Afiseku 6:19 - Mewar Alqawarang

¹⁹ Shi ma barar ya tu̱k ku̱me mbu̱ nga qu̱n mya ma ɓala aakochi gwa nga ɗyi nu̱ke ngga zu̱ki ye nu tang zu̱r nda tu̱k waare sawa. Ma wut nga ɗyi tukakandi nu̱ mbu̱ Labar Mbarkandang ye nduki.

Afiseku 6:19 ပူးပေါင်းရင်းမြစ်များ

Tlu̱nar ɓu̱ Pudeku 13:46

Yang tu̱ Bulus ndu̱ Barnaba shi ɓalari, sawa su̱ ɓa. Tu̱ zu̱ ku za, “Tun Yakhudeku, tun shipaki ku̱ ngga mi su̱ zu̱ ɓalar ɓu̱ Magham ye nu, yang nu̱ke tun wa zhang gha. Tun wa wut nu̱ ɗyine nun shipa gwar nyifi nu̱ke nu̱ka shi woɗa ɓa nda ɓa. Nu̱ke wanangang, chem ka ɗu̱ she nduki nu̱ke ɗya Yakhudeku ɓa.

Tlu̱nar ɓu̱ Pudeku 14:3

Yang kap ndu̱ nang, tu̱ Bulus ndu̱ Barnaba shoɓ nje maɗyi a ɓalarku ndu̱ memu̱na wor da nu̱ ku̱nshe zalale ɓu̱ Magham. Tu̱ Magham gu̱n su̱ ɓalar mu̱nkir ɓaran nu̱ vu̱rki zalale ye wor tu̱ shi ɗye saiduku ndu̱ ɗye lazhamku.

Tlu̱nar ɓu̱ Pudeku 18:26

Tu̱ nggasi waazu ndu̱ du̱mbu̱r ɓaran kap mbu̱ kib tabari. Nu̱ Bu̱rsikila ndu̱ Akila tu̱kki ɓalar ɓaran tu̱ da nda nu̱ kaa ɓaanda tu̱ shaata nda ku tu̱ zu̱n njiv ɓu̱ Magham mbari.

Tlu̱nar ɓu̱ Pudeku 19:8

Tu̱ Bulus vi nu̱ mbu̱ kib tabar a waazu sawa su̱ ɓa, tu̱ shi chere kunung a zu̱ mbu̱ ɗyiku ye wor a dut khangkal ɓaanda mbe ɗyiku nu̱ kwaaɗar ɓu̱ Magham.

Tlu̱nar ɓu̱ Pudeku 2:4

Tu̱ nyel kap ɓaanda ndu̱ Jiimbi shakhshakhndi, tu̱ nggaasi ɓalarku ndu̱ me ghaiku zum zum, ba wa nu̱ Jiimbi shakhshakhndang vu̱rki ye wora.

Tlu̱nar ɓu̱ Pudeku 28:31

Nu̱ke nu̱ nggu̱tl nda waazu ɓa, tu̱ ki waazu kwaaɗar ɓu̱ Magham a shogar ye nduki ɗyine Yesu Masiya sawa su̱ ɓa.

Tlu̱nar ɓu̱ Pudeku 4:13

Nu naki song sawar ɓu̱ Biturus ndu̱ Yokhana tu̱ zu̱n ku za nu̱ shi zu̱ndi ku ɓa, yang ɗya aa nu̱m ku ɓa, tu̱ shi lazham ku, tu̱ yang da mban ku za wa shi khar ku ndu̱ Yesu.

Tlu̱nar ɓu̱ Pudeku 4:29

Yang leendang Zhinkir gwaanji, to nggu̱t komkomi nu̱ke a shiran ku ma nggu̱tl ku̱ shi mi tlu̱na ɓa. Vu̱r du̱mbu̱r zu̱r ɓalar ɓaa ye maaviku ɓaaro sawa si ɓa.

Tlu̱nar ɓu̱ Pudeku 4:31

Nu̱ shiki barar kwang tu̱ maa nu̱ tabaki nu̱ njang yakhta. Tu̱ nyel wor ndu̱ Jiimbi shakhshakhndi, tu̱ ki zu̱ ɓalar ɓu̱ Magham ku waare sawa.

Tlu̱nar ɓu̱ Pudeku 9:27

Kom tu̱ Barnaba da nda tu̱ ɗu̱ ndu̱ chin gume Pudekwang, tu̱ zu̱ nar Zhinerem gwaanji nu̱ Shawulu shiki yiti njivi, ndu̱ ɓalar nu̱ Zhinerem gwaanji zu̱ki yenda. Kom ndu̱ waazu nu̱ Shawulu shiki mbu̱ Damaskus mbu̱ dlu̱m Yesu sawa su̱ ɓa.

Tlu̱nar ɓu̱ Pudeku 9:29

Wa ka shi ɓalar ndu̱ Yakhudeku nu̱ka tu̱kki me Gu̱rik ku tu̱ ka shi keele ku, tu̱ yang shim tlagha nda ku.

Romeku 15:30

Nyeezaku, ku̱me Zhinerem gwaanji Yesu Masiya ndu̱ ndolar nu̱ke Jiimba ka vu̱rki, nga khutonu tun shaata nga mbe wute nu̱ke nga shiran, tun shi barar ye Magham ku̱me nga.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 1:5

Jiwa tun gu̱naran mbe nda nu̱ ku̱nshe ɓalar ɓaanu ndu̱ zu̱ndi nun shiki kap,

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

1 Korintiyeku 4:1

Wa shipa ku̱ kwaari ɓaanu khan ɗyine chem ɗya nu̱ tlu̱narku ɓu̱ Masiya, yang Magham wa vu̱r du̱ngdi ɗyiku tukakandi ɓaran yerem.

2 Korintiyeku 1:11

Wa nu̱ke tun a shaata rem ndu̱ barari. Nduki khang ka kuna Magham ku̱me chem, ndu̱ ku̱me barke nu̱ke chem ka gwaki nu̱ ku̱nshe tloghar su̱ barar ɓu̱ ndukiku khang.

2 Korintiyeku 3:12

Pooni sar memu̱nar nang saki chem a sawa aa nu̱m ɓa.

2 Korintiyeku 6:11

Tun Korontiyeku, nyem tuka aa nu̱m ye nu ɓa, chem wa qu̱n mberem ye nu maɗyi.

2 Korintiyeku 7:4

Nga maita nu maɗyi, nga zu̱ndo nu, nu̱ memu̱nara kha rap rap ndu̱ tun ɓa. Kap ndu̱ bonye nu̱ke nga zaran nang, nga kashar maɗyi.

2 Korintiyeku 8:7

Tun kya guma mbe aa nu̱m, mbe maitar Masiya, mbe ɓala, mbe zu̱ndi zhire, mbe shimndi tlu̱nar ɓu̱ Magham, ndu̱ ndolar nun ka wutki yerem. Ku̱me nang chem a shim ku̱ zu̱m nu guma mbe pooni vu̱rti nu̱ memu̱na nu ka daki ye nu nang.

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 3:9

Magham, nu̱ du̱ngki aa nu̱m, wa shim ku̱ shaata nga aaki tu̱ zu̱n ɗyi tukakandi nyin daasaki nu̱ shoɓki a nje tukaran mbu̱ memu̱naran.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

1 Tasalonikeku 2:2

Aa nu̱ke chem wa za bonye ndu̱ pu̱zi mbu̱ ghai Filipi, ba wa nun zu̱nki, Maghamndi ɓaarem wa pa du̱mbu̱r yerem ma ku̱ wopa mi Labar Mbarkandang ye nu, kap ndu̱ kare nu̱ke a shiran ku ndu̱ chem.

1 Tasalonikeku 5:25

Nyeezaku, shi ma barar yerem.

2 Tasalonikeku 3:1

Ye lauɗar san, nyeezaku, shi ma barar yerem ma ku̱ ɓalar ɓu̱ Zhinerem gwaanji dlu̱ maari ɗau ɗau, tu̱ gwa zhaaji ba wa nu̱ gwaki chele ɓaanu.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Filimon 1:22

Qu̱rse nang, dooso maa qaandi ya, ku̱me nga sa memu̱nara nu̱ ɗyine Magham ka tlogha su̱ bararku ɓaanu tu̱ ngga nga gha tang a gaɓ nu̱ she nu.

Yibraniyeku 13:18

Shi ma barar yerem. Chem wa maita nu̱ ɗyine nu̱ memu̱narem wut za chem wa shi zop ɓa. Chem a shim ku̱ shi mi ɗyi mbarkandi mbe tlu̱nar ɓaarem kap.