Afiseku 5:27 - Mewar Alqawarang

²⁷ Shi wanangang ku̱me sarchi nu̱ke chin ka ɓa daki tabar ɓu̱ nu̱ mburi nda kwang ye varan, ku̱ kha ndu̱ zhaaji maɗyi waare ru̱gna ndu̱ ɗyi nu̱ke mbar ma na ɓa, ku̱ kha shakhshakh waare beeko.

Afiseku 5:27 ပူးပေါင်းရင်းမြစ်များ

2 Korintiyeku 11:2

Nga zhiri ɓaanu ndu̱ pooni zhiri ndolar nu̱ke Magham a shiran ye nu. Ku̱me nang nga da alqawar ɓu̱rtonu ɓar ye Masiya, yang nga shim ku̱ kha nu shibtan, ma ku̱ vu̱r nga nu yenda ba wa njif nu̱ke a vu̱r wonkhar nu̱ke ɗyinan ku̱san ye zhimen.

2 Korintiyeku 4:14

Jiwa chem wa zu̱n nu̱ ɗyine Magham nu̱ jiiki ndu̱ Zhinerem gwaanji Yesu ɓar mbe mu̱ti, ka ji ndu̱ chem ɓar su̱yen ndu̱ Yesu, tu̱ ɗa ɓa ndu̱ chem gume nda su̱yen ndu̱ tunu.

Afiseku 1:4

Wa daaterem nu̱ ku̱nshe khar ɓaarem da ndu̱ Masiya me ku̱ du̱ng larji, ma ku̱ kha mi shakhshakh, waare sola gume nda ku̱me ndolar ɓaran.

Kolosiyeku 1:22

Nu̱ ku̱nshe mu̱ti ɓu̱ Masiya mbu̱ man var nang Magham wa somta nu ye varan, ma ku̱ ɗa ɓa nu̱ tun gume nda, shibtan shakhshakh waare zop.

Kolosiyeku 1:28

Nang ke ɗyi nu̱ saki chem ki wopa Masiya Yesu ye aaki, chem a dut dlu̱mdi aaki, chem a shoga ɗyiku nang ɓar ndu̱ kaɗari nu̱ke a khaarem kap ma ku̱ vu̱r mi aaki nyeedlan mbe Masiya.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

1 Biturus 1:19

Dli ɗyinonu ndu̱ tom ɓu̱ Masiya nu̱ke zhaaji a si, wa kha wa ye gamndi nu̱ sadke, nu̱ke me chiɓi nje ve nda ɓa yang beeko ɓa.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

Yakhuda 1:21

Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 14:4

Nduki nang ke nduki nu̱ke nu̱ su̱bu̱r var wor nu̱gha nu̱ ku̱nshe qaandi ndu̱ nusuku ɓa, wa shi khar shakhshakhndi ku. Wor kya mbu Ye gamndang a ɗu̱kya fu̱n. Wor nang a masa wor mbe yi ɓu̱ nduki, wor khaki wa boote dam nu̱ zu̱nki gumapaali mbu̱ dam nu̱ka vu̱rki ye Magham ndu̱ Ye gamndang.