham za ɗa, ɗya kiya ndu̱ ɗyi nu̱ shiki.

Tlu̱nar ɓu̱ Pudeku 26:29

Tu̱ Bulus zu̱ yenda za, “Aa mbu̱ sarchi koɗomma aa ka da sarchi, nga khuɗ ku̱ Magham sa to ɗyenda ɓa, yang kap ndu̱ nduki nu̱ke a gwa dlu̱mndi wor ya meeni nang, ku̱ kha wa nga waare yakhliku nang.”

Tlu̱nar ɓu̱ Pudeku 28:20

Nang ke ɗyi nu̱ saki tang shim na nu, chem shi ɓalar ndu̱ tunu. Ku̱me zu̱n nu nu̱ke gu̱ndi nga nu̱ gha ndu̱ yakhli nang ku̱me chin nu̱ke Israileku a sa memu̱na wor nu̱ ɗyine ɓar ɓaranang.”

Tlu̱nar ɓu̱ Pudeku 28:31

Nu̱ke nu̱ nggu̱tl nda waazu ɓa, tu̱ ki waazu kwaaɗar ɓu̱ Magham a shogar ye nduki ɗyine Yesu Masiya sawa su̱ ɓa.

Tlu̱nar ɓu̱ Pudeku 5:29

Tu̱ Yang Biturus ndu̱ ɓeena Pudekwang tlogha yenda za, “Wa ku̱s ku̱ shi mi zu̱r ɓu̱ Magham tu̱ duk zu̱r ɓu̱ nduku.

2 Korintiyeku 3:12

Pooni sar memu̱nar nang saki chem a sawa aa nu̱m ɓa.

2 Korintiyeku 5:20

Ku̱me nang chem ke yiti Masiya she nduki, chem a khar wa Magham nu̱ ɗyinan kya ɓalar nu̱ ku̱nshe rem. Yang chem a khutonu mbu̱ dlu̱m Masiya, somta ma chele ɓaanu ndu̱ Magham.

Afiseku 3:1

Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 6:19

Shi ma barar ya tu̱k ku̱me mbu̱ nga qu̱n mya ma ɓala aakochi gwa nga ɗyi nu̱ke ngga zu̱ki ye nu tang zu̱r nda tu̱k waare sawa. Ma wut nga ɗyi tukakandi nu̱ mbu̱ Labar Mbarkandang ye nduki.

Filipiyeku 1:20

Nga kashari, nga sa memu̱nara nu̱ ɗyine ku̱ ɗa ɓa nga ndu̱ ɗye kawa mbe tlu̱nar ɓu̱ Zhinerem gwaanji ɓa, yang gwa nga du̱mbu̱r tang shi ɓalar ɓang sawa su̱ ɓa. Ku̱me leendang ba wa nu̱ sotndi ku̱ Masiya gwa zhaaji sha, aa nga nje ndu̱ nyifiri aa nga mu̱ɗi.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

Kolosiyeku 4:4

Tun shi barar ya ma ku̱ zu̱ nga ɗyi tukakandi nang ye dalang maɗyi ba wa nu̱ shipaki shi nga.

1 Tasalonikeku 2:2

Aa nu̱ke chem wa za bonye ndu̱ pu̱zi mbu̱ ghai Filipi, ba wa nun zu̱nki, Maghamndi ɓaarem wa pa du̱mbu̱r yerem ma ku̱ wopa mi Labar Mbarkandang ye nu, kap ndu̱ kare nu̱ke a shiran ku ndu̱ chem.

2 Timoti 1:16

Ku̱ Magham na zhiyaye ɓu̱ rafti ɓu̱ Onesiforus, ku̱me wa ka pa du̱mbu̱r ya, nu̱ ka tu̱k kawa ku̱me wa khiiri nga gha zhaaru̱m ɓa.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.

Filimon 1:10

Nga khutoro me ɓu̱ woi ɓang Onisimus nang khaki wa zhinki she nda sarchi nu̱ke nga zhaaru̱m.

Filimon 1:9

Yang ku̱me ndola, nga khutoro, nga Bulus, nu̱ke nga geema yang leendang nga khiiran zhaaru̱m ku̱me Masiya Yesu.

1 Yokhana 3:16

Wonji ɗyi nu̱ saki chem zu̱n nu̱m ke ndola, Yesu Masiya wa vu̱r nyifi ɓaran ku̱me chem. Wa shipa chem tu̱k vu̱r mi nyifi ɓaarem ku̱me nyeezerem.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.