Afiseku 5:8 - Mewar Alqawarang

⁸ Nu̱ke ɗau fara tun a mbu̱ zhumi, yang leendang tun wa gwa yarang nu̱ ku̱nshe Zhinerem gwaanji. Tun shi pooni khar ɓu̱ nduki nu̱ mbu̱ yarangi,

Afiseku 5:8 ပူးပေါင်းရင်းမြစ်များ

Matta 3:8

Shi ma tlu̱nar nu̱ke ka wuɗki za tun wa nggoɗi.

Matta 4:16

Nduki nu̱ke kharan ku mbu̱ zhum wa na yarang gwaanji, yarang a vi ye nduki nu̱ke kharan mbu̱ jiimbi mu̱ti.”

Luka 1:79

ma vu̱r yarang ye nduki nu̱ke kharan mbu̱ zhumi, ndu̱ jiimbi mu̱ti. Ka khutlo saarerem ku̱ mbu njiv nu̱ke qaandi memu̱nar a si.”

Luka 16:8

“Tu̱ nu̱ rafti ɓu̱ nu̱ song zhiryang makhta nda ku̱me ghu̱rti nu̱ shikyang. Nduki nu̱ mbu̱ larji meeni wa duk nduki nu̱ kya mbu̱ yarang ghu̱rti mbu̱ pooni ɓaanda.

Yokhana 1:9

Yarang zhirekandi nu̱ke a vu̱r yarang ye aaki a ɓa mbu̱ larji.

Yokhana 12:35

Tu̱ Yesu ze wor za, “Yarangang a nje su̱yen ndu̱ tunu me sarchi koɗomma. Shi ma yir sarchi nu̱ke yarangang a nje su̱yen ndu̱ tunu, ma ku̱ zhum maari gwa nu ɓa. Nu̱ yir mbu̱ zhum maari nu̱ zu̱n ye maa nu̱ke chin a yir su̱ ɓa.

Yokhana 12:36

Maita ma yarangang, sarchi nu̱ke tun a su̱yen ndu̱ chin, ma ku̱ kha nu ma qusonggi ɓu̱ yarang.” Qu̱rse nu̱ Yesu shiki ɓalar nang, tu̱ ɗu̱ tu̱ ɗa tuka varan gha ye wora.

Yokhana 12:46

Nga ɓa wa yarang mbu̱ larji ku̱me ku̱ aaki nu̱ke a maita nga shi yir mbu̱ zhum ɓa.”

Yokhana 8:12

Tu̱ Yesu zu̱m guma ndu̱ ɓalar ye nduki a zu̱ran za, “Nga ke yarang ɓu̱ larji. Kap njif nu̱ke a mburi nga ɓu̱ shi yir mbu̱ zhum ɓa, yang ka gwa yarang nyifiri.”

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Romeku 1:21

Wa zu̱n Magham ku, yang kap ndu̱ nang nu̱ vu̱r zhaaji yenda ye khar ɓaran chin Magham ɓa, yang nu̱ kuna nda ku zum ɓa. Me ɓu̱ nang, tu̱ kwaari ɓaanda kha bam, memu̱na wor nu̱ke nu̱ka da mbu̱ tun ɓa ndang tu̱ kha zhum.

Romeku 13:12

Virkirang wa shi bing woɗari, wa njig koɗom ku̱ maarang ɗatli. Ku̱me nang bu ku̱ wos mi tlu̱nar nu̱ zhum maari gha, chem sa lukti nu̱ vi nu̱ dakhlar ɓaarem nu̱ yarangi.

Romeku 2:19

Ta maita nu̱ ɗyine ta khar wa nu̱ balar pugumku, ta khar wa yarang ye nduki nu̱ke a mbu̱ zhumi,

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

2 Korintiyeku 6:14

Kha nu da ndu̱ nduki nu̱ke ɗya nu̱ mbu Zhinerem gwaanji ku ɓa. Nduk mbarkandi ka shi khar ndu̱ nduk malkandi mu? Yarang ndu̱ zhum maari wa ka kha ye maa da ku mu?

Galatiyeku 5:25

Ma nu̱ke Jiimbyang vu̱rki nyifi yerem, ku̱ njig mi tu̱ Jiimbyang mbu ndu̱ chem mbu̱ khar viti ɓaarem kap.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Afiseku 4:18

Memu̱na wor zhum maɗyi mbu̱ zu̱ndi ɓaanda. Wa mbu̱ɗ nyifi nu̱ke Magham ka vu̱rki, ku̱me song zu̱ndi ndu̱ kaaku̱ɗakh ɗyin ɓaanda.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

Afiseku 6:12

Ai, dakhlar ɓaaremang chem a shiran ndu̱ nduk wa chem ɓa. Chem a shiran ndu̱ khu̱kheetiku nu̱ mu̱narku nu̱ke a mu̱na viɗi. Kom ndu̱ nu̱ kwaaɗarku, ndu̱ nu̱ zalaleku, ndu̱ wor nu̱ke kwaaɗar qaandi virkir zhumndi nang a kha wora.

Kolosiyeku 1:12

Tun ki kuna Magham Zhinkirang ye aa nyi sarchi, ku̱me chin saki chem khan chele nduki nu̱ke a ma gwa ɗye mbu̱ ge mbu̱ ɗyiku nu̱ daasaki ye nduki ɓaran, mbu̱ kwaaɗar ɓu̱ yarangi.

Kolosiyeku 1:13

Jiwa chin lawaki rem ɓar mbe kwaaɗar ɓu̱ zhumi, ta gaɓ ndu̱ chem mbu̱ kwaaɗar ɓu̱ Yi ɓaran nu̱ke a ndolaran,

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.